សុខភាព

ក្រោយចាក់ដូសជំរុញ ហេតុអ្វីអ្នកខ្លះអត់ស្រួលខ្លួន តែខ្លះស្រស់ស្រាយធម្មតា?

បានផុស

៤ years មុន

នៅ

ថ្ងៃពុធ ១៩ មករា ២០២២

ដោយ

ជាទូទៅ បន្ទាប់ពីចាក់វ៉ាក់សាំងហើយ យើងច្បាស់ជាទទួលផលរំខានពីវ៉ាក់សាំង បណ្ដាលឲ្យយើងមិនស្រួលខ្លួន ខ្លះងើបខ្លួនមិនចង់រួចផងក៏មាន។ ចម្លែកអី មានគ្នាយើងខ្លះទៀតចាក់ដូសជំរុញដូចគ្នាដែរ តែមានអារម្មណ៍ធម្មតា មិនទ្រុឌទ្រោមដូចគេដូចឯងសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុអ្វីបានជាក្រោយចាក់ដូសជំរុញ អ្នកខ្លះឈឺខ្លួន ហើយខ្លះទៀតអារម្មណ៍ស្រស់ស្រាយធម្មតា?

វេជ្ជបណ្ឌិត Sunaina Suhag គ្រូពេទ្យគ្រួសារនៅគ្លីនិកក្នុងតំបន់ Austin រដ្ឋTexas សហរដ្ឋអាមេរិកបានឲ្យដឹងថា
មនុស្សមួយចំនួនទទួលផលរំខានពីវ៉ាក់សាំង ចំណែកអ្នកខ្លះទៀតមិនមាន ក៏ព្រោះតែប្រព័ន្ធការពាររាងកាយរបស់យើងម្នាក់ៗមានលក្ខណៈខុសពីគ្នា។ ការឆ្លើយតបជារោគសញ្ញាចំពោះវ៉ាក់សាំងអាចអាស្រ័យទៅតាមអាយុ ភេទ និងប្រវត្តិជំងឺរបស់យើង។ យ៉ាងណា មិនបាច់បារម្ភទេ ក្រោយចាក់វ៉ាក់សាំងរួចរាងកាយរបស់យើងនឹងបង្កើតនូវប្រព័ន្ធការពារដែលយើងចង់បាន មិនថាយើងទទួលផលរំខាន ឈឺចុកចាប់ពេញរាងកាយ ឬក៏អត់ទេ។

រោគសញ្ញានៃផលរំខានក្រោយចាក់វ៉ាក់សាំងដូសជំរុញ

តាមពិតទៅ ផលរំខានពីដូសជំរុញស្រដៀងនឹងអ្វីដែលយើងធ្លាប់ជួបប្រទះក្រោយចាក់វ៉ាក់សាំងដូសទី១ ឬទី២ អ៊ីចឹងដែរ។ នេះមានន័យថា យើងអាចនឹងមិនមានអារម្មណ៍ប្លែកអ្វីទាំងអស់ ឬអាចជួបបញ្ហាប៉ុន្មានខាងក្រោមដូចជា៖

ឈឺចាប់នៅកន្លែងចាក់ថ្នាំ
គ្រុន ឬក្ដៅខ្លួន
អស់កម្លាំង
ឈឺក្បាល
ញាក់
ឈឺសាច់ដុំ
ចង្អោរ ក្អួត។

ទោះជាយ៉ាងណាក៏ដោយ យើងគ្រប់គ្នាគួរតែទទួលបានដូសជំរុញបន្ថែម ពិសេសអំឡុងពេលរាលដាលវីរុសបំប្លែងអូមីក្រុងនេះ។ ផ្ទុយទៅវិញ បើយើងចាក់វ៉ាក់សាំងហើយក្ដៅខ្លួន តែមិនបាត់ទៅវិញក្នុងរយៈពេល ៤៨ម៉ោង ឬលើសនេះ យើងគួរទាក់ទងទៅគ្រូពេទ្យ ដើម្បីសួរព័ត៌មាន និងប្រាប់ពីអាការៈដែលយើងមានក្រោយចាក់វ៉ាក់សាំងរួច៕

អត្ថបទផ្ដល់ដោយ៖ HelloKrupet

ចុចអាន៖ស្ត្រីពពោះមិនទាន់ចាក់វ៉ាក់សាំងកូវីដ បង្កជាក្ដីបារម្ភ ពេលអូមីក្រុងរាតត្បាត

ចុចអាន៖វីរុសបំប្លែង អូមីក្រុង ភាគច្រើនឆ្លងតែក្មេងជាងមនុស្សធំ?

Related Topics: