KPT+

គេងបានច្រើនម៉ោងដែរ តែនៅស្ងាបរហូត មកពីអ្វីទៅ? ផឹកកាហ្វេ ឬភេសជ្ជៈផ្អែមៗល្អអត់?

បានផុស

៥ years មុន

នៅ

ថ្ងៃព្រហស្បតិ៍ ១៥ កក្កដា ២០២១

ដោយ

Sonya

មានមនុស្សជាច្រើនតែងតែជួបប្រទះអាការៈស្ងាប បើទោះជាគេងបានច្រើនហើយក៏ដោយ តើនោះមកពីបញ្ហាអ្វីទៅ ទើបចេះតែស្ងាបមិនឈប់ ហើយការផឹកកាហ្វេ ឬភេសជ្ជៈកំប៉ុងផ្អែមៗដែលជួយឲ្យស្វាងជាដំណោះស្រាយល្អ ឬទេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត ហ៊ាង រតនា បានឲ្យដឹងថា អាការៈងុយគេងទាំងដែលគេងឆ្អែតហើយនោះមកពីមូលហេតុផ្សេងច្រើន។ លោកបន្តទៀត មានថ្នាំមួយចំនួនធ្វើឲ្យយើងស្ងាបផងដែរដូចជា ថ្នាំបំបាត់ការឈឺចាប់ ថ្នាំព្យាបាលជំងឺផ្ដាសាយ ថ្នាំប្រឆាំងនឹងការបាក់ទឹកចិត្ត និងថ្នាំសសៃប្រសាទជាដើម។

457 Teenager Yawning Stock Videos and Royalty-Free Footage - iStock

មួយវិញទៀតសម្រាប់អ្នកដែលមិនបានផឹកទឹកគ្រប់គ្រាន់ ក៏បណ្ដាលឲ្យស្ងាបផងដែរ ព្រោះនៅពេលរាងកាយខ្វះជាតិទឹក បរិមាណឈាមរបស់យើងនឹងធ្លាក់ចុះ។ ជាទូទៅឈាមគឺជាអ្នកបញ្ជូនអុកស៊ីសែនទៅកាន់សរីរាង្គផ្សេងៗនៃរាងកាយរួមមានទាំងខួរក្បាល ដូច្នេះហើយបានជាបរិមាណឈាមចុះទាប មិនអាចបញ្ជូនអុកស៊ីសែនគ្រប់គ្រាន់ទៅកាន់ខួរ និងរាងកាយយើងបាននោះទេ ហើយវាក៏ធ្វើឲ្យរាងកាយគ្មានកម្លាំងកំហែង ស្ងាប និងងងុយដេកតែម្ដង។

Is Caffeine Addictive? - The Center • A Place of HOPE

វេជ្ជបណ្ឌិតឯកទេសទូទៅបកស្រាយបន្តទៀតថា មកពីអាការៈខ្វះឈាម ដែលធ្វើឲ្យរាងកាយយើងមិនអាចទទួលបានអុកស៊ីសែនគ្រប់គ្រាន់ទៅចិញ្ចឹមខួរក្បាល និងរាងកាយ ទើបនាំឲ្យស្ងាបច្រើន។ ទាំងនេះហើយជាមូលហេតុនាំឲ្យស្ងាប ហើយបើសង្កេតឃើញថាខ្លួនស្ងាបមិនឈប់ទោះជាគេងស្កប់ ត្រូវប្រញាប់ទៅជួបគ្រូពេទ្យ ដើម្បីស្វែងរកមូលហេតុច្បាស់លាស់។

4 Health Hazards of Drinking Artificially Sweetened Soda: From Diabetes to Mental Health

ចំពោះដំណោះស្រាយពេលស្ងាបងុយគេង ដោយទៅផឹកកាហ្វេ ឬភេសជ្ជៈប៉ូវកម្លាំង ដើម្បីឲ្យស្វាងមិនល្អចំពោះសុខភាពឡើយ។ ផឹកភេសជ្ជៈភ្លាមអាចមានសមត្ថភាពធ្វើឲ្យស្វាងចែស ព្រោះភេសជ្ជៈទាំងនោះមានជាតិកាហ្វេអ៊ីនខ្ពស់ដែលចូលទៅទប់សកម្មភាព pineal gland ដែល pineal gland នេះ មានតួនាទីផលិតមេឡាតូនីនធ្វើឲ្យងងុយដេក។ ទម្លាប់ផឹកភេសជ្ជៈអស់ទាំងនោះយូរៗទៅ អាចកើតជំងឺទឹកនោមផ្អែម លើសសម្ពាធឈាម តម្រងនោម ថ្លើម និងជំងឺបេះដូងច្រើនប្រភេទទៀត៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ប្រើទូរសព្ទច្រើននៅពេលយប់ អាចប៉ះពាល់ដល់គុណភាពដំណេក

ចុចអាន៖ គេងច្រើនជាង ៩ ម៉ោងក្នុងមួយថ្ងៃ អាចជាសញ្ញាមួយនៃបញ្ហាសុខភាព