សុខភាព

មធ្យោបាយពន្យារកំណើតបុរសៗខ្លះក៏សុវត្ថិភាពខ្ពស់ ហើយខ្លះទៀតក៏ភ្លាត់ស្នៀត

បានផុស

៣ years មុន

នៅ

ថ្ងៃអង្គារ ៣ សីហា ២០២១

ដោយ

មធ្យោបាយពន្យារកំណើតមិនមែនតែស្ត្រីទេ សព្វថ្ងៃបុរសក៏មានមធ្យោបាយច្រើនដែរ ដោយខ្លះក៏មានប្រសិទ្ធិភាពរហូត ៩៩ ភាគរយ ហើយខ្លះទៀតមិនសូវមានសុវត្ថិភាពឡើយ។ លោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិក រ៉ាក់ បកស្រាយដូចខាងក្រោម៖

១- ចាក់ទឹកក្រៅពាង

Couple Bed Stock Footage ~ Royalty Free Stock Videos | Pond5

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាមធ្យោបាយដែលមានអត្រាភ្លាត់មានផ្ទៃពោះពី ៥ ទៅ ១៥ ភាគរយ ដោយសារតែទឹករម្អិលបុរសមានមុនពេលចេញទឹកកាម មានផ្ទុកមេជីវិតតិចតួចតែអាចបង្កឲ្យមានផ្ទៃពោះបាន។ ចំណែកអ្នកខ្លះព្រោះតែដកចេញមិនទាន់ក៏បណ្ដាលឲ្យមានផ្ទៃពោះដូចគ្នា។

២- ស្រោមអនាម័យ

This male birth control comes as a topical gel and will be tested in a clinical trial - ABC News

ស្រោមអនាម័យគឺជាមធ្យោបាយមួយដ៏មានប្រសិទ្ធភាព ដើម្បីការពារការចាប់កំណើត និងបង្ការជំងឺកាមរោគមួយចំនួនផងដែរ។ ស្រោមអនាម័យធ្វើឡើងពីសារធាតុឡាតិចដែលស្ដើង ស្វិត ហើយបុរសជាច្រើនជ្រើសរើសវិធីមួយនេះ ព្រោះងាយស្រួល និងមានដំណើរការស្រួល ពេលរួមភេទ។

៣- ចង ឬកាត់បំពង់ទឹកកាម

មធ្យោបាយពន្យារកំណើតនេះ មិនអាចត្រលប់ថយក្រោយវិញបានទេ។ ប៉ុន្តែគ្រូពេទ្យជំនាញខ្លះអាចស្រាយចំណង និងតបំពង់ទឹកកាមឡើងវិញដែលអត្រាជោគជ័យមានភាគរយខ្ពស់គួរសម ឬក៏ច្រឹបយកមេជីវិតពីពងស្វាស និងបង្កកំណើតក្រៅខ្លួន។ អត្រាដែលភ្លាត់មានផ្ទៃពោះ មានតិចតួចបំផុត ហើយមធ្យោបាយប្រភេទនេះ ពេញនិយមនៅបរទេសច្រើន។

៤- ថ្នាំចាក់ពន្យារកំណើតបុរស

Did gender bias derail a potential birth control option for men? - STAT

ថ្មីៗនេះអ្នកវិទ្យាសាស្ត្រទើបរកឃើញប្រភេទថ្នាំចាក់ពន្យារកំណើត ជាប្រភេទសមាសធាតុថ្នាំPolymer អាចជ្រាបចូលទៅក្នុងពងស្វាសរបស់មនុស្សប្រុស រួចវាគ្របដណ្ដប់បំពង់តូចៗដែលបញ្ជូនមេជីវិតទៅកាន់ចុងប្រដាប់ភេទមនុស្សប្រុស។ ប៉ុន្តែថ្នាំនេះមិនទាន់ចេញឲ្យប្រើប្រាស់ជាសកលនៅឡើយទេ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ទាំងប្រុស-ស្រីមានវិបត្តិអត់កូន អាចបណ្ដាលមកលើសអ័រម៉ូនម្យ៉ាងនេះ

ចុចអាន៖ ប្រុសៗកុំសាកភេសជ្ជៈប្រភេទនេះឲ្យសោះ ប៉ះពាល់មេជីវិត ធ្វើឲ្យអត់កូន