KPT+
ការសិក្សាបារាំង៖ ធ្វើការលើសម៉ោងយូរ អាចដាច់សរសៃឈាមខួរក្បាល
នៅស្រុកខ្មែរយើង បុគ្គលិកជាទូទៅ ត្រូវបំពេញការងារ ជាមធ្យម ៨ម៉ោង/ថ្ងៃ តែក៏មានបុគ្គលិកខ្លះ មានតួនាទី ប្រាក់ខែ និងទំនួលខុសត្រូវខ្ពស់ ចាំបាច់បំពេញការងារលើសម៉ោងធម្មតាផងដែរ ដើម្បីកុំឲ្យរារាំងស្ទះដល់ប្រតិបត្តិការការងាររបស់ក្រុមហ៊ុន ឬស្ថាប័នទាំងមូល។ ពេលខ្លះ ការងារនៅសល់ ត្រូវយកទៅធ្វើនៅផ្ទះ ដល់ពាក់កណ្ដាលអធ្រាត្រទៀត ព្រោះបើមិនអ៊ីចឹងទេ សម្ពាធកាន់តែធ្ងន់មិនខាន។
ស្រលាញ់ការងារ និងបំពេញតួនាទីដោយមានទំនួលខុសត្រូវខ្ពស់ ជារឿងល្អ និងចាំបាច់ក៏ពិតមែន តែក៏គួរគិតពីសុខភាព និងប្រុងប្រយ័ត្នដែរ ព្រោះ ការសិក្សារបស់បារាំង រកឃើញថា ធ្វើការលើស ១០ម៉ោង រយៈពេល ៥០ថ្ងៃ/ឆ្នាំ ប្រឈមនឹងការកើតជំងឺដាច់សរសៃឈាមខួរក្បាល។
ជាងនេះទៅទៀត អ្នកធ្វើការលើសម៉ោង អស់រយៈពេល ១០ឆ្នាំ ប្រឈមខ្ពស់នឹងជំងឺដាច់សរសៃឈាមខួរក្បាល។ ការសិក្សានេះ ធ្វើឡើងដោយសាកលវិទ្យាល័យ Angers និងវិទ្យាស្ថានជាតិសុខាភិបាល និងស្រាវជ្រាវវេជ្ជសាស្ត្រ របស់បារាំង ដោយពិនិត្យលើទិន្នន័យស្ដីពីអាយុ ការជក់បារី និងរយៈពេលធ្វើការ លើចំនួនប្រជាជន ១៤៣.០០០នាក់។
ក្នុងនោះ ប្រជាជន ១/៣ ធ្វើការលើសម៉ោង ដោយ ១០% ធ្វើការលើសម៉ោង រយៈពេល ១០ឆ្នាំ និងលើសនេះ។ ការសិក្សា បញ្ជាក់ថា អ្នកធ្វើការលើសម៉ោងរយៈពេល ១០ឆ្នាំ សរុប ១.២២៤នាក់ មានជំងឺសរសៃឈាមខួរក្បាលទាំងអស់។
តាមរយៈការចេញផ្សាយ អ្នកស្រាវជ្រាវ បញ្ជាក់ថា អ្នកធ្វើការលើសម៉ោង ប្រឈមនឹងជំងឺដាច់សរសៃឈាមខួរក្បាល ២៩% ចំណែកអ្នកធ្វើការលើសម៉ោង រយៈពេល ១០ឆ្នាំ ប្រឈមនឹងជំងឺដាច់សរសៃឈាមខួរក្បាល ៤៥%។
លោកវេជ្ជបណ្ឌិត Richard Francis អ្នកដឹកនាំការសិក្សា និយាយថា មានរឿងសាមញ្ញជាច្រើន ដែលយើងអាចធ្វើ ដើម្បីកាត់បន្ថយហានិភ័យនៃជំងឺដាច់សរសៃឈាមខួរក្បាល ប្រសិនបើយើងចាំបាច់ត្រូវធ្វើការលើសម៉ោង។ លោកថា “ញ៉ាំអាហារសុខភាព រកពេលហាត់ប្រាណ ឈប់ជក់បារី និងធ្វើតាមការណែនាំពីចំនួនម៉ោងត្រូវគេង អាចធ្វើឲ្យសុខភាពរបស់អ្នកល្អប្រសើរ“៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ការសិក្សាមួយបង្ហាញថា អង្គុយយូរពេកអាចបង្កើនហានិភ័យកើតជំងឺមហារីក
ចុចអាន៖ រាប់តែរឿងសុខភាព តើស្រីៗធ្វើការយប់ អាចគ្រោះថ្នាក់អីខ្លះ?
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៤ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