KPT+

ជីវិតពិតមហាសេដ្ឋីកំពូលៗ ដែលកំពុងសោយសុខលើដែនកោះតៃវ៉ាន់

បានផុស

៦ years មុន

នៅ

ថ្ងៃសៅរ៍ ១៤ វិច្ឆិកា ២០២០

ដោយ

តៃវ៉ាន់ គឺជាកោះមួយដែលសំបូរអ្នកមានឥទ្ធិពលវ័យក្មេង និងមានមហាសេដ្ឋីជាច្រើនកំពុងរស់នៅដោយ គិតត្រឹមឆ្នាំ ២០២០ អ្នកមានបំផុតទាំង ៥០ នៅក្នុងប្រទេសនេះ មានទ្រព្យសរុបប្រមាណ ១១២ ពាន់លានដុល្លារអាមេរិកក្នុងម្នាក់ៗ។

តារាងខាងក្រោម គឺជាកំពូលអ្នកមានដែលរស់នៅលើកោះតៃវ៉ាន់សព្វថ្ងៃ ៖

១. Tsai Wang-chia

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Tsai Wang-chia ចូលចិត្តរក្សាព័ត៌មានផ្ទាល់ខ្លួនជាអាថ៌កំបាំង ដែលភាគច្រើនផ្ដោតលើតែសមិទ្ធផលអាជីពតែប៉ុណ្ណោះ។

បច្ចុប្បន្ននេះលោកមានតួនាទីជានាយកប្រតិបត្តិ COO និងជានាយកប្រតិបត្តិនៅក្រុមហ៊ុនអាហារសម្រន់ដ៏ធំមួយមានឈ្មោះថា Want Want China Holdings ជាកម្មសិទ្ធិរបស់ឪពុកដែលជាមហាសេដ្ឋីគឺលោក Tsai Eng-meng សព្វថ្ងៃទ្រព្យសម្បត្តិសុទ្ធមានតម្លៃ ៦ ពាន់លានដុល្លារអាមេរិក។ បងប្រុសរបស់លោក ឈ្មោះ Tsai Chin-chung ក៏ជានាយកប្រតិបត្តិនៅក្រុមហ៊ុនផងដែរ។

២. Delia Tseng

ក្នុងនាមជាភរិយារបស់ស្ថាបនិកមហាសេដ្ឋី Foxconn និងជាបេក្ខជននយោបាយគឺលោក Terry Gou នាងពិតជាមានជីវិតអស្ចារ្យនិងហៃសូជាខ្លាំង។ ប៉ុន្តែអ្នករាំរបាំរូបនេះ មានតែភាពប្រណីតតែមិនសូវមុខមាត់ក្នុងសង្គមប៉ុន្មានទេ។

ចំណែកពិធីរៀបអាពាហ៍ពិពាហ៍ឯកជនដ៏ទំនើបរបស់នាងនៅលើកោះតៃវ៉ាន់ក្នុងឆ្នាំ ២០០៨ គឺមានភ្ញៀវចូលរួមតែ ៣០០ នាក់ប៉ុណ្ណោះ។

៣. Aimee Sun

Aimee Sun ត្រូវបានគេស្គាល់ថា ជាមនុស្សដែលមានវណ្ណៈខ្ពស់នៅក្នុងសង្គមរបស់តៃប៉ិ។ នាងគឺជាកូនស្រីរបស់ប្ដីប្រពន្ធនៃសាជីវកម្មថាមពលរបស់តៃប៉ិ Sun Tao-tsun និង Ho Nien-tsu។

ដោយសារជាបុគ្គលិកលក្ខណៈដែលបង្ហាញញឹកញាប់ក្នុងប្រព័ន្ធផ្សព្វផ្សាយ និងជាអ្នករចនាគ្រឿងអលង្ការ ជាតារាសម្ដែង Spot ពាណិជ្ជកម្ម Aimee Sun មានអ្នកស្គាល់ច្រើនឡើងៗ នៅក្នុងសង្គមតៃវ៉ាន់។

ឋានៈជាតារាល្បីរបស់នាងបានឡើងកប់ពពកកាន់តែខ្លាំង នៅពេលដែលនាងរួមគ្នាបង្កើតមជ្ឈមណ្ឌលខ្យល់អាកាស ដែលជាមជ្ឈមណ្ឌលលក់ទំនិញដ៏ល្បីមួយនៅតៃប៉ិ។

៤. Chris Tsai

ក្នុងនាមជាកូនប្រុសរបស់សហស្ថាបនិករបស់ Fubon Financial គឺលោក Richard Tsai បានញាំងឲ្យបុរសក្មេងនេះ ត្រូវរស់នៅក្នុងពិភពសាជីវកម្មជៀសមិនរួច។ អ្នកស្នងមរតកវ័យ ៣៣ ឆ្នាំ ម្នាក់នេះ ទើបនឹងត្រូវបានតែងតាំងជាប្រធាន Fubon Sports ព្រមជាមួយក្លឹបកម្សាន្តដែលគ្រប់គ្រងដោយគ្រួសារ Tsai ជាជំហានឡើងពីតួនាទីមុនរបស់លោកជាប្រធានក្រុមហ៊ុន និងបច្ចុប្បន្នមានតម្លៃប្រមាណ ២,៧ ពាន់លានដុល្លារអាមេរិក។

៥. Cher Wang

ដោយចាប់ផ្ដើមធ្វើជាអ្នកស្នងមរតកដល់កេរ្តិ៍ដំណែលជំនួញរបស់គ្រួសារ ឪពុករបស់នាងគឺជាមហាសេដ្ឋី YC Wang ដែលជានិស្សិតបញ្ចប់ការសិក្សានៅ UC Berkeley ទទួលបានចំណាត់ថ្នាក់ខ្ពស់ជាងគេ បន្ទាប់ពីបានបង្ហាញពីសមត្ថភាពផ្ទាល់ខ្លួនតាមរយៈជោគជ័យរបស់នាងនៅក្នុងឧស្សាហកម្មបច្ចេកវិទ្យាកុំព្យូទ័រអស់រយៈពេលជាច្រើនឆ្នាំ។ នាងគឺជាសហស្ថាបនិកនិងជាប្រធានក្រុមហ៊ុនសាជីវកម្ម HTC ៕

ប្រែសម្រួល៖ សាង ស្រីល័ក្ខ

ប្រភព៖ scmp

ចុចអាន៖សម័យនេះ វ័យក្រោម ២៥ ឆ្នាំងាយក្លាយជាសេដ្ឋី តែក៏ងាយចាញ់បោកគេ

ចុចអាន៖ស្រឡាញ់មនុស្សប៉ះចំបាក់ទឹកចិត្ត គួរធ្វើយ៉ាងណា?

Related Topics:មហាសេដ្ឋី