សុខភាព

ស៊ុតឆៅកុំចេះតែហូបតាមគេឯង ប្រយ័ត្នឆ្លងមេរោគចូលក្នុងរាងកាយ

បានផុស

៤ years មុន

នៅ

ថ្ងៃពុធ ២៣ មីនា ២០២២

ដោយ

ស៊ុតជាប្រភពប្រូតេអ៊ីនដែលមានតម្លៃសមរម្យ និងងាយស្រួលស្វែងរក ជាពិសេសវាផ្ដល់ប្រូតេអ៊ីនច្រើនដល់រាងកាយ។ ប៉ុន្តែប្រសិនបើ យើងទៅហូបស៊ុតឆៅមិនប្រយ័ត្ន អាចបង្កគ្រោះថ្នាក់ដល់រាងកាយ ច្រើនជាងអត្ថប្រយោជន៍។ ហេតុអ្វីបានជាគេហាមមិនឲ្យបរិភោគស៊ុតឆៅ? ចុះស៊ុតដែលមានសុវត្ថិភាពគ្រប់គ្រាន់ ក្នុងការញ៉ាំឆៅ មានរូបរាងយ៉ាងម៉េចដែរ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះថ្នាក់នៃការបរិភោគស៊ុតឆៅ

លោកវេជ្ជបណ្ឌិត Suthimon Thamtecho, MD, Department of Internal Medicine មន្ទីរពេទ្យ Chulalongkorn របស់ថៃ បានកំណត់ពីគ្រោះថ្នាក់នៃការទទួលទានស៊ុតឆៅដូចខាងក្រោម៖

១ ផ្ទុកសារធាតុ salmonella spp

ប្រសិនបើ salmonella ត្រូវបានឆ្លងដោយការហូបស៊ុតឆៅ អាចបណ្ដាលឲ្យចង្អោរ ក្អួត រាគ រលាកពោះវៀន ហើយអាចធ្ងន់ធ្ងររហូតបង្កឲ្យមានការឆ្លងមេរោគក្នុងចរន្តឈាម ។

២ កង្វះ Biotin

ប្រសិនបើហូបស៊ុតឆៅក្នុងបរិមាណច្រើនជារៀងរាល់ថ្ងៃ អាចបណ្តាលឲ្យកង្វះ biotin ។ នេះគឺដោយសារតែប្រូតេអ៊ីននៅក្នុងស៊ុតពណ៌សឆៅរំខានដល់ការស្រូបយករបស់វា ប៉ះពាល់ដល់ចក្ខុវិស័យ មុខងារនៃប្រព័ន្ធសរសៃប្រសាទ ហើយអាចបណ្ដាលស្បែក និងក្រចកមិនប្រក្រតី។

តើមានស៊ុតឆៅរបៀបម៉េច ទើបអាចបរិភោគបានទេ?

យើងប្រហែលជាធ្លាប់ឃើញប្រជាជនជប៉ុន បរិភោគស៊ុតឆៅជាញឹកញាប់។ ដូច្នេះហើយ អាចនឹងសង្ស័យថាមិនមានគ្រោះថ្នាក់ឬអត់។ តាមពិតទៅ មានស៊ុតឆៅដែលគេប៉ាស្ទ័ររួចហើយ។ ទាំងនេះគឺជាស៊ុតឆៅដែលអាចបរិភោគឆៅជាពិសេស។ ដែលនឹងក្លាយជាស៊ុតដែលមានគុណភាពខ្ពស់ ហើយតាមរយៈដំណើរការនៃបច្ចេកទេសទំនើបៗ រហូតទាល់តែអ្នកអាចញ៉ាំឆៅបាន ដោយមិនបារម្ភពីបាក់តេរី។

ទោះជាយ៉ាងណាក៏ដោយ ការញ៉ាំក្នុងបរិមាណច្រើនដូចជាស៊ុតឆៅ ដែលត្រូវបានប៉ាស្ទ័រសម្រាប់ការហូបឆៅបាន ប៉ុន្តែវាមិនត្រូវបានគេណែនាំ ឲ្យញ៉ាំវាជាប្រចាំនោះទេ ឬញ៉ាំលើសកម្រិតនោះទេ៕

ប្រែសម្រួល៖ សាង ស្រីល័ក្ខ

ចុចអាន៖ជឿអត់ ស៊ុតពិតជាមានអត្ថប្រយោជន៍ច្រើន ចំពោះសុខភាព?

ចុចអាន៖៧ វិធី ទទួលបានអត្ថប្រយោជន៍ពីការផឹកកាហ្វេ និងមិនប៉ះពាល់ដល់រាងកាយ