សុខភាព
វិធីសាស្ត្រក្នុងការតាមដាន និងព្យាបាលដុំពកសាច់ក្នុងថង់ទឹកប្រមាត់ ( Polypes vésiculaire)
ថង់ទឹកប្រមាត់ (Vésicule biliaire ) គឺជាផ្នែកមួយនៃប្រព័ន្ធទឹកប្រមាត់ ដែលស្ថិតនៅជាប់ក្រោមថ្លើម ហើយស្ថិតនៅក្រោមឆ្អឹងជំនីផ្នែកខាងស្តាំ។ វាមានតួនាទីស្តុកទឹកប្រមាត់ ដែលផលិតដោយថ្លើម និងត្រូវបញ្ចេញវិញចូលក្នុងពោះវៀនតូចដើម្បីរំលាយអាហារ ជាពិសេសពេលដែលយើងបរិភោគជាតិខ្លាញ់។
ដុំពកសាច់ក្នុងថង់ទឹកប្រមាត់ (Polypes vésiculaire) គឺជាដុំពកមួយដែលកើតលើជញ្ជាំងផ្នែកខាងក្នុងនៃថង់ទឹកប្រមាត់ (la lumière de la vésicule biliaire) ដុំពកសាច់នេះភាគច្រើនគឺជាដុំស្លូត (bénins) តែអាចវិវត្តទៅជាមហារីក (Malins) ក្នុងករណីដែលដុំមានទំហំធំចាប់ពី 10mm ឡើងទៅ។ ដុំសាច់នេះជាង ៦០% កើតចេញពីការកកនៃសារធាតុ កូឡេស្តេរ៉ុល ដែលជាធាតុផ្សំមួយរបស់ទឹកប្រមាត់ (Polypes cholestérolique)
១) រោគសញ្ញា៖
ជាង ៨០% នៃអ្នកជំងឺដែលមានដុំពកសាច់ក្នុងថង់ទឹកប្រមាត់ ពុំមានរោគសញ្ញាទេ តែវាអាចចេញជារោគសញ្ញាក្នុងករណីដែលដុំពកសាច់រលាក (Polypes inflamatoire) ឬក៏ដុំពកសាច់មានលាយឡំជាមួយដុំគ្រួសក្នុងថង់ទឹកប្រមាត់ ( Polypes associés à des calculs vésiculaire )។
រោគសញ្ញាទាំងនោះរួមមាន៖
– ឈឺចាប់នៅចុងដង្ហើម ឬក្រោមឆ្អឹងជំនីផ្នែកខាងស្តាំ ចាក់មកឆ្អឹងស្លាបប្រជៀវផ្នែកខាងស្តាំ
– មានក្តៅខ្លួនស្រាវស្រាញ ពេលខ្លះអាចមានក្អួត ឬ ចង្អោរផងដែរ
២) ការធ្វើរោគវិនិច្ឆ័យ៖
ភាគច្រើននៃដុំពកសាច់ក្នុងថង់ទឹកប្រមាត់ (Polypes vésiculaire) ការធ្វើរោគវិនិច្ឆ័យ គឺរកឃើញដោយចៃដន្យតាមរយៈការធ្វើអេកូពោះ ( Echographie abdominale)។
៣) វិធីសាស្ត្រក្នងការតាមដាន និងព្យាបាល៖
ដុំពកសាច់ក្នុងថង់ទឹកប្រមាត់ ( Polypes vésiculaire) ដែលមាន៖
– ទំហំតូចជាង ៥mm យើងគួរតាមដានតាមរយៈអេកូអោយបានទៀងទាត់ រៀងរាល់ ៦ខែម្តង។
– ទំហំចន្លោះពី ៦mm ទៅ ៩mm ត្រូវតាមដានតាមរយៈអេកូអោយបានទៀងទាត់ និងញឹកញាប់ផងដែរ រៀងរាល់ ៣ខែម្តង។
– ទំហំចាប់ពី ១០mm ឡើងទៅ ហើយប្រមាត់ឡើងក្រាស់ ឬមានរួមជាមួយដុំគ្រួស ចាំបាច់ត្រូវះកាត់ថង់ទឹកប្រមាត់ចេញ (Cholécystectomie prophylaxie) ព្រោះអាចវិវត្តទៅជារលាកថង់ទឹកប្រមាត់ (Cholécystite) ឬមហារីកថង់ទឹកប្រមាត់ធ្ងន់ធ្ងរ (Cancer Vésiculaire)។
ការវះកាត់ថង់ទឹកប្រមាត់ដោយវិធីចោះ ( Cholécystectomie coelioscopique) គឺជាការវះកាត់ដែលមានគុណភាពខ្ពស់ មុខរបួសតូច មិនមានការឈឺចាប់ សម្រាកពេទ្យរយៈពេលតិច ឆាប់ប្រកបមុខរបរការងារធម្មតាវិញ។ ទាំងនេះគឺមាននៅមន្ទីរពេទ្យកាល់ម៉ែត ដែលពោរពេញទៅដោយឧបករណ៍ទំនើបៗ ដើម្បីធានាបានសុវត្ថិភាពជូនអ្នកជំងឺ៕
អត្ថបទ៖ រស្មី
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»