Connect with us

សុខភាព

ការសិក្សាមួយ​បង្ហាញថា អង្គុយយូរពេកអាចបង្កើនហានិភ័យកើតជំងឺមហារីក

បានផុស

នៅ

ការ​សិក្សា​ថ្មី​ចេញ​ផ្សាយ​ថ្ងៃ​ទី​១៨ ខែមិថុនា​ ឆ្នាំ ២០២០ នៅ​ JAMA Oncology បាន​លើក​ឡើង​ថា​ការ​អង្គុយ​ច្រើន​ពេក​អាច​បង្កើន​ហានិភ័យ​ជំងឺ​មហារីកបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​សិក្សា​ថ្មី​នេះ​គឺជា​ការ​សិក្សា​ដំបូង​បង្ហាញ​ទំនាក់ទំនង​ខ្លាំង​រវាង​ការ​មិន​ធ្វើ​ចលនា និង​ការ​ស្លាប់​ដោយសារ​ជំងឺ​មហារីក។ ប៉ុន្តែ​ការ​ជំនួស​ការ​អង្គុយ​ដោយ​ធ្វើ​ចលនាប្រើ​កម្លាំង​​ស្រាល មធ្យម ឬ​ច្រើន​អាច​កាត់បន្ថយ​ហានិភ័យ​នេះ​បាន។ ការ​រកឃើញ​នេះ​បង្ហាញ​ពី​សារសំខាន់​នៃ​ការ​អង្គុយ​តិច និង​ធ្វើ​ចលនា​ច្រើន។

ការសិក្សា​នេះ​បាន​ឲ្យ​មនុស្ស ៨ ០០០​នាក់​ពាក់​ឧបករណ៍​តាមដាន​សកម្មភាព​ប្រចាំថ្ងៃ​របស់អ្នកទាំងនោះ​​រយៈពេល​៧ថ្ងៃ​ជាប់គ្នា​ច គិត​​ឆ្នាំ​២០០៩ ដល់ ២០១៣ ហើយអ្នក​ចូលរួម​ទាំង​នេះ​មិន​មាន​ជំងឺមហារីក​ពេល​ចាប់ផ្តើម​ការសិក្សា​នេះ​ទេ។

Coronavirus and the Cancer Patient - The New York Times

អ្នក​ចូលរួម​ទាំង​អស់​​គឺ​ជា​ចំណែក​មួយ​នៃ​ការសិក្សា​ដ៏​ធំមួយនេះ ដែល​មាន​​​ឈ្មោះ​ថា REGARDS (RE’sons for Geographic and Racial Differences in Stroke) ដែល​សិក្សា​ទៅលើ​មូលហេតុ​សម្រាប់​ភាពខុសគ្នា​នៃ​តំបន់ និង​ពូជសាសន៍​នៃ​ជំងឺ​ដាច់​សរសៃ​ឈាម​ខួរក្បាល។ ការសិក្សា​ REGARDS មាន​អ្នក​ចូលរួម​ជាង​៣០ ០០០​នាក់​ដែល​មាន​អាយុ​ច្រើន​ជាង​៤៥ឆ្នាំ​ និង​ធ្វើ​ឡើង​ចន្លោះ​ឆ្នាំ​២០០៣ និង​២០០៧។ ក្រោយ​ពី​តាមដាន​រយៈពេល​៥​ឆ្នាំ អ្នកស្រាវជ្រាវ​បានរកឃើញ​ថា​អ្នក​មិន​ធ្វើ​ចលនា​មាន​ហានិភ័យ​នៃ​ការ​ស្លាប់​ដោយសារ​ជំងឺ​មហារីក​ខ្ពស់​រហូត​ដល់​៨២% បើ​ធៀប​នឹង​អ្នក​ធ្វើ​ចលនា​ច្រើន​ទោះបីជា​ក្រោយ​ពេល​កែ​តម្រូវ​អាយុ ភេទ និង​ស្ថានភាព​ជំងឺរួច​ហើយ​​ក៏​ដោយ។

ការ​សិក្សា​ពីមុន​បាន​ឲ្យដឹង​ថា​ការ​ស្លាប់​ដោយសារ​ជំងឺ​មហារីក​ជាង​៥០%​អាច​បង្ការ​បាន​តាមរយៈ​របៀប​នៃ​ការ​រស់នៅ​ដូចជា​របប​អាហារ ការ​ហាត់ប្រាណ និង​ការ​មិន​ជក់​បារី។ ​នៅ​ពេល​បង្ហាញ​ពី​ទំនាក់ទំនង​រវាង​ការ​អង្គុយ​ និង​ជំងឺ​មហារីក ការ​សិក្សា​ពី​មុន​ពឹងផ្អែក​លើ​ការ​រាយការណ៍​របស់​អ្នក​ចូលរួម។

Response to Anemia Treatment Differs in Lymphoma, Multiple Myeloma -  Oncology Nurse Advisor

ដោយឡែក ការសិក្សា​ថ្មី​នេះ​តម្រូវ​ឲ្យ​អ្នក​ចូលរួម​ពាក់​ឧបករណ៍​តាមដាន​ដែល​អ្នក​វិទ្យាសាស្ត្រ​អាច​ធ្វើ​ការ​សន្មត​បាន​ត្រឹមត្រូវ​ជាង​មុន​ទាក់ទង​នឹង​ឥទ្ធិពល​នៃ​ការ​ហាត់ប្រាណ។ ពួកគេ​បាន​រកឃើញ​ថា​អ្នក​ដែល​ជំនួស​ការ​អង្គុយ​ដោយ​ហាត់ប្រាណ​ស្រាលៗដូចជា​ការ​ដើរ​ត្រឹមតែ​៣០​នាទី​អាច​កាត់បន្ថយ​ហានិភ័យ​ជំងឺ​មហារីក​រហូតដល់​៨%។ សម្រាប់​ការ​ហាត់ប្រាណ​ដោយ​ប្រើ​កម្លាំង​មធ្យម​គឺ​កាន់​តែ​មាន​ប្រយោជន៍​ដោយ​កាត់បន្ថយ​ហានិភ័យ​ជំងឺ​មហារីក​រហូតដល់​៣១%។ ការ​ហាត់ប្រាណ​ដោយ​ប្រើ​កម្លាំង​មធ្យម​រួមមាន​​ជិះកង់ ​ដើរ ហាត់ប្រាណក្នុងទឹក (water aerobics)​រាំ ធ្វើ​សួន និង​លេង​វាយកូនបាល់​ជាដើម។

តាមរយៈការសិក្សានេះ​ ការ​បន្ថែម​ការ​ធ្វើ​ចលនា​៣០​នាទី​ទៅ​ក្នុង​សកម្មភាព​ប្រចាំ​ថ្ងៃ​អាច​ជួយ​កាត់បន្ថយ​ហានិភ័យ​នៃ​ការ​ស្លាប់​ដោយ​ជំងឺ​មហារីក៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ញ៉ាំយ៉ាអ៊ួ ថែមពីលើរបបអាហារប្រចាំថ្ងៃ ជួយបង្ការពីហានិភ័យមហារីក

ចុចអាន៖ ការស្រាវជ្រាវអះអាងថា ឧស្សាហ៍ហូបផ្សិតអាចកាត់បន្ថយហានិភ័យជំងឺមហារីកបាន ៤៥ ភាគរយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម