KPT+

ងាយៗដឹងថា ម្ហូបអាហារទិញពីផ្សារ គ្មានវីរុសបំប្លែងខ្លួនគ្រប់ប្រភេទតោងលើ

បានផុស

៥ years មុន

នៅ

ថ្ងៃអង្គារ ២៧ កក្កដា ២០២១

ដោយ

ក្រោយមានការផ្ទុះឡើងនៃមេរោគបំប្លែងថ្មី (Delta) លើជនជាតិខ្មែរ និងសាច់សត្វដែលនាំចូលមកពី ឥណ្ឌា មានផ្ទុកវីរុសកូវីដ។ ប្រជាជនគ្រប់គ្នា រឹតតែត្រូវរឹតបន្តឹងលើការរស់នៅ និងរបបអាហារដែលយើងទិញពីផ្សារសព្វថ្ងៃនេះ កាន់តែខ្លាំងជាងមុនថែមទៀត។

ដូច្នេះ ធ្វើយ៉ាងម៉េចទើបដឹងថា អាហារយើងទិញពីផ្សារទំនើបឬតាមផ្សារតូចៗសព្វថ្ងៃនេះ មិនមានផ្ទុកវីរុសបំប្លែងខ្លួនគ្រប់ប្រភេទ។

ប្រការគួរដឹងនិងស្វែងយល់គឺត្រូវ៖

១ សួរនាំប្រភពអ្នកលក់ថា សាច់នេះជាសាច់នាំចូលឬយ៉ាងណា។ បើជាសាច់នាំចូលតើពីប្រទេសណាមក។

២ អ្នកលក់ខ្លះ កុហកអ្នកទិញ ព្រោះដើម្បីលក់ដាច់និងឆាប់ចំណេញ។ ក្នុងករណីនេះ យើងមិនអាចប៉ានស្មានដឹងប្រភព តែបើជ្រុលជាបានទិញមកទៅហើយនោះ ចូលអនុវត្តតាមការណែនាំដោយ ៖ បាញ់អាកុលជុំវិញថង់ យកសាច់ទៅលាងជាមួយសូដាឬក្រូចឆ្មារ ឬបើអាចត្រាំទឹកអំបិលចោលសិន។

៣ ប្រញាប់លាងសំអាតដៃជាមួយសាប៊ូ បាញ់ទឹកអាកុល និងជែល ជុំវិញដៃដែលបានប៉ះពាល់សាច់សត្វ។

៤ ដោះសំលៀកបំពាក់ត្រាំទឹកសាប៊ូចោលភ្លាមៗ បន្ទាប់ពីមកពីកន្លែងប្រមូលផ្ដុំមេរោគ។

៥ ត្រូវចម្អិនម្ហូបឲ្យបានឆ្អិនល្អ និងរក្សាអនាម័យ ពេលកំពុងធ្វើ ជាពិសេសសំភារដែលយើងប្រើក្នុងការធ្វើម្ហូប ត្រូវលាងឲ្យបានស្អាត និងញឹកញាប់ជានិច្ច។

ដោយឡែកលោក វ៉ី សំណាង អភិបាលខេត្តកំពង់ស្ពឺ ក៏បានអំពាវនាវ ដល់ប្រជាពលរដ្ឋដែលទិញសាច់គោ សាច់ក្របី ត្រូវប្រុងប្រយ័ត្ន ហើយសួរនាំឲ្យបានច្បាស់លាស់ ពីប្រភេទនៃសាច់ក្លាស្សេទាំងនោះ ដែលនាំចូលពីឥណ្ឌា មានផ្ទុកមេរោគកូវីដ ហើយគយចាប់បាន។

ខណៈដែលកម្ពុជាបានអនុញ្ញាឲ្យនាំចូលសាច់បង្កកសារឡើងវិញ និងបានលើកលែងបម្រាមឈប់នាំចូល ក៏ដាក់ជំនួសមកវិញនូវវិធានការបណ្ដោះអាសន្នមួយចំនួនរួមមាន៖

តម្រូវឲ្យមានវិញ្ញាបនបត្រ ឬលិខិតបញ្ជាក់បន្ថែមចេញដោយ អាជ្ញាធរមានសមត្ថកិច្ច នៃប្រទេសដើមកំណើតទំនិញ ដែលបញ្ជាក់ថាគ្មានវីរុសកូវីដ លើកសាច់បង្កក

នៅពេលទំនិញមកដល់តម្រូវឲ្យធ្វើតេស្តសំណាករកវីរុសកូវីដ ដោយវិទ្យាស្ថានប៉ាស្ទ័រកម្ពុជា មុនពេលអនុញ្ញាតឲ្យបំពេញបែបបទបញ្ចេញទំនិញពីគយ។

ដូច្នេះហើយ មុនទិញសាច់ពីទីផ្សារដែលអ្នកធ្លាប់ទៅទិញរាល់ថ្ងៃ បើទោះបីជាម៉ូយដុំឬរាយឬជាអ្នកធ្លាប់ស្គាល់គ្នាក៏ដោយ ត្រូវតែសាកសួរនាំឲ្យបានច្បាស់លាស់។ ចៀសវាងនាំឲ្យអ្នកហូបជួបហានិភ័យ នៃវីរុសបំប្លែងខ្លួនគ្រប់ប្រភេទ ដែលពិភពលោកកំពុងភ័យខ្លាំង៕

អត្ថបទ៖ សាង ស្រីល័ក្ខ

ចុចអាន៖អាជ្ញាធរយកសាច់ក្របីក្លាស្សេ ៣ កុងតឺន័រមានផ្ទុកមេរោគកូវីដ-១៩ ទៅដុតបំផ្លាញចោល នៅស្រុកឱរ៉ាល់

ចុចអាន៖ក្រុមអ្នកជំនាញបញ្ជាក់ច្បាស់ៗថា កូវីដមិនឆ្លងតាមរយៈអាហារដែលយើងហូបឡើយ

ចុចអាន៖អ្នកមានហានិភ័យទាបនិងខ្ពស់នៃករណីឆ្លងកូវីដ គួរធ្វើយ៉ាងម៉េច ក្រោយប៉ះពាល់ជាមួយអ្នកជំងឺ