សុខភាព
ពិតអត់ ប្រុសៗធាត់ពេក ជួបបញ្ហាខ្សោយប្រដាប់ភេទ?
ពេលនិយាយដល់រឿងធាត់ ជាទូទៅនឹងមានការពិភាក្សាច្រើនពីជំងឺឧស្សាហ៍កើតមួយចំនួនលើអ្នកធាត់ៗ។ ជាទូទៅមនុស្សធាត់ ច្រើនជួបបញ្ហាមានជំងឺទឹកនោមផ្អែម ជំងឺលើសសម្ពាធឈាម ឬជំងឺ បេះដូង ជំងឺគេងបាត់ដង្ហើម ឬលើសកូលេស្តេរ៉ូល ជាដើម។ ប៉ុន្តែ មនុស្សធាត់ក៏មានបញ្ហាមួយទៀត ដែលគេមិនសូវនិយាយដល់ នោះគឺមនុស្សធាត់ច្រើនជួបបញ្ហាខ្សោយផ្លូវភេទ មិនថាស្រី ឬប្រុសនោះទេ។ ចំពោះបុរសបញ្ហាខ្សោយលិង្គអាចថាមកពីបញ្ហាផ្លូវចិត្ត និងការរំខានផ្សេងៗពីអ័រម៉ូន។
១. កត្តាប្រឈម
មនុស្សប្រុសធាត់ច្រើនជួបបញ្ហាខ្សោយលិង្គ។ ការសិក្សាខ្លះបញ្ជាក់ថាប្រហែលជា៥៣ភាគរយនៃមនុស្សប្រុសវ័យចន្លោះពី៤០ទៅ៧០ មានបញ្ហាខ្សោយលិង្គក្នុងកម្រិតណាមួយ។ កត្តាប្រឈមមួយចំនួនអាចធ្វើឲ្យមនុស្សក្នុងវ័យនេះខ្សោយលិង្គ មានដូចជា៖
- កត្តាអាយុ
- ជំងឺបេះដូង
- សម្ពាធឈាមខ្ពស់
- កម្រិតអ័រម៉ូនតេស្តូស្តេរ៉ូនទាប
- ជក់បារី និងមានជំងឺទឹកនោមផ្អែម ជាមួយនឹងរបបអាហារមិនត្រឹមត្រូវ និងបែបបថរស់នៅមិនល្អ។
ដោយសារការសិក្សាជាច្រើននៅតែមានលទ្ធផលផ្ទុយគ្នា គេមិនអាចដឹងច្បាស់ទេថាកម្រិតសន្ទស្សន៍ម៉ាសរាងកាយខ្ពស់ និងធាត់ ជាដើមចមនៃបញ្ហាខ្សោយលិង្គនោះ ឬក៏មានទំនាក់ទំនងទៅនឹងកត្តាប្រឈម។ អ្វីដែលគេដឹងច្បាស់ គឺថាភាពធាត់ លើសទម្ងន់ជាកត្តារួមផ្សំ ធ្វើឲ្យខ្សោយលិង្គ។ ការផ្លាស់ប្ដូរបែបបថនៃការរស់នៅ នាំឲ្យមានសុខភាពល្អ គេជឿថាបញ្ហាខ្សោយលិង្គអាចជួយកែខៃវិញបាន។
ជាធម្មតា ពេលយើងវ័យកាន់តែច្រើន ជាធម្មជាតិ នឹងធ្វើឲ្យលិង្គចុះខ្សោយមួយកម្រិត។ ជាមួយគ្នានេះដែរ បើសិនជាយើងមានជំងឺផ្សេងៗទៀត វានឹងមានការប្រឈមកាន់តែខ្ពស់។ បញ្ហាខ្សោយលិង្គ និងសកម្មភាពផ្លូវភេទ ជាមូលហេតុសំខាន់មួយបង្កឲ្យមានបញ្ហាថប់បារម្ភ និងកង្វល់ផ្សេងៗ លើបុរស។
នៅពេលនឹកដល់សកម្មភាពផ្លូវភេទ មិនអាចល្អដូចចិត្ត នឹងធ្វើឲ្យប្រុសៗកាន់តែមានកង្វល់ច្រើន។ ភាពធាត់ អាចនាំឲ្យមនុស្សប្រុសមានជំងឺទាំងនេះ និងធ្វើឲ្យបញ្ហាផ្លូវអារម្មណ៍កើតមានដែរ។
២. ភាពធាត់ និងបញ្ហាខ្សោយលិង្គ
