សុខភាព

តើអំបិលហិមាល័យ ពិតជាមានប្រយោជន៍ជាងអំបិលធម្មតាមែនទេ?

បានផុស

៤ years មុន

នៅ

ថ្ងៃសុក្រ ១៣ មករា ២០២៣

ដោយ

អំបិលគឺជាគ្រឿងទេស ដែលត្រូវតែមាននៅស្ទើរតែគ្រប់ផ្ទះនៅក្នុងផ្ទះបាយ។ យើងភាគច្រើនស្គាល់អំបិលសមុទ្រ និងអំបិលពណ៌ស។ ប៉ុន្តែបច្ចុប្បន្ននេះ មានអំបិលមួយប្រភេទទៀតកំពុងពេញនិយមក្នុងចំណោមអ្នកស្រលាញ់សុខភាព នោះគឺអំបិលហិមាល័យ ។ អ្នកខ្លះអាចហៅវាថាអំបិលពណ៌ផ្កាឈូក ដែលគេនិយាយថាមានសារធាតុរ៉ែច្រើន ហើយវាល្អជាងអំបិលធម្មតាដែលយើងធ្លាប់ប្រើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំបិលហិមាល័យ មានដើមកំណើតនៅហិមាល័យយ៉ា នៃប្រទេសប៉ាគីស្ថាន វាមានពណ៌ផ្កាឈូកដោយសារតែវត្តមាននៃអុកស៊ីដជាតិដែក។ អំបិលហិម៉ាល័យត្រូវបានចាត់ថ្នាក់ជាអំបិលសុទ្ធ។ វាត្រូវបានគេជឿថា បណ្តាលមកពីការហួត និងគ្រីស្តាល់នៃទឹកមហាសមុទ្របុរាណរាប់លានឆ្នាំមុន ឆ្លងកាត់ការចម្រាញ់ដោយដៃ និងមិនបន្ថែមសារធាតុគីមី ឬសារធាតុបន្ថែម។ វាជាធម្មជាតិ និងមានសារធាតុរ៉ែច្រើនជាងអំបិលដែលប្រើជាទូទៅ។ បន្ថែមពីលើការប្រើសម្រាប់ចម្អិនអាហារ អំបិលហិម៉ាឡៃក៏ពេញនិយមក្នុងការធ្វើចង្កៀង ឬបង្កើតរូងភ្នំអំបិលហិមាល័យ ដើម្បីជួយកំចាត់មេរោគនៅលើអាកាស។ វាធ្វើឲ្យសួតមានប្រសិទ្ធភាពជាងមុនផងដែរ។

អត្ថប្រយោជន៍សុខភាពដ៏ល្បីល្បាញនៃអំបិលហិមាល័យ មនុស្សជាច្រើនជឿថាការទទួលទាន អំបិលហិមាល័យយ៉ាងទៀងទាត់ អាចធ្វើឲ្យសុខភាពរបស់ពួកគេប្រសើរឡើង។ ព្រោះវាមានអត្ថប្រយោជន៍ជាច្រើនដូចជា៖

-ជួយរក្សាកម្រិតជាតិទឹកក្នុងរាងកាយ។

-ជួយរក្សាតុល្យភាព pH ក្នុងកោសិកា ជាពិសេសកោសិកាខួរក្បាល។

-ជួយគ្រប់គ្រងកម្រិតជាតិស្ករក្នុងឈាម និងពន្យាភាពចាស់។

-ជួយស្រូបយកភាគល្អិតអាហារនៅក្នុងពោះវៀន។

-វាជួយឲ្យខួរក្បាល សាច់ដុំ និងប្រព័ន្ធប្រសាទធ្វើការបានកាន់តែល្អ។

-ជួយប្រព័ន្ធដង្ហើម រួមទាំងសុខភាព sinus កាន់តែប្រសើរ។

-ជួយគ្រប់គ្រងសម្ពាធឈាម។

-ពង្រឹងឆ្អឹង។

-ការពារការរមួលក្រពើ

-ជំរុញចំណង់ផ្លូវភេទ។

-ជួយឲ្យសរសៃឈាមរឹងមាំ។

-ជួយឱ្យគេងលក់ស្រួល។

តើអំបិលហិមាល័យ ពិតជាល្អជាងអំបិលតុធម្មតាមែនទេ? មនុស្សជាច្រើនជឿថាអំបិលហិម៉ាល័យមានអត្ថប្រយោជន៍ជាច្រើនចំពោះសុខភាព។ ដោយសារតែវាមានសារធាតុរ៉ែ និងមីក្រូសារជាតិរហូតដល់ ៨៤ វាមានប៉ូតាស្យូម កាល់ស្យូម ម៉ាញ៉េស្យូម និងជាតិដែកច្រើនជាងអំបិលទូទៅ។ ប៉ុន្តែមានសូដ្យូមតិចជាង ពោលគឺក្នុងបរិមាណដូចគ្នានៃក្រាម អំបិលធម្មតាមាន ៣៨១មីលីក្រាមនៃសូដ្យូម ខណៈអំបិលហិមាល័យមានសូដ្យូមតិចជាង ៣៦៨ ក្រាម។ ដូច្នេះ អំបិលហិមាល័យ មានលក្ខណៈធម្មជាតិ អាចមានសុវត្ថិភាព និងមានសុខភាពល្អជាង។

ទោះយ៉ាងណា សម្រាប់អ្នកដែលងាកមកទទួលទានអំបិលហិមាល័យ ប្រហែលជាមិនទទួលបានអ៊ីយ៉ូតគ្រប់គ្រាន់ដែលរាងកាយត្រូវការឡើយ។ ដូច្នេះគួរបន្ថែមអ៊ីយ៉ូតដោយការទទួលទានអាហារសមុទ្រដូចជា បង្គា ខ្យង សារ៉ាយសមុទ្រ រួមទាំងផលិតផលទឹកដោះគោ ការការពារកង្វះអ៊ីយ៉ូត៕

ប្រែសម្រួល៖ សាង ស្រីល័ក្ខ

ចុចអាន៖៧ វិធី ការពារគ្រួសតម្រងនោម