អង់គ្លេស រកឃើញ ជំងឺអុតស្វា បំប្លែងខ្លួនប្រភេទថ្មីលើអ្នកធ្វើដំណើរទៅ អាហ្វ្រិកខាងលិច

មន្ត្រី​សុខាភិបាល​អង់គ្លេស​បាន​បញ្ជាក់​ថា ​ជំងឺអុត​ស្វាបំប្លែងខ្លួន​ប្រភេទ​ថ្មី​ត្រូវ​បាន​គេ​រក​ឃើញ​នៅ​ចក្រភព​អង់គ្លេសលើខ្លួនមនុស្សម្នាក់ដែលទើបតែបានធ្វើដំណើរទៅអាហ្វ្រិកខាងលិច ។

ចំណែកទីភ្នាក់ងារសុខភាពអង់គ្លេសក៏បានឲ្យដឹងដែរថា អ្នកដែលទើបធ្វើដំណើរទៅអាហ្វ្រិកខាងលិចត្រូវបានគេធ្វើរោគវិនិច្ឆ័យថាមានជំងឺអុតស្វាបំប្លែងខ្លួនថ្មីដែលខុសពីជំងឺអុតស្វាដែលកំពុងចរាចរនៅក្នុងចក្រភពអង់គ្លេស ។

បច្ចុប្បន្នអ្នកជំងឺ​ដែលសុំ​មិន​បញ្ចេញ​ឈ្មោះ​​កំពុង​សម្រាក​ព្យាបាល​នៅ​មន្ទីរ​ពេទ្យ​សាកលវិទ្យាល័យ Royal Liverpool ហើយមិនមានករណីផ្សេងទៀតត្រូវបានកំណត់អត្តសញ្ញាណនោះទេគិតត្រឹមថ្ងៃសុក្រ ខណៈការតាមដានទំនាក់ទំនងក៏កំពុងត្រូវបានអនុវត្តផងដែរ ។

Sophia Maki នាយកនៃទីភ្នាក់ងារសុខភាពចក្រភពអង់គ្លេសបាននិយាយថា “យើងកំពុងធ្វើការទាក់ទងបុគ្គលដែលមានទំនាក់ទំនងជិតស្និទ្ធជាមួយករណីមុនការបញ្ជាក់ពីការឆ្លងរបស់ពួកគេដើម្បីវាយតម្លៃតាមការចាំបាច់ និងផ្តល់ដំបូន្មានបន្ថែម” ។

ទោះជាយ៉ាងណាលោកស្រីបញ្ជាក់ថា ហានិភ័យចំពោះការឆ្លងរាលដាលដល់សាធារណជនផ្សេងទៀតគឺនៅតែទាប ដោយសារពិធីសាស្ត្រគ្រប់គ្រងការឆ្លងរបស់រដ្ឋាភិបាលអង់គ្លេស ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ នាយកដ្ឋានឧតុនិយម ថៃ ឆ្លើយបែបណា រឿងថា បាងកក នឹងជួបគ្រោះទឹក​ជំនន់ដូច ១០ ឆ្នាំមុន