សុខភាព

មនុស្សពេញវ័យចេញកន្ទួលលើគូទ ដោះស្រាយដោយរបៀបណា?

បានផុស

៤ years មុន

នៅ

ថ្ងៃសុក្រ ១៩ សីហា ២០២២

ដោយ

កន្ទួល ឬស្នាមក្រហមអាចកើតឡើងនៅគ្រប់ផ្នែកនៃរាងកាយ សូម្បីតែគូទ ព្រមទាំងមិនរើសវ័យទៀតផង។ ពេលខ្លះ កន្ទួលទាំងនេះ នាំឲ្យយើងរមាស់ និងឈឺចាប់ ដោយអាចបង្កជាពងបែក និងស្នាមគ្រើមលើស្បែកក៏មាន។ ដូច្នេះហើយ ដើម្បីបញ្ឈប់បញ្ហាមួយនេះ គ្នាយើងចាំបាច់ត្រូវរកមូលហេតុបង្ក និងដំណោះស្រាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មូលហេតុបង្កឲ្យមានកន្ទួលលើគូទ

មានហេតុផលជាច្រើន ដែលអាចនាំឲ្យយើងមានកន្ទួលលើគូទ ដូចជាកន្ទួលដោយសារកម្ដៅ អាលែកហ្ស៊ី ឬជំងឺកាមរោគ។ ចំពោះមនុស្សពេញវ័យអាចប្រឈមនឹងកន្ទួលលើគូទ ជាទម្រង់ពងតូចៗ មុន ឬកន្ទួលលើស្បែកដោយសារការប្រើសំឡីអនាម័យ។ យ៉ាងណាមិញ ថ្វីត្បិតតែវិធីព្យាបាលតាមផ្ទះខ្លះ អាចដោះស្រាយបញ្ហាមួយនេះបាន ប៉ុន្តែក្នុងករណីធ្ងន់ធ្ងរ យើងក៏ចាំបាច់ត្រូវទទួលការព្យាបាលបែបវេជ្ជសាស្ត្រឲ្យបានត្រឹមត្រូវផងដែរ។

ប្រភេទនៃកន្ទួលលើគូទ

កន្ទួលដោយកម្ដៅ
ត្រអក
ជំងឺសើស្បែក (Psoriasis)
មុន
ជំងឺរើម
ជំងឺផ្សិត

រូបមន្តព្យាបាលធម្មជាតិ

លាបប្រេងដូងលើស្បែកដែលហើម ដើម្បីកាត់បន្ថយកន្ទួល និងក្រហាយ
លាបទឹកឃ្មុំលើស្នាមកន្ទួល ពីព្រោះទឹកឃ្មុំមានគុណប្រយោជន៍ជួយឲ្យស្បែកជាសះស្បើយ និងជួសជុលកោសិកា
ត្រដុសប្រទាលកន្ទុយក្រពើលើស្បែកដែលខូច ដើម្បីកាត់បន្ថយការឈឺចាប់នៃកន្ទួលលើគូទ។