សុខភាព
សហរដ្ឋអាមេរិក រកឃើញករណីជំងឺគ្រុនស្វិតដៃជើង ជាលើកដំបូង ក្នុងរយៈពេលជិតមួយទសវត្សរ៍
សហរដ្ឋអាមេរិក បានរាយការណ៍អំពីករណីជំងឺគ្រុនស្វិតដៃជើងជាលើកដំបូង ក្នុងរយៈពេលជិតមួយទសវត្សរ៍ បន្ទាប់ពីមន្ត្រីសុខាភិបាលក្នុងរដ្ឋញូវយ៉ក បញ្ជាក់ថា អ្នកជំងឺម្នាក់បានធ្វើតេស្តវិជ្ជមាន ជំងឺនេះ។
នាយកដ្ឋានសុខភាពរបស់រដ្ឋ បាននិយាយកាលពីថ្ងៃព្រហស្បតិ៍ទី២១ខែកក្កដាថា ករណីនេះត្រូវបានរកឃើញនៅក្នុងខ្លួនពលរដ្ឋនៃតំបន់ Rockland។
នាយកដ្ឋានបាននិយាយនៅក្នុងសេចក្តីថ្លែងការណ៍មួយថា ការធ្វើតេស្តបង្ហាញថា ករណីនៃមេរោគឆ្លងខ្លាំងនេះ អាចមានប្រភពនៅខាងក្រៅសហរដ្ឋអាមេរិក។
ស្នងការសុខាភិបាលប្រចាំតំបន់ Rockland លោក Patricia Schnabel Ruppert បាននិយាយថា “យើងកំពុងតាមដានស្ថានការណ៍យ៉ាងដិតដល់ ហើយធ្វើការជាមួយមន្ទីរសុខាភិបាលរដ្ឋញូវយ៉ក និងមជ្ឈមណ្ឌលគ្រប់គ្រង និងបង្ការជំងឺ ដើម្បីឆ្លើយតបទៅនឹងបញ្ហាសុខភាពសាធារណៈដែលកំពុងកើតមាន ដើម្បីការពារសុខភាព និងសុខុមាលភាពរបស់អ្នកស្រុក”។
ករណីចុងក្រោយនៃជំងឺគ្រុនស្វិតដៃជើងនៅសហរដ្ឋអាមេរិក ត្រូវបានកត់ត្រាក្នុងឆ្នាំ ២០១៣។
CDC ដែលបញ្ជាក់ពីករណីកាលពីថ្ងៃព្រហស្បតិ៍ បាននិយាយថា គ្មានករណីជំងឺគ្រុនស្វិតដៃជើងមានប្រភពដើមនៅក្នុងសហរដ្ឋអាមេរិកទេ ចាប់តាំងពីឆ្នាំ១៩៧៩មក។ ទោះបីជាយ៉ាងណាក៏ដោយ កាលពីអតីតកាល មេរោគត្រូវបាននាំចូលមកក្នុងប្រទេស ដោយអ្នកដំណើរ។
ករណីបែបនេះចុងក្រោយគឺនៅក្នុងឆ្នាំ ២០១៣ នៅពេលកុមារអាយុ ៧ ខែដែលទើបផ្លាស់ទៅសហរដ្ឋអាមេរិកមកពីប្រទេសឥណ្ឌា ត្រូវបានគេធ្វើរោគវិនិច្ឆ័យឃើញនៅក្នុងទីក្រុង San Antonio រដ្ឋ Texas។
គ្រុនស្វិតដៃជើង ធ្លាប់ជាជំងឺដ៏គួរឲ្យភ័យខ្លាចបំផុតរបស់ប្រទេសនេះ ដោយការផ្ទុះឡើងប្រចាំឆ្នាំ បានបណ្តាលឲ្យមានមនុស្សខ្វិនរាប់ពាន់នាក់។ CDC និយាយថា មេរោគនេះប៉ះពាល់ដល់កុមារជាចម្បង ហើយរោគសញ្ញារួមមាន ឈឺបំពង់ក ក្តៅខ្លួន អស់កម្លាំង និងចង្អោរ។
វ៉ាក់សាំងជំងឺនេះ មានតាំងពីឆ្នាំ១៩៥៥មក ហើយយុទ្ធនាការចាក់ថ្នាំបង្ការថ្នាក់ជាតិបានកាត់បន្ថយ ករណីឆ្លងប្រចាំឆ្នាំរបស់សហរដ្ឋអាមេរិកមកតិចជាង ១០០ករណី ក្នុងទសវត្សរ៍ឆ្នាំ ១៩៦០ និងតិចជាង ១០ករណី ក្នុងទសវត្សរ៍ឆ្នាំ ១៩៧០។
នៅឆ្នាំ១៩៧៩ ជំងឺគ្រុនស្វិតដៃជើង ត្រូវបានប្រកាសថា លែងមាននៅក្នុងសហរដ្ឋអាមេរិក។ ជនជាតិអាមេរិកភាគច្រើនបានទទួលវ៉ាក់សាំងប្រឆាំងនឹងជំងឺគ្រុនស្វិតដៃជើង ប៉ុន្តែករណីថ្មីនេះ បានបង្កការព្រួយបារម្ភដល់អ្នកដែលមិនបានចាក់ថ្នាំបង្ការ៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ ក្មេងស្រីអាហ្វ្រិកឆ្លងមេរោគបណ្តាលឲ្យស្វិតដៃជើង ពេលនេះ WHO កំពុងចាត់វិធានការបន្ទាន់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង