KPT+
ហេតុផល ៥យ៉ាង ឪពុកម្ដាយល្មមឈប់ប្រៀបធៀបកូនជាមួយក្មេងដទៃ
ការប្រៀបធៀបកូនជាមួយក្មេងដទៃ ជាវិធីសាស្ត្រចិញ្ចឹមកូនទូទៅមួយ ដើម្បីបញ្ជាក់ពីការអនុវត្តរបស់ក្មេង ដែលម៉ាក់ប៉ាមួយចំនួនចូលចិត្តនិយាយឲ្យកូនឮ។ “មើលកូនគេរៀនបានសុទ្ធតែលេខមួយ កូនឯងគ្រាន់តែរៀនសោះក៏ពិបាកដែរ” នៅមានពាក្យច្រើនផ្សេងៗទៀត ដែលម៉ាក់ប៉ាខ្លះនិយមប្រើពេលប្រៀបធៀបកូនជាមួយអ្នកដទៃ ព្រោះតែចង់ឲ្យកូនធ្វើកិច្ចការបានល្អដូចកូនគេ។
ប៉ុន្តែ ការអប់រំកូនបែបនេះ ប៉ះពាល់ខ្លាំងណាស់ទៅលើការលូតលាស់របស់កូន ពិសេសបញ្ហាផ្លូវអារម្មណ៍ ហេតុនេះហើយ ម៉ាក់ប៉ាគួរកែទម្លាប់ ឬបញ្ឈប់ការប្រៀបធៀបនេះ។
ហេតុផលមិនល្អនៃការប្រៀបធៀបកូនជាមួយអ្នកដទៃ
១. ភាពតានតឹង ស្ត្រេស
នៅពេលប៉ាម៉ាក់ប្រៀបធៀបកូនខ្លួនជាមួយអ្នកដទៃ អាអូននឹងមានអារម្មណ៍ថាទទួលសម្ពាធពីខាងក្នុងគ្រួសារ។ តួនាទីរបស់យើងមិនមែនដាក់សម្ពាធ បណ្ដាលឲ្យកូនកើតថប់បារម្ភ ឬគេងមិនលក់ទេ។ យើងគួរអង្គុយស្ដាប់ហេតុផលកូនថា តើអ្វីដែលរំខានដល់កូនធ្វើកិច្ចការមិនបានល្អ រួចរកដំណោះស្រាយជាមួយគ្នា។
២. ជំនឿទុកចិត្តលើខ្លួនធ្លាក់ចុះ
មួយថ្ងៃៗឮតែពាក្យពីម៉ាក់ប៉ាថា ខ្លួនមិនល្អដូចកូនគេ អាអូននឹងចាប់ផ្ដើមជឿថាខ្លួនឯងអន់ជាងគេ ធ្វើកិច្ចការមិនល្អទៅតាមការរំពឹងទុករបស់ម៉ាក់ប៉ាខ្លួន។ ជួនកាល អាអូនខំប្រឹងហើយ តែសមត្ថភាពកូនធ្វើបានតែប៉ុណ្ណឹង ហើយត្រូវមកឮពាក្យស្ដីបន្ទោសទៀត ធ្វើឲ្យបាត់បង់ទំនុកលើខ្លួន។ អារម្មណ៍នេះប៉ះពាល់ខ្លាំងទៅដល់ការលូតលាស់ផ្ទាល់ខ្លួន និងការសិក្សារបស់កូន។
៣. បំបាត់ទេពកោសល្យ
ម៉ាក់ប៉ាដែលប្រៀបធៀបកូនខ្លួនជាមួយក្មេងដទៃ ជាទូទៅមើលមិនឃើញពីសមត្ថភាពពិត ឬទេពកោសល្យរបស់កូនខ្លួនទេ។ ឧ. កូនយើងមានទេពកោសល្យផ្នែកនិពន្ធ តែម៉ាក់ប៉ាចង់ឲ្យកូនធ្វើពេទ្យ ត្រូវឲ្យកូនខំរៀនមុខវិទ្យាផ្នែកពេទ្យទាំងដែលកូនមិនស្រលាញ់។ នេះបណ្ដាលឲ្យទេពកោសល្យដែលកូនមាន ពោលគឺដុងដែលកូនមានត្រូវបាត់បង់ទទេ។
៤. បាត់បង់ទំនាក់ទំនងល្អក្នុងគ្រួសារ
ពេលឮតែពាក្យមិនល្អពីមាត់ម៉ាក់ប៉ាខ្លួនឯង វាបញ្ជាក់ច្បាស់ៗថា ម៉ាក់ប៉ាមិនសូវសប្បាយចិត្តពេលយើងនៅក្បែរទេ ព្រោះឃើញមុខដឹងតែ នឹកឃើញរឿងកូនធ្វើមិនបានល្អដូចកូនគេ។ ដូចនេះហើយ វាធ្វើឲ្យកូនបាត់ភាពជឿជាក់លើម៉ាក់ប៉ា ដែលអាចបណ្ដាលឲ្យមានបញ្ហាអភិវឌ្ឍន៍ ឬអាកប្បកិរិយាមិនសមរម្យពេលកូនពេញវ័យ។
៥. បង្កើតអាកប្បកិរិយាមិនល្អ
ប្រសិនបើការខំប្រឹងប្រែងអស់ពីសមត្ថភាពរបស់កូន ត្រូវបានមើលរំលងពីម៉ាក់ប៉ាខ្លួនម្ដងហើយម្ដងទៀត ភាគរយខ្ពស់ណាស់ដែលកូនលែងខ្វល់ខ្វាយនឹងផ្គាប់ចិត្តម៉ាក់ប៉ាតទៅទៀត ជាហេតុអាចបណ្ដាលឲ្យអាអូនមានចរិតមិនល្អ លែងខំប្រឹងប្រែងរៀនសូត្រទៀត និងងាកទៅធ្វើរឿងដែលម៉ាក់ប៉ាមិនចូលចិត្តកាន់តែច្រើន៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ បញ្ហា ៥ យ៉ាងចំពោះកុមារ បណ្ដាលមកពីឪពុកម្ដាយឈ្លោះគ្នាជាប្រចាំ
ចុចអាន៖ កុំធ្វេសប្រហែសឱ្យក្មេងប្រើអ៊ិនធរណេតមិនកំណត់ម៉ោងពេល ប្រយ័ត្នជួបបញ្ហាពិបាកកែខៃ
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៨ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង