ព័ត៌មានអន្ដរជាតិ

សិង្ហបុរីជំរុញឱ្យមានការអត់ធ្មត់ ខណៈជម្លោះព្រំដែនកម្ពុជា-ថៃកើនឡើង

បានផុស

៩ ខែ មុន

នៅ

ថ្ងៃសុក្រ ២៥ កក្កដា ២០២៥

ដោយ

ក្រសួងការបរទេសសិង្ហបុរី (MFA) បានអំពាវនាវឱ្យកម្ពុជា និងថៃ «អនុវត្តការអត់ធ្មត់ បញ្ឈប់អរិភាព និងកាត់បន្ថយភាពតានតឹងតាមរយៈមធ្យោបាយការទូត» បន្ទាប់ពីមានការប៉ះទង្គិចគ្នារវាងកងកម្លាំងកម្ពុជា និង យោធាថៃនៅតាមបណ្ដោយព្រំដែនកាលពីថ្ងៃទី ២៤ ខែកក្ក។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី២៥ខែកក្កដា។

នៅក្នុងសេចក្តីថ្លែងការណ៍របស់ក្រសួងការបរទេសសិង្ហបុរី MFA បាននិយាយថាមានសិង្ហបុរី «ការព្រួយបារម្ភយ៉ាងខ្លាំង» ចំពោះការប៉ះទង្គិចគ្នានេះ និងបានគូសបញ្ជាក់អំពីតម្រូវការក្នុងការការពារជនស៊ីវិល។ ក្រសួងការបរទេសសិង្ហបុរីក៏បានណែនាំដល់ប្រជាជនសិង្ហបុរីឱ្យពន្យារពេលការធ្វើដំណើរទាំងអស់ទៅកាន់តំបន់ព្រំដែន ហើយសម្រាប់ប្រជាជនសិង្ហបុរីដែលស្ថិតក្នុងប្រទេសកម្ពុជា និង ថៃ ត្រូវតាមដានព័ត៌មានក្នុងស្រុក អនុវត្តតាមការណែនាំសុវត្ថិភាពពីអាជ្ញាធរមូលដ្ឋាន និងរក្សាការប្រុងប្រយ័ត្ន។ រហូតមកដល់ពេលនេះ មិនទាន់មានរបាយការណ៍ពីអ្នកស្លាប់នៅសិង្ហបុរីទេ។

ប្រជាជនសិង្ហបុរីនៅក្នុងប្រទេសកម្ពុជា ឬប្រទេសថៃត្រូវបានលើកទឹកចិត្តឱ្យចុះឈ្មោះតាមប្រព័ន្ធអេឡិចត្រូនិកជាមួយ MFA ហើយអាចទាក់ទងស្ថានទូតសិង្ហបុរីនៅភ្នំពេញ ឬបាងកក ឬការិយាល័យកាតព្វកិច្ចរបស់ MFA នៅប្រទេសសិង្ហបុរី សម្រាប់ជំនួយកុងស៊ុលប្រសិនបើចាំបាច់។

ប្រជាជនកម្ពុជាជម្លៀសចេញពីតំបន់ព្រំដែនគ្រោះថ្នាក់

គួរបញ្ជាក់ថាកាលពីព្រឹកថ្ងៃទី ២៤ ខែ កក្កដាមានហេតុការណ៍ប៉ះទង្គិចគ្នារវាងកងកម្លាំងកម្ពុជា និង ថៃ ដែលបង្កឲ្យមានការជម្លៀសប្រជាជននៅតាមព្រំដែនរវាងប្រទេសទាំងពីរ និងបង្កើនក្ដីបារម្ភជាអន្តរជាតិជុំវិញជម្លោះព្រំដែនកម្ពុជា-ថៃ។
យ៉ាងណាតាមការបញ្ជាក់របស់ក្រសួងការពារជាតិកម្ពុជា បានប្រកាសថ្កោលទោសយ៉ាងដាច់អហង្ការចំពោះទង្វើឈ្លានពានយោធាយ៉ាងកម្រោល សាហាវ ឃោរឃៅ របស់ព្រះរាជាណាចក្រថៃ មកលើអធិបតេយ្យ និងបូរណភាពទឹកដីកម្ពុជា ដោយបញ្ជាក់ថាភាគីថៃជាអ្នកបើការបាញ់ប្រហារមកលើភាគីកម្ពុជាមុន ខណៈកងកម្លាំងប្រដាប់អាវុធរបស់កម្ពុជា គ្មានជម្រើសអ្វីក្រៅពីប្រើប្រាស់សិទ្ធិការពារខ្លួនក្នុងដែនអធិបតេយ្យ និងបូរណភាពទឹកដីរបស់ខ្លួនប្រឆាំងនឹងការឈ្លានពានរបស់ទាហានថៃដែលបានបំពានលើបូរណភាពទឹកដីកម្ពុជា។

លើសពីនេះការប្រើប្រាស់សព្វាវុធធុនធ្ងន់គ្រប់ប្រភេទរបស់ប្រទេសថៃ និងការដាក់ពង្រាយទាហានដ៏ច្រើនលើសលុប ដើម្បីទន្ទ្រានយកទឹកដីកម្ពុជា គឺជាការរំលោភយ៉ាងច្បាស់ក្រឡែតចំពោះធម្មនុញ្ញអង្គការសហប្រជាជាតិ ធម្មនុញ្ញអាស៊ាន និងគោលការណ៍ជាមូលដ្ឋាននៃច្បាប់អន្តរជាតិ៕