សុខភាព

ប្រុសៗខ្លះជួបបញ្ហាដោះរីកធំ តើមកពីមូលហេតុអ្វី?

បានផុស

៦ years មុន

នៅ

ថ្ងៃសុក្រ ២៥ ធ្នូ ២០២០

ដោយ

ប្រុសៗយើងមួយចំនួនទំនងជាបានជួបបញ្ហាដោះចាប់ផ្ដើមហើម និងធំជាងមុន។ តើដឹងទេថាម៉េចបានជាដោះយើងទៅជាអ៊ីចឹង ហើយបើហើមធំអ៊ីចឹង អាចមានបញ្ហាអ្វីឬអត់?

បញ្ហាដោះឡើងធំលើមនុស្សប្រុសយើង គឺបណ្ដាលមកពីមូលហេតុមួយ ឬទាំងពីរចូលគ្នា គឺទីមួយលើសជាតិខ្លាញ់ក្នុងដោះ ឬក្រពេញក្នុងដោះដុះឡើងច្រើន (gynecomastia)។ បញ្ហាចាល់ខ្លាញ់ច្រើន គឺកើតឡើងលើអ្នកធាត់ ដែលកើតឡើងនៅលើដោះទាំងសងខាង។ សម្រាប់បញ្ហា ក្រពេញក្នុងដោះដុះឡើងច្រើន វិញ ដោះរបស់យើងមានសភាពរឹងរលោង និងមានលក្ខណៈដូចយឺតតិចៗដូចកៅស៊ូ ហើយភាគច្រើនកើតលើដោះទាំងសងខាង ប៉ុន្តែក៏អាចកើតតែលើដោះតែម្ខាងបានដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់អ្នកកើត ក្រពេញក្នុងដោះដុះឡើងច្រើន គឺភាគច្រើនអាចមានអារម្មណ៍ខ្មាស់គេដោយសារតែដោះធំ តែក្រៅពីនេះវាមិនបង្កគ្រោះថ្នាក់អ្វីដល់យើងឡើយ។ ប៉ុន្តែបើមនុស្សយើងកើតបញ្ហានេះនិងបារម្ភថាអាចមានជំងឺអ្វីផ្សេង គួរតែទៅពិគ្រោះជាមួយគ្រូពេទ្យ ដើម្បីធ្វើការពិនិត្យឲ្យបានច្បាស់លាស់។ ភាគច្រើនមូលហតុរបស់វា គឺដោយសារតែផលរំខានរបស់ថ្នាំពេទ្យមួយចំនួន ដូចជាថ្នាំ បញ្ចុះទឹកនោម spironolactone (Aldactone) finasteride (Proscar) ឬ dutasteride (Avodart) ដែលវាជាថ្នាំជួយឲ្យក្រពេញប្រូស្តាតដែលរីកធំ រួមមកតូច ថ្នាំក្រពះដូចជា cimetidine (Tagamet) និង ranitidine (Zantac) និងថ្នាំអ័រម៉ូន ដើម្បីព្យាបាលជំងឺមហារីកក្រពេញប្រូស្តាត។

មានពេលខ្លះគ្រូពេទ្យមិនអាចរកឃើញមូលហេតុក្រពេញក្នុងដោះដុះឡើងច្រើន បានភ្លាមៗឡើយ ដូចនេះមិនអាចព្យាបាលបានភ្លាមៗដូចគ្នា។ ប៉ុន្តែបើដោះរីកធំដោយសារតែមានការកើនឡើងនៃជាតិខ្លាញ់ យើងអាចកាត់បន្ថយមកវិញតាមរយៈការសម្រកគីឡូ៕

អត្ថបទផ្ដល់សិទ្ធិដោយ៖ Hellokrupet

សូមចុចអាន៖ ការរួមភេទ ផ្ដល់ប្រយោជន៍សុខភាព ចំពោះអ្នកធ្លាប់គាំងបេះដូង

សូមចុចអាន៖ សាកតាមក្បួនប៉ុន្មាននេះ ប្ដីប្រពន្ធលែងភ័យខ្លាចអត់កូន

Related Topics:សុខភាព