តើមានអ្វីកើតឡើង បើអ្នកឈប់ពិសាគ្រឿងស្រវឹង ១ ខែ?

ទោះបីគ្រប់គ្នាបានដឹងពីគុណវិបត្តិរបស់គ្រឿងស្រវឹងហើយក្ដី ប៉ុន្តែនៅតែមានអ្នកទទួលទានជាច្រើនដដែល ព្រោះគិតថាមិនសប្បាយឡើយ ប្រសិនបើគ្មានវត្តមានវា ។

សម្រាប់អ្នកដែលចង់ផ្ដាច់គ្រឿងស្រវឹង សុខភាពរាងកាយ និងសុខភាពផ្លូវចិត្តរបស់ពួកគេ ក៏នឹងផ្លាស់ប្ដូរគួរឲ្យកត់សម្គាល់ក្នុងរយៈពេល ១ ខែប៉ុណ្ណោះ ។

អ្នកផ្ដាច់អាចសង្កេតឃើញថាស្បែកស្អាតជាងមុនដោយមានសំណើម បង្កើនការផ្លាស់ប្តូរកោសិកាឆាប់រហ័ស និងពន្យារភាពចាស់ ។ ជាការពិតណាស់ រាងកាយនឹងស្រូបយកជាតិទឹកបានច្រើនជាងមុន សូម្បីតែថ្លើមក៏ចាប់ផ្ដើមបណ្ដេញជាតិពុលដែរ ។

ក្រៅពីនេះ ការផ្ដាច់សុរាជួយឲ្យអ្នកគេងលក់ស្កប់ស្កល់ ហើយអារម្មណ៍ និងការយកចិត្តទុកដាក់ធ្វើការងារកាន់តែប្រសើរឡើងដូចគ្នា ។ មិនតែប៉ុណ្ណោះ សម្រាប់អ្នកចង់សម្រកទម្ងន់ក៏មានភាពងាយស្រួលដែរ ព្រោះថ្លើមបំប្លែងសារធាតុចិញ្ចឹមបានល្អ រក្សានូវជាតិរ៉ែ និងវីតាមីន, បង្កើតប្រូតេអ៊ីន អង់ស៊ីម និង ទឹកប្រមាត់, រក្សាតុល្យភាពអ័រម៉ូន និងកាត់បន្ថយសម្ពាធឈាមជាដើម ។

ក្នុងករណីមិនអាចផ្ដាច់សុរាបាន អ្នកគប្បីស្វែងរកជំនួយពីគ្រូពេទ្យ ឬ អ្នកមានបទពិសោធន៍ ដើម្បីជួយក្នុងការសម្រេចគោលដៅយ៉ាងមានប្រសិទ្ធភាព ៕

ប្រែសម្រួល៖ វារី

ប្រភព៖ priorygroup

ចុចអាន៖ បុគ្គលល្បីលំដាប់ពិភពលោក ៦ រូប មិនសេពគ្រឿងស្រវឹងដាច់ខាត

ចុចអាន៖ តារាបរទេស ៥ ដួង ធ្លាប់ញៀនគ្រឿងស្រវឹងសឹងតែងើបមិនរួច