ពេលយើងធាត់ លើសទម្ងន់ អាចបង្កឲ្យខ្សោយលិង្គ ដោយហេតុតែមានការខូចខាតសរសៃឈាម បន្ថយកម្រិតអ័រម៉ូនតេស្តូស្តេរ៉ូន និងក៏នាំឲ្យមានសភាពរលាកកើតឡើងជាទូទៅលើរាងកាយដែរ។ ភាពធាត់អាចបង្កឲ្យខូចសរសៃឈាម ដោយសារតែមានទំនាក់ទំនងនឹងការលើសសម្ពាធឈាម ជំងឺទឹកនោមផ្អែម លើសកូលេស្តេរ៉ូល លើសជាតិខ្លាញ់ និងការរលាក។
មានការលើកឡើងថា ពេលមានការរលាកកើតឡើង អាចបង្កឲ្យមានរ៉ាឌីកាល់សេរីនៅក្នុងរាងកាយ នាំឲ្យមានការបំផ្លាញដោយអុកស៊ីតកម្មលើជាលិកាផ្សេងៗ។ ផលវិបាកកើតចេញពីសម្ពាធឈាមខ្ពស់ ជំងឺទឹកនោមផ្អែម និងលើសជាតិខ្លាញ់ ក៏សុទ្ធតែរួមចំណែកដល់បញ្ហាខ្សោយលិង្គ។
មូលហេតុបង្កឲ្យមានបញ្ហាខ្សោយលិង្គពេញនិយមជាងគេមួយគឺកម្រិតអ័រម៉ូនតេស្តូស្តេរ៉ូនទាប ដែលការចុះទាបនេះ មានទំនាក់ទំនងនឹងភាពធាត់ដែរ។ ការមានកម្រិតអ័រម៉ូនសមល្មមត្រឹមត្រូវ ជារឿងសំខាន់មួយក្នុងការជួយដល់សុខភាពលិង្គ និងចំណង់ផ្លួវភេទ។ សម្រាប់បុរស មានក្បាលពោះធំសុទ្ធខ្លាញ់ នឹងមានហានិភ័យកាន់តែខ្ពស់លើការធ្លាក់ចុះកម្រិតអ័រម៉ូនប្រភេទនេះ។ ខ្លាញ់នៅក្បាលពោះប្រុសៗអាចបំប្លែងអ័រម៉ូនតេស្តូស្តេរ៉ូនទៅជាអ័រម៉ូនអឺស្រ្តូហ្សែន ដែលរំខានដល់លំនឹងអ័រម៉ូន។
៣. ដោះស្រាយបែបណា?
អ្នកស្រាវជ្រាវបានលើកឡើងថាភាពឡើងរឹងនៃលិង្គអាចធ្វើឲ្យល្អប្រសើរវិញបានតាមរយៈការផ្លាស់ប្ដូរបែបបថរស់នៅជាក់លាក់មួយចំនួន។ ពេលយើងធាត់ ប្រឈមខ្លាំងទៅនឹងជំងឺទឹកនោមផ្អែម សម្ពាធឈាមខ្ពស់ ជំងឺបេះដូង និងបុរសខ្លះទៀតនាំឲ្យខ្សោយលិង្គ។ ញ៉ាំអាហារល្អៗចំពោះសុខភាពដូចជាបន្លែ ផ្លែឈើ មិនជក់បារី ហាត់ប្រាណជាប្រចាំ ពិតជាអាចជួយកែខៃបញ្ហាខ្សោយលិង្គបាន។
បុរសដែលធាត់ និងអាចសម្រកទម្ងន់បាន គឺជួយឲ្យសមត្ថភាពលិង្គ និងសកម្មភាពលើគ្រែល្អប្រសើរឡើងវិញ បូករួមទាំងសុខភាពរាងកាយទាំងមូលផងដែរ។ ការហាត់ប្រាណ បញ្ចេញសកម្មភាពរាងកាយជាប្រចាំ ជួយកាត់បន្ថយហានិភ័យបញ្ហាខ្សោយលិង្គ៕
ចុចអាន៖សញ្ញាសុខភាពតូចៗ ១៥ យ៉ាង បញ្ជាក់ថា ប្រុសៗអាចអាយុខ្លី បើអត់តាមដាន
ចុចអាន៖ប្រុសៗខ្លួនក្មេងមុខចាស់ តែងមើលរំលងទម្លាប់អាក្រក់ទាំងនេះ
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៦ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