នៅ​ឲ្យ​​ឆ្ងាយ​ពី​មនុស្ស​អវិជ្ជមាន បើ​មិន​ចង់​ជួប​វិបត្តិ ៦យ៉ាងនេះ – Kampuchea Thmey Daily
Connect with us

KPT+

នៅ​ឲ្យ​​ឆ្ងាយ​ពី​មនុស្ស​អវិជ្ជមាន បើ​មិន​ចង់​ជួប​វិបត្តិ ៦យ៉ាងនេះ

Published

on

រឿង​មួយ​ដែល​ត្រូវ​ប្រយ័ត្នប្រយែង​បំផុត​ គឺ​គួរ​សេពគប់​ជាមួយ​អ្នកណា​ នៅ​ក្នុង​ជីវិត​យើង។ មនុស្ស​ជោគជ័យ​ក្នុង​អាជីព​ តែង​ជៀសវាង​មនុស្ស​អវិជ្ជមាន​ចោល ​ពី​ជីវិត​ពួកគេ។

នេះ​ជា​ហេតុផល ៦ យ៉ាង​ ដែល​អ្នក​គួរ​ចៀសវាង ​មនុស្ស​អវិជ្ជមាន​ក្នុង​ជីវិត​អ្នក ៖

១. មនុស្ស​អវិជ្ជមាន​អាច​មាន​ឥទ្ធិពល​លើ​អាកប្បកិរិយា​របស់​អ្នក

មនុស្ស​អវិជ្ជមាន​នឹង​ធ្វើ​ឲ្យអ្នក​ធ្លាក់​ទឹកចិត្ត​ ហើយ​ពួកគេ​នឹង​ព្យាយាម​ទាញ​អ្នក​ចុះ​ជាមួយ​ពួកគេ ​ទៅ​កន្លែង​ងងឹត។ ដូច​លោក Robert Tew  ធ្លាប់​និយាយ​ថា “ កុំ​ទុកឲ្យមនុស្ស​អវិជ្ជមាន​នៅ​ក្បែរ​អ្នក​ ហើយ​ឲ្យ​គេ​មក​បំពុល​អ្នក​ឲ្យ​សោះ ” ។

២. មតិ​ប្រតិកម្ម​អវិជ្ជមាន​ពី​មនុស្ស​អវិជ្ជមាន​ប៉ះពាល់​ដល់​ការ​គិត​របស់​អ្នក

ប្រសិន​បើ​អ្នក​ដើរ​លេង​ជាមួយ​ក្រុម​មនុស្ស​អវិជ្ជមាន​ ហើយ​ស្ដាប់​ពួកគេ​និយាយ ​ពួកគេ​នឹង​ចាប់ផ្ដើម​ជះឥទ្ធិពល​ដល់​ការ​គិត​របស់​អ្នក។  ត្រូវ​ចាត់​ទុក​មនុស្ស​អវិជ្ជមាន​ គឺ​ជា​បិសាច​ជញ្ជក់​ឈាម​ ដែល​យើង​គួរ​ជៀស​ឆ្ងាយ។

៣. ពួកគេ​គឺ​ជា​បំពង់​បង្ហូរ​ថាមពល

ភាព​អវិជ្ជមាន​របស់​គេ​មិន​មែន​តែ​ធ្វើ​ឲ្យ​ខ្លួន​គេ​ហត់​នឿយ ប៉ុន្តែ​ក៏​ធ្វើ​ឲ្យ​យើង​ហត់​នឿយ​តាម​ដែរ។ នៅ​ពេល​ដែល​អ្នក​ នៅ​ជុំវិញ​មនុស្ស​អវិជ្ជមាន ពួកគេ​ប្រៀប​ដូចជា​ជា​បំពង់​បង្ហូរ​ថាមពល​ចេញ​ពី​ខ្លួន​អ្នក​។ ពួកគេ​គឺ​ជា​ក្រុម​ ដែល​បាន​បូម​យក​គ្រប់យ៉ាង ទាំង​កម្លាំង​កាយ និង​ចិត្ត​ ចេញ​​ពី​យើង។

