សុខភាព

មានទម្លាប់ចឹងសោះ! បានចេះតែឈឺមិនលោះពេលនៅសម័យ Delta នេះ

បានផុស

៥ years មុន

នៅ

ថ្ងៃចន្ទ ១៦ សីហា ២០២១

ដោយ

គ្រប់គ្នាមិនអាចមើលឃើញប្រព័ន្ធភាពស៊ាំនៅក្នុងរាងកាយបានទេ តែយើងអាចដឹងបានថា មានវាឬអត់។កម្លាំងដែលមើលមិនឃើញ តែអាចការពាររាងកាយពីការឆ្លងមេរោគនិងបាក់តេរី។ បើសិនកម្លាំងនោះបំបែក នោះយើងនឹងចុះខ្សោយហើយទៅជាឈឺ។

ជាពិសេសនៅក្នុងយុគសម័យកូវីដនិងប្រភេទវីរុសបំប្លែងខ្លួន យើងភាគច្រើនកំពុងស្រាវជ្រាវពីវិធីបង្កើនភាពស៊ាំឲ្យបានពេញលេញ។ មានរឿងជាច្រើនដែលយើងធ្វើរាល់ថ្ងៃ អាចធ្វើឲ្យប្រព័ន្ធការពារយើងចុះខ្សោយ។

១ ផឹកស្រាច្រើនសឹងរាល់ថ្ងៃ អ្នកជំនាញបានឲ្យដឹងជាច្រើនឆ្នាំមកហើយថា ការហូបគ្រឿងស្រវឹងច្រើនពេក ធ្វើឲ្យប្រព័ន្ធការពាររាងកាយចុះខ្សោយតាមវិធីជាច្រើន។ ការផឹកស្រាច្រើនបង្កើនហានិភ័យនៃជំងឺបេះដូង, ការឆ្លងមេរោគផ្លូវដង្ហើម, ការជាសះស្បើយមុខរបួសយឺត , ជំងឺសួត និងជំងឺមហារីកជាង ១០ ប្រភេទ។ ដើម្បីចៀសវាងបញ្ហានេះ ចូរផឹកល្មម មានន័យថា មិនលើសពីពីរកែវក្នុងមួយថ្ងៃសម្រាប់បុរស និងមួយសម្រាប់ស្ត្រី។

២ គេងមិនគ្រប់គ្រាន់ នៅពេលយើងគេង ប្រព័ន្ធរាងកាយសំខាន់ៗធ្វើការជួសជុលដោយខ្លួនឯង។ នៅពេលសម្រាកមិនបានពេញភ្នែក បេះដូងខួរក្បាលនិងប្រព័ន្ធភាពស៊ាំមិនទទួលបានការថែទាំគ្រប់គ្រាន់។ ការសិក្សាស្រាវជ្រាវមួយបានផ្សារភ្ជាប់ការគេងមិនគ្រប់ទៅនឹងជំងឺធ្ងន់ធ្ងរជាច្រើនរួមមាន ជំងឺមហារីក ជំងឺបេះដូង និងជំងឺវង្វេង។ អ្នកជំនាញមូលនិធិដំណេកជាតិណែនាំថា មនុស្សពេញវ័យទទួលបានដំណេកល្អពី ៧ ទៅ ៩ ម៉ោងជារៀងរាល់យប់។

៣ មិនទទួលបានវីតាមីន D គ្រប់គ្រាន់ កម្រិតវីតាមីន D ក្នុងឈាមមិនគ្រប់អាចប៉ះពាល់ដល់ប្រព័ន្ធការពាររាងកាយ។ វេជ្ជបណ្ឌិត Anthony Fauci អ្នកជំនាញខាងជំងឺឆ្លងរបស់អាមេរិច បាននិយាយថា“ ប្រសិនបើអ្នកខ្វះវីតាមីន D នោះវាមានផលប៉ះពាល់ដល់ភាពងាយនឹងឆ្លងមេរោគ” ។ មានភស្តុតាងដែលថា ប្រសិនបើអ្នកមានកម្រិតវីតាមីន D ទាប នោះអ្នកមានទំនោរក្នុងការឆ្លងមេរោគ នៅពេលមានការឆ្លងមេរោគនៅជុំវិញ” ។

៤ កុំនៅឯកោ អារម្មណ៍ឯកោបានបង្កឲ្យមានការឆ្លើយតបស្ត្រេស ដែលបណ្តាលឲ្យរលាកនៅក្នុងរាងកាយ ហើយអាចប៉ះពាល់ដល់ បេះដូង ប្រព័ន្ធភាពស៊ាំ និងខួរក្បាល។ ការសិក្សាបានរកឃើញថា មនុស្សដែលរាយការណ៍ថាមានអារម្មណ៍ឯកោ មានហានិភ័យខ្ពស់នៃជំងឺមហារីក ជំងឺសរសៃឈាមបេះដូង និងជំងឺវង្វេងវង្វាន់។ ដើម្បីធ្វើឲ្យរាងកាយដំណើរការបានល្អបំផុត ចូរខិតខំរក្សាទំនាក់ទំនងជាមួយអ្នកដទៃជារៀងរាល់ថ្ងៃ។

៥ ភាពតានតឹងឥតឈប់ឈរ ព្យាយាមចៀសវាងឬកាត់បន្ថយភាពតានតឹងធ្ងន់ធ្ងរ ដែលយើងដឹងថាពេលខ្លះអាចប៉ះពាល់ដល់ប្រព័ន្ធការពាររាងកាយ ។ ស្ត្រេសរ៉ាំរ៉ៃបណ្ដាលឲ្យខួរក្បាលផលិតអ័រម៉ូនស្ត្រេស cortisol ច្រើន ដែលមានផលប៉ះពាល់អវិជ្ជមាន រួមទាំងភាពស៊ាំចុះខ្សោយ។ យោងតាមសមាគមមហារីកអាមេរិចមនុស្សដែលជួបប្រទះភាពតានតឹងរ៉ាំរ៉ៃ ងាយនឹងឆ្លងជំងឺផ្ដាសាយ និងមេរោគដូចជាផ្តាសាយ។ អរម៉ូន cortisol លើសក៏ប្រាប់ឲ្យរាងកាយរក្សាទុកខ្លាញ់នៅកន្លែងដែលមិនស្អាត និងគ្រោះថ្នាក់នៅក្នុងពោះ ៕

ប្រែសម្រួល៖ សាង ស្រីល័ក្ខ

ប្រភព៖eatthis

ចុចអាន៖ដុកទ័របកស្រាយលម្អិត ពិតឬចចាមអារ៉ាម ក្រោយមើមខ្ជាយល្បីល្បាញថា អាចប្រឆាំងកូវីដបាន ១០០ ភាគរយ

ចុចអាន៖ឱសថរុក្ខជាតិ ពិតជាអាចការពារកូវីដបាន ឬគ្រាន់តែជាពាក្យចចាមអារ៉ាម

ចុចអាន៖ទើបចាក់វ៉ាក់សាំង ដាច់ខាតកុំប្រើថ្នាំទាំងនេះ អាចរារាំងភាពស៊ាំក្នុងរាងកាយ និងបន្ថយប្រសិទ្ធភាព