នេះជាមូលហេតុដែល វ៉ាក់សាំងដូសជំរុញ មានសារសំខាន់ បញ្ឈប់ការឆ្លងកូវីដ
Connect with us
Helistar Cambodia - Helicopter Charter Services

សុខភាព

នេះជាមូលហេតុដែល វ៉ាក់សាំងដូសជំរុញ មានសារសំខាន់ បញ្ឈប់ការឆ្លងកូវីដ

បានផុស

នៅ

អ្នកវិទ្យាសាស្ត្រ បានទទូចឲ្យមនុស្សដែលមានសិទ្ធិ ត្រូវទៅទទួលវ៉ាក់សាំងការពារជំងឺកូវីដ-១៩ ដូសជំរុញ បន្ទាប់ពីការសិក្សាដ៏ធំមួយនៅប្រទេសអង់គ្លេសបានរកឃើញភស្តុតាង នៃ “ការឆ្លងទម្លុះ” បន្ទាប់ពីការចាក់វ៉ាក់សាំង២ដូសបាន ជាង៣ខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែហេតុផលថា ប្រសិទ្ធភាពវ៉ាក់សាំង២ដូស បានធ្លាក់ចុះក្នុងរយៈពេលប៉ុន្មានខែនេះហើយ ទើបក្រុមអ្នកវិទ្យាសាស្រ្តអះអាងថា ដូសជំរុញពិតជាមានសារសំខាន់ណាស់ ក្នុងការបញ្ឈប់ការឆ្លងរោគ។

ក្រុមអ្នកស្រាវជ្រាវនៅឯសាកលវិទ្យាល័យ Imperial College London បានវិភាគសំណាកមនុស្សជាង ១០០,០០០ នាក់ ហើយបានរកឃើញថា អត្រាឆ្លងមេរោគកូវីដក្នុងមនុស្សដែលមិនបានចាក់វ៉ាក់សាំង គឺខ្ពស់ជាងអ្នកចាក់បាន២ដូស ដល់ទៅ ៣ ទៅ ៤ ដងឯណោះ។

ប៉ុន្តែទោះអ្នកចាក់វ៉ាក់សាំងពេញលេញ ធ្វើឲ្យអត្រាឆ្លងធ្លាក់ចុះខ្លាំងក៏ដោយ, ក្នុងរយៈពេលបីខែបន្ទាប់ពីការចាក់លើកទី២ អត្រាឆ្លងបានកើនឡើងជាថ្មីម្តងទៀត។

ការរកឃើញនេះបង្ហាញថា ការការពារប្រឆាំងនឹងការឆ្លងមេរោគ ទោះមានឬគ្មានរោគសញ្ញាក៏ដោយ បានចាប់ផ្តើមថយចុះក្នុងរយៈពេលប៉ុន្មានខែបន្ទាប់ពីការចាក់វ៉ាក់សាំងពេញលេញ។

យោងតាមការស្រាវជ្រាវ ការចាក់វ៉ាក់សាំងពេញលេញ អាចកាត់បន្ថយហានិភ័យនៃការឆ្លងមេរោគទាំងមានឬគ្មានរោគសញ្ញាប្រហែល ៦០ភាគរយ។

វ៉ាក់សាំង Pfizer ហាក់ដូចជាមានប្រសិទ្ធភាពជាង AstraZeneca ប៉ុន្តែវ៉ាក់សាំងទាំងនេះ ត្រូវបានផ្តល់ឲ្យក្រុមអាយុផ្សេងៗគ្នា នៅកន្លែងខុសគ្នានៃការរីករាលដាលមេរោគ ដូច្នេះពួកគេមិនអាចយកមកប្រៀបធៀបដោយផ្ទាល់បានឡើយ។

គួរបញ្ជាក់ថា ខណៈពេលដែលការសិក្សាមុនៗ បានបង្ហាញថា អង់ទីគ័រប្រឆាំងនឹងកូវីដបានធ្លាក់ចុះ ក្នុងរយៈពេលប៉ុន្មានខែបន្ទាប់ពីការចាក់វ៉ាក់សាំង ការរកឃើញថ្មីៗបានបង្ហាញថា វ៉ាក់សាំងពីរដូសគឺមានសមត្ថភាពការពារខ្ពស់ ប្រឆាំងនឹងជំងឺធ្ងន់ធ្ងរ៕

ប្រែសម្រួល៖ Vann Vann

ប្រភព៖ Guardian

ចុចអាន៖ NIH រក ឃើញ អ្នក ចាក់ វ៉ាក់ សាំង J&J បើ ចាក់ Pfizer ឬ Moderna ជា ដូស ជំរុញ គឺ ល្អ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

រដ្ឋបាល​រាជធានី​ភ្នំពេញ មាន​ការ​ធ្វើ​ចរាចរណ៍​ចំពោះ​ឡាន​ធំ ដឹកទំនិញ​ឆ្លងកាត់​ផ្លូវ​លេខ​២០​អា ខណៈ​មានទឹក​ហូរ​កាត់​នៅ​យប់​នេះ

ព័ត៌មានជាតិ៣ ម៉ោង មុន

សម្តេច​តេ​ជោ ហ៊ុន សែន ​៖ ​តួនាទី​សំខាន់​៣​របស់​វិស័យ​ឯកជន​រួមចំណែក​សម្រេច​នូវ​ការងារ​អាទិភាព​និង​ផែនការ​ការងារ​អាស៊ាន​ក្នុង​ឆ្នាំ​២០២២

ព័ត៌មានជាតិ៣ ម៉ោង មុន

ការស្ថាបនា​ផ្លូវ ៣៨​ខ្សែ ក្រុង​សៀមរាប សម្រេច​បាន ៨៣,៨៧% ក្នុង រយៈពេល​១១ ខែ (​គិត​ត្រឹម​ថ្ងៃ ១៥ តុលា ២០២១) គ្រោង​បញ្ចប់​ការស្ថាបនា ក្នុង​ចុងខែ​ធ្នូ ឆ្នាំ​២០២១

ព័ត៌មានជាតិ៣ ម៉ោង មុន

អាវុធហត្ថ​ត្រៀម​កម្លាំង មធ្យោបាយ សម្ភារៈ​រួចជាស្រេច​ដើម្បី​សង្គ្រោះ​ប្រជាពលរដ្ឋ​ដែល​រងគ្រោះ​ដោយ​ទឹកជំនន់

ព័ត៌មានជាតិ៥ ម៉ោង មុន

ក្រុម​ហ៊ុន HEINEKEN Cambodia ឈ្នះ​ពានរង្វាន់​ធនធានមនុស្ស​ផ្នែក​អភិវឌ្ឍន៍​អាជីព​ល្អ​បំផុត​ប្រចាំ​តំបន់​អាស៊ី​ប៉ាស៊ីហ្វិក​

Sokha Hotels

ព័ត៌មានពេញនិយម

Helistar Cambodia - Helicopter Charter Services