៤. បំផ្លាញ​ភាព​ជឿជាក់​របស់​អ្នក

ប្រសិន​បើ​នៅ​ជុំវិញ​ខ្លួន​អ្នក ​មាន​ក្រុម​មនុស្ស​អវិជ្ជមាន ​ធានា​ថា​ពួកគេ​នឹង​ព្យាយាម​និយាយ​រឿង​អាក្រក់​ណាមួយ​ ប្រាប់​អ្នក ​ធ្វើ​ឲ្យ​អ្នក​ភ្លេចភ្លាំង​ស្មារតី​ បាត់បង់​ជំនឿ​ចិត្ត​ និង​ភាព​ជឿជាក់​ផ្ទាល់ខ្លួន។

៥. មនុស្ស​អវិជ្ជមាន​មិន​ដែល​ផ្ដល់​ការ​លើក​ទឹកចិត្ត

មនុស្ស​អវិជ្ជមាន​មិន​ត្រឹម​តែ​អវិជ្ជមាន​ប៉ុណ្ណោះ​ទេ​ ពួកគេ​នៅ​ពូកែ​ខាង​និយាយ​បំបាក់​ទឹកចិត្ត​អ្នក​ និង​ផ្ដល់​ឲ្យអ្នក​នូវ​មតិ​អវិជ្ជមាន​ផង​ដែរ។

អ្វី​ដែល​ត្រូវ​ការ​ក្នុង​គ្រា​ជួប​ទុក្ខ​លំបាក​នោះ ​គឺ​មាន​អ្នក​ដែល​លើក​ទឹកចិត្ត​​ គាំទ្រ​ ហើយ​បញ្ចុះបញ្ចូល​អ្នក ​តែ​ក្រុម​មនុស្ស​អវិជ្ជមាន​គឺ​ផ្ទុយ​ពី​នេះ។

៦. មិន​រីក​ចម្រើន​ទៅ​មុខ

ប្រសិន​បើ​អ្នក​មាន​មិត្ត​ជាមួយ​មនុស្ស​អវិជ្ជមាន ​ពួកគេ​នឹង​ត្រេកអរ​នៅ​ពេល​អ្នក​បរាជ័យ​។ ព្រោះ​ពួកគេ​មិន​ចង់​ឃើញ​អ្នក ​រីកចម្រើន​ជាង​ពួកគេ​ឡើយ។ ចង់​បាន​ជីវិត​ល្អ​ប្រសើរ ​គឺ​ត្រូវ​សេពគប់​ជាមួយ​មនុស្ស​ដែល​គិត​វិជ្ជមាន​ ដើរ​ទាន់​សម័យកាល​ ហើយ​នឹង​ជួយ​ឲ្យ​អ្នក​ឈាន​ទៅ​មុខ​ជាមួយ​គេ​ដែរ។

មក​ដល់​ចុង​ក្រោយ​នេះ​ អ្នក​អាច​រៀន​សម្លឹង​មើល​មនុស្ស​ ហើយ​សម្រេចចិត្ត​​ថា ​មនុស្ស​ប្រភេទ​ណា​ ដែល​អ្នក​គួរ​ធ្វើ​ជា​មិត្ត​ និង​សាក​សម​ចំណាយ​ពេល​ជាមួយ។

ប៉ុន្តែ​បើ​សិន​អ្នក​មាន​មិត្ត​អវិជ្ជមាន​ទៅ​ហើយ ​គួរ​តែ​បញ្ចប់​ទំនាក់ទំនង​នេះ​ចោល។ លុប​បំបាត់​មនុស្ស​អវិជ្ជមាន​ចេញ​ពី​ជីវិត​អ្នក​ នឹង​ទទួល​ជោគជ័យ​ ហើយ​ភាព​រីករាយ​ពិតប្រាកដ​ នឹង​មកវិញ​មិនខាន៕

ប្រែសម្រួល៖ សាង ស្រីល័ក្ខ

ចុចអាន៖បកស្រាយ​អត្ថន័យ​ពណ៌​ផ្កាឈូក

ចុចអាន៖ការស្រាវជ្រាវ​​៖ ​ពណ៌​ខ្មៅ​មិន​បាន​ស្រូប​យក​កម្ដៅ​ព្រះអាទិត្យ​ ចូល​មក​រាងកាយ​ឡើយ

ចុច Like Facebook កម្ពុជាថ្មី

ព័ត៌មានពេញនិយម