សុខភាព

កំពូលអាហារទាំង៦ ប្រឆាំងនឹងជំងឺផ្ដាសាយយ៉ាងស័ក្ដិសិទ្ធិ

បានផុស

៥ years មុន

នៅ

ថ្ងៃអង្គារ ៣១ សីហា ២០២១

ដោយ

Sonya

អាហារមានសារសំខាន់ណាស់ក្នុងការប្រយុទ្ធប្រឆាំងនឹងផលប៉ះពាល់អវិជ្ជមាននៃជំងឺផ្ដាសាយ ដែលធ្វើឲ្យគ្នាយើងភាគច្រើនតែងតែមានអារម្មណ៍ល្ហិតល្ហៃ ក៏ដូចជាពិបាកក្នុងខ្លួន។ ប៉ុន្តែ តើយើងគប្បីញ៉ាំអាហារ ឬភេសជ្ជៈបែបណា ដើម្បីឲ្យជំងឺផ្ដាសាយឆាប់ជាសះស្បើយ ក៏ដូចជាពង្រឹងប្រព័ន្ធភាពស៊ាំរបស់យើងឲ្យកាន់តែរឹងមាំ?

១. ម្ទេសសម្រាប់បង្កើនចំណង់អាហារឡើងវិញ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាទូទៅ យើងតែងតែបាត់បង់ចំណង់អាហារនៅពេលដែលយើងមិនស្រួលខ្លួន ពីព្រោះតែអាហារមិនមានរសជាតិឆ្ងាញ់ដូចពីមុន។ យ៉ាងណាមិញ អាហារហឹរមានគុណប្រយោជន៍ជួយបំបាត់អាការៈតឹងច្រមុះ និងសម្រួលដល់ការដកដង្ហើម។ ជាលទ្ធផល វាធ្វើឲ្យរសជាតិអាហារត្រលប់មករកសភាពដូចមុនវិញ។

២. បំពេញជាតិទឹកជាមួយនឹងទឹកដូង

ការបំពេញជាតិទឹកក្នុងរាងកាយមានសារសំខាន់ណាស់ ក្នុងការកម្ចាត់ជាតិពុលចេញពីរាងកាយ។ គ្នាយើងគប្បីញ៉ាំទឹកដូង ឬភេសជ្ជៈដែលសម្បូរដោយអេឡិចត្រូលីត ដើម្បីបំពេញជាតិរ៉ែ ដូចជាប៉ូតាស្យូម និងសូដ្យូម។

៣. ទឹកដោះគោជូរពង្រឹងប្រព័ន្ធភាពស៊ាំ

ប្រព័ន្ធភាពស៊ាំរបស់យើងប្រមាណ៧០%គឺប្រមូលផ្ដុំនៅក្នុងក្រពះ ដូច្នេះហើយការបញ្ចូលបាក់តេរីល្អៗក្នុងក្រពះ អាចជួយឲ្យយើងឆាប់ជាសះស្បើយពីជំងឺ ក៏ដូចជាមានសុខភាពរឹងមាំ។ ទឹកដោះគោជូរ ជួយរក្សាតុល្យភាពនៃបាក់តេរីល្អក្នុងក្រពះ ហើយក៏ជាអាហារដែលស័ក្ដិសមសម្រាប់ជំងឺផ្ដាសាយផងដែរ។

៤. តែបៃតងសម្រាប់ប្រឆាំងនឹងអុកស៊ីតកម្ម

10 Things Green Tea May Do for Your Body | Everyday Health

ជាមួយគ្នានេះដែរ តែបៃតងមិនត្រឹមតែបំពេញជាតិទឹកដល់រាងកាយរបស់យើងប៉ុណ្ណោះទេ វាក៏សម្បូរទៅដោយសារធាតុប្រឆាំងនឹងអុកស៊ីតកម្ម សម្រាប់ប្រយុទ្ធនឹងពពួករ៉ាឌីកាល់សេរី។ ប្រព័ន្ធផ្លូវដង្ហើមផ្នែកខាងលើរងផលប៉ះពាល់ នៅពេលដែលយើងកើតជំងឺផ្ដាសាយ ហើយការញ៉ាំតែបៃតងក្ដៅជាមួយនឹងទឹកឃ្មុំអាចបើកផ្លូវដង្ហើមរបស់យើងឲ្យដំណើរការប្រក្រតីឡើងវិញ។

៥. ខ្ទឹមសអាចសម្លាប់មេរោគ

ខ្ទឹមសជាភ្នាក់ងារប្រឆាំងនឹងការឆ្លងមេរោគផ្សេងៗ ដូចជាបាក់តេរី និងវីរុស។ ជាក់ស្ដែង ខ្ទឹមសឆៅអាចជួយកាត់បន្ថយអាការៈគ្រុនផ្ដាសាយបានយ៉ាងអស្ចារ្យ ហើយយើងក៏អាចបញ្ចូលវាទៅក្នុងគ្រឿងផ្សំនៃអាហារដើម្បីកម្ចាត់អាការៈគ្រុនផ្ដាសាយនេះដូចគ្នា។

៦. ក្រូចឆ្មារ និងផ្លែក្រូចសម្រាប់បង្កើនវីតាមីនC

Lime vs. Lemon: The Main Differences in Nutrition, Benefits, and Uses - US Citrus

វីតាមីនCជាអាហារដ៏ល្អបំផុតសម្រាប់ជួយពង្រឹងប្រព័ន្ធភាពស៊ាំ ហើយអាហារដែលសម្បូរទៅដោយវីតាមីនCមានដូចជាផ្លែក្រូច ក្រូចឆ្មារ ស្រ្តប៊ឺរី និងប៉េងប៉ោះ។ ហេតុនេះហើយ យើងគប្បីញ៉ាំអាហារទាំងនេះជាប្រចាំ ជាពិសេសនៅពេលដែលយើងមានអាការៈគ្រុនផ្ដាសាយ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អង្ករ៤ ប្រភេទខុសៗគ្នា សុទ្ធតែមានសារធាតុ ចិញ្ចឹមម្យ៉ាងម្នាក់