Connect with us

សុខភាព

នៅ ថៃ កំពុងល្បីបរិភោគមឹកឆៅទាំងរស់ ឥលូវវេជ្ជបណ្ឌិតព្រមានធ្ងន់ហើយ (មានវីដេអូ)

បានផុស

នៅ

ការទទួលទានមឹកឆៅ កំពុងទទួលបានប្រជាប្រិយភាពខ្លាំង នៅប្រទេសថៃ។ ជាក់ស្ដែង នាពេលថ្មីៗ នៅតាម​បណ្ដាញ​សង្គម TikTok និងហ្វេសបុក គេឃើញប្រជាជនថៃមួយចំនួន ​បាន​នឹង​សម្រុក​ទៅ​សាកល្បង​ទទួលទាន​មឹក​ឆៅ​ជ្រលក់​ជាមួយ​ទឹកត្រី​បុកម្ទេស និងទឹកត្រីពណ៌​ខ្មៅ ដូច​ដែល​ឃើញ​ក្នុង​រូបភាព ​យ៉ាង​ច្រើន​កុះករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ម៉្យាងវិញ​ទៀត គេគិតថា ​​មឹក​សម្បូរ​ទៅ​ដោយ​សារធាតុ​រ៉ែ​សំខាន់ៗ សម្រាប់មនុស្ស​ក្នុងពេល​ហូប​ឆៅ មិនថាវាជាអ៊ីយ៉ូត ជាតិ​ដែក ស័ង្កសី និង​កាល់ស្យូម ក៏​ដូចជាខ្លាញ់ពីកូលេស្តេរ៉ុល ខ្លាញ់ឆ្អែត ខ្លាញ់ monounsaturated fat និង​ខ្លាញ់ polyunsaturated ។

ទន្ទឹម​នឹង​ប្រយោជន៍​ដែលទទួលបាន​ ពី​ការហូប​ឆៅ ​វា​ក៏​មាន​គ្រោះថ្នាក់​ខ្លាំង​ផងដែរ។ ដោយ​ក្រសួងសុខាភិបាល គ្រូពេទ្យ​កុមារ Panda នៅ​ប្រទេស​ថៃ​ បានព្រមានថា ការ​បរិភោគ​មឹក​ស្រស់ អាច​ប្រឈម​នឹង​គ្រោះថ្នាក់​ដល់​សុខភាពដូច​ជា​ ៖សារធាតុ​លោហៈធ្ងន់ធ្ងរ​ជាច្រើន ​ត្រូវបានរកឃើញនៅក្នុងអាហារសមុទ្រ មិនថា សំណ ស័ង្កសី កាដមីញ៉ូម និង​ទង់ដែង ជាពិសេស កាដមីញ៉ូម។ ពួកវាមានជាទូទៅនៅក្នុងមឹកនិងត្រីមួយចំនួន។ ប្រសិន​បើរាងកាយទទួលបានបរិមាណ cadmium ទាប វានឹងកកកុញនៅក្នុងក្រលៀន ដូចជា​លោហៈ​ធ្ងន់​ជាច្រើនទៀត។

បើរាងកាយប្រមូលផ្តុំ cadmium ច្រើនពេក ក្នុង​រយៈពេល​វែង វា​អាច​បង្ក​ជា​ជំងឺ​ពុក​ឆ្អឹង ឬ​​ឆ្អឹង​មិន​រឹងមាំ​ហើយ​នឹង​រំខាន​ដល់​ដំណើរការ​របស់​វីតាមីន D កាល់ស្យូម និង​កូ​ឡា​ជែ​ន​។​ ​ជា​ពិសេស​ការ​ពុល​ស្រួច ស្រាវ​នៃ​កា​ដ្យូម​។

ម៉្យាងវិញ​ទៀត ​បើទទួលទាន​ក្នុង​បរិមាណ​ច្រើន​ក្នុង​ពេល​តែ​មួយ អាច​បណ្ដាល​ឲ្យ​ចង្អោរ ក្អួត ឈឺពោះ រមួលក្រពើ ឬ​រាគ។ សម្រាប់​អ្នកនិយម​ហូប​ញឹកញាប់​ អាច​ប្រឈម​នឹង​ជំងឺ​អាសន្នរោគ​ ឬ Vibrio parahaemolyticus ដែលអាចត្រូវបានរកឃើញនៅក្នុង​អាហារ​សមុទ្រ​ និង​ជា​មូលហេតុ​ចម្បង​នៃ​ជំងឺ​រាករូស​ ក្អួត ឈឺ​ពោះ​ធ្ងន់ធ្ងរ​ ឈឺក្បាល និង​គ្រុនញាក់​ក៏​អាច​កើត​មាន​ដែរ។

វេជ្ជបណ្ឌិត​បាន​ព្រមាន​ទៀតថា ​រោគ​សញ្ញា​ទាំងនេះ​កើតឡើងក្នុងរយៈពេល ១២ទៅ ២៤ ម៉ោង ​បន្ទាប់ពី​ទទួលទាន​អាហារ​សមុទ្រ​ ឬ​អាច​ប្រឈម​នឹង​ជំងឺ​ដង្កូវ​មូល​ដូចជា Anisakis, Pseudoterranova, Contracaeceumក្នុងពោះវៀន។ មិនត្រឹមប៉ុណ្ណឹង ​អ្នកជំងឺ​អាច​មានរោគសញ្ញា ១-២ម៉ោង បន្ទាប់​ពី​ទទួលទាន​អាហារ​នេះ ដូចជា​ឈឺពោះ​ខ្លាំង ចង្អោរ ក្អួត ស្រដៀង​ទៅ​នឹង​ដំបៅក្រពះ ពុល​អាហារ រលាក​ខ្នែង​ពោះវៀន​ជាដើម។

យ៉ាងណាមិញ​ ដើម្បីទទួលទាន​មឹកដោយ​សុវត្ថិភាព​ដល់​រាងកាយ​ ដោយការ​ជ្រើសរើស​ប្រភព​អាហារ​សមុទ្រ​ដែល​មាន​ទំនុកចិត្ត​លើ​អនាម័យ និង​គុណភាព។ ញ៉ាំ​​ឆ្អិន ១០០ភាគរយ​ ហើយ​បើញ៉ាំមឹកឆៅ គួរតែជាប្រភេទ​មឹកដែលអាចបរិភោគឆៅបាន។ ត្រូវ​បាន​រក្សាទុកក្នុងសីតុណ្ហភាពទាប ដើម្បី​សម្លាប់​ប៉ារ៉ាស៊ីតដោយជោគជ័យ (ករណី​ដូចគ្នា​ជា​មួយ​ត្រីឆៅ​ពី​ប្រទេស​ជប៉ុន) លាង​សម្អាត មុន​ពេលចម្អិន​អាហារ​ និង​កុំ​បរិភោគ​ច្រើន​ពេក៕

សូមទស្សនាវីដេអូខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖ធ្លាប់តែទស្សនាវីដេអូសៀក នេះប្រវត្តិពិតពី Zach King បុរសខ្លាំងខាងបច្ចេកវិទ្យា

ចុចអាន៖មានខ្លាញ់ក្បាលពោះ សាក ៥ វិធីនេះ ធានាឃើញលទ្ធផល ១០០ ភាគរយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៣ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៣ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៣ ម៉ោង មុន

ក្រុមហ៊ុន​ អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ  

ជីវិតកម្សាន្ដ៣ ម៉ោង មុន

ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម