សុខភាព
សូមស្វែងយល់ពីជំងឺប្រឺសបេះដូងកុមារ!
ជំងឺប្រឺសបេះដូងកុមារ គឺជាជំងឺបណ្តាលមកពីការខូចនូវមុខងារប្រឺសបេះដូង ដែលបង្កឡើងដោយមេរោគ។ ជំងឺនេះសម្លាប់មនុស្សវ័យក្មេងប្រហែល ២៥០០០០នាក់ក្នុងមួយឆ្នាំៗនៅលើសកលលោក ជាពិសេសប្រទេសកំពុងអភិវឌ្ឍន៍ ប៉ុន្តែវាជាជំងឺមួយប្រភេទដែលអាចការពារបាន។
ជំងឺប្រឺសបេះដូងកុមារ ចែកជា ២ក្រុម៖
+ ក្រុមទី១: ជំងឺបេះដូងកុមារពីកំណើត (Cardiopathies Congénitales)
+ ក្រុមទី២: កុមារកើតមកគ្មានជំងឺបេះដូងពីកំណើតក្លាយទៅជាកុមារមានជំងឺប្រឺសបេះដូងដែលជាទូទៅកើតឡើងនៅលើកុមារចាប់ពីអាយុ ៥ឆ្នាំឡើងទៅហើយបង្កជាហានិភ័យនៅថ្ងៃក្រោយ។
ក) មូលហេតុបង្ក៖
ជំងឺប្រឺសបេះដូងកុមារជាជំងឺដែលបង្កឡើងដោយមេរោគ Streptocoque beta-hemolytique de groupe A ។ មេរោគនេះឆ្លងតាម៖
+ ការរស់នៅរួមគ្នារបស់កុមារ
+ តាមរយៈខ្យល់ (ទឹកមាត់)
+ ការប៉ះពាល់ផ្ទាល់ទៅលើស្បែក
+ ចំណីអាហារកខ្វក់ដែលមានផ្ទុកមេរោគ
ខ) រោគសញ្ញា៖
+ រោគសញ្ញាដំបូង:
– ក្តៅខ្លួន
– ឈឺបំពង់ក(Angines bactériennes)
– ហើមសន្លាក់
– ឈឺសន្លាក់ដៃជើងធំៗ
– រលាកតម្រងនោម
– រលាកស្បែក
+ នៅពេលដែលប្រឺសបេះដូងខូចក្នុងកម្រិតមធ្យមទៅធ្ងន់ធ្ងរកុមារមានរោគសញ្ញា:
– ស្គមរីងរ៉ៃ
– ហត់, ដង្ហក់ (Dyspnée)
– បេះដូងរីក
– ស្ដាប់បេះដូងឭសូរចម្លែក (Souffles cardiaques) ឬបេះដូងដើរខុសចង្វាក់ (Arythmies)
– ដង្ហក់ដោយសារហើមសួតស្រួចស្រាវ (Oedème Aiguë du Poumon)
គ) ការព្យាបាល៖
+ ស្វែងរកសេវាសុខាភិបាលឲ្យបានឆាប់រហ័ស គ្រប់គ្រាន់ និងមានប្រសិទ្ធភាព ពេលដែលកុមារមាន បញ្ហា(ក្តៅខ្លួន, ឈឺបំពង់ក,…)
+ ត្រូវព្យាបាលឲ្យបានឆាប់ និងគ្រប់ថ្ងៃ សម្រាប់កុមារដែលក្តៅខ្លួន ឈឺបំពង់ក (Angines)
+ មិនត្រូវឈប់លេបថ្នាំទេ ពេលដែលកុមារបាត់អាការៈក្តៅ ឈឺបំពង់ក ក្រោយពីព្យាបាលបាន ១ ឬ២ថ្ងៃ (រយៈពេល ព្យាបាលគឺ ១០ថ្ងៃ)
+ ដំណាក់កាលចេញជារោគសញ្ញា ហត់ រីកបេះដូង ការព្យាបាលគឺរំពឹងលើការធ្វើការវះកាត់ជួសជុល ឬប្តូរប្រឺសបេះដូងដោយវេជ្ជបណ្ឌិតឯកទេស។
ឃ) វិធីការពារ៖
+ អប់រំទៅលើក្រុមគ្រួសារ និងកុមារផ្ទាល់ឲ្យមានអនាម័យ (Hygiène) ក្នុងការរស់នៅ។
ជំងឺប្រឺសបេះដូងកុមារកម្ពុជាភាគច្រើន គឺបណ្តាលមកពីការព្យាបាលមិនបានត្រឹមត្រូវ។ ជំងឺនេះជាបន្ទុកទម្ងន់ យ៉ាងធំទៅលើក្រុមគ្រួសារ និងសង្គមជាតិ ព្រោះដំណាក់កាលចុងក្រោយតម្រូវឲ្យមានការវះកាត់បេះដូង ដែលអាចធ្វើឡើងជាច្រើនដំណាក់កាល។
ជាចុងក្រោយ សូមអំពាវនាវដល់អាណាព្យាបាលកុមារ មេត្តាយកកូនទៅទទួលសេវាសុខាភិបាលឲ្យបានឆាប់រហ័សដើម្បីជៀសវាងនូវវិបត្តិធ្ងន់ធ្ងរ។
ចំណាំ: ជំងឺប្រឺសបេះដូងគឺច្រើនតែកើតឡើងនៅលើប្រឺសបេះដូងខាងឆ្វេងលើប្រឺសមីត្រាល់(Valve mitrale) ឬលើប្រឺសបេះដូងអាអកទីក (Valve aortique)៕
អត្ថបទ៖ រស្មី
សូមចុចអាន៖ ជំងឺស្ទះសរសៃវ៉ែនខួរក្បាល!
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង