KPT+

គន្លឹះថែទាំសម្រស់ទាំង៣ បញ្ចៀសការកើតមុននៅរដូវភ្លៀង

បានផុស

៣ years មុន

នៅ

ថ្ងៃពុធ ២៨ កក្កដា ២០២១

ដោយ

ដូវភ្លៀងអាចបង្កជាបញ្ហាស្បែកផ្សេងៗ ជាពិសេសការកើតមុន។ ជាមួយនឹងសំណើមកើនឡើង និងការបែកញើសច្រើនជ្រុល រន្ធញើសអាចប្រឈមនឹងការកកស្ទះញឹកញាប់ ដោយសារតែខ្លាញ់ និងធូលី។ ដូច្នេះហើយ ដើម្បីកាត់បន្ថយការកើតមុន ស្រីៗយើងអាចសាកល្បងអនុវត្តតិចនិកថែទាំសម្រស់ទាំង ៣យ៉ាងនេះ។

១. លាងសម្អាតផ្ទៃមុខមួយថ្ងៃ២ដង

Are You Overwashing Your Face? Signs You're Cleansing Too Much | Allure

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅរដូវនេះ ខ្យល់នៅជុំវិញខ្លួនមានភាពសើម និងពោរពេញទៅដោយបាក់តេរី ដែលអាចបណ្ដាលឲ្យស្ទះរន្ធញើស ជាហេតុនាំឲ្យកើតមុន។ ការលាងសម្អាតមុខចំនួន២ដងក្នុងមួយថ្ងៃ អាចជួយសម្អាតញើស និងធូលី ព្រមទាំងប្រេងចេញពីរន្ធញើស។ ពិតណាស់ វាមានសារសំខាន់ណាស់ក្នុងការលាងសម្អាតមុខ ពីព្រោះវាអាចកម្ចាត់ធូលី និងជួយឲ្យមុនក្បាលស និងមុខក្បាលខ្មៅជ្រុះចេញយ៉ាងស្រួល។

២. លាងសម្អាតមុខ២តង់ ដើម្បីបញ្ចៀសការស្ទះរន្ធញើស

Mistakes Dermatologists Think You're Making While Washing Your Face

ការលាងសម្អាតមុខ២តង់ ជាវិធីសាស្ត្រដ៏ល្អបំផុត ដើម្បីបញ្ចៀសការស្ទះរន្ធញើស។ ជាទូទៅ យើងត្រូវលាងសម្អាតមុខដំបូងជាមួយនឹងប្រភេទប្រេងលាងមុខ និងបន្ទាប់មក គឺប្រើប្រាស់ហ្វូមលាងមុខធម្មតា ដែលស័ក្ដិសមចំពោះប្រភេទស្បែក។ ប្រេងលាងមុខ អាចជួយកម្ចាត់ភាពកខ្វក់ដែលបណ្ដាលមកពីគ្រឿងសម្អាត ក្រែមការពារកម្ដៅថ្ងៃ និងជាតិពុលផ្សេងៗ ខណៈដែលហ្វូមលាងមុខអាចជួយកម្ចាត់ញើស និងធ្វើឲ្យស្បែកស្រស់ថ្លា។

៣. ប្រើប្រាស់ម៉ាសបិទមុខធម្មជាតិមានសារធាតុប្រឆាំងបាក់តេរី

Beautiful Girl with Cosmetic Mask Stock Footage Video (100% Royalty-free) 1021466785 | Shutterstock

ម៉ាសបិទមុខដែលផ្សំពីធម្មជាតិ និងមានសារធាតុប្រឆាំងនឹងបាក់តេរី គឺល្អបំផុតសម្រាប់ការពារការកើតមុននៅរដូវភ្លៀងនេះ។ វាអាចជួយកម្ចាត់កោសិកាស្បែកងាប់ សម្អាតរន្ធញើស ដោយកម្ចាត់ធូលី ក៏ដូចជាជាតិប្រេងដែលលើស។ ស្រីៗអាចសាកល្បងម៉ាសបិទមុខនឹងម៉ាសធម្មជាតិដែលមានគ្រឿងផ្សំតែ២មុខប៉ុណ្ណោះ គឺស្ត្រប៊ឺរី និងទឹកដោះគោជូរ។ ចូរជញ្ជ្រំផ្លែស្រ្តប៊ឺរីចំនួន២ផ្លែឲ្យម៉ត់ល្អ រួចលាយជាមួយទឹកដោះគោជូរចំនួន២ស្លាបព្រាកាហ្វេ។ បន្ទាប់មកលាបម៉ាសនេះនៅលើផ្ទៃមុខ ដោយទុកចោលរយៈពេល២០នាទី ទើបលាងជម្រះចេញជាមួយនឹងទឹកក្ដៅឧណ្ហៗជាការស្រេច៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ គន្លឹះ ៦ យ៉ាងធ្វើឲ្យមុខក្មេងជាងវ័យ មិនងាយចាស់មុនអាយុ

ចុចអាន៖ មុខចាស់ទៅៗ អាចដោយសារយើងញ៉ាំអាហារប៉ុន្មានមុខនេះច្រើនពេក