KPT+
ទោះដើរលេងច្រើនប៉ុនណា ក៏មិនបារម្ភខ្លាចឈឺ បើចេះតិចនិកទាំងនេះ
នៅពេលដែលយើងចេញដើរលេង វាពិបាកណាស់ទៅហើយក្នុងការថែទាំរាងកាយ និងសុខភាពឲ្យបានល្អ ពិសេសនៅពេលត្រូវដើរលេងពេលថ្ងៃឈប់សម្រាកយូរជាដើម។ ជឿថា មានគ្នាយើងខ្លះ បើដើរលេងច្រើនផង ឬញ៉ាំអាហារផ្ដេសផ្ដាសច្រើនទៀត ច្បាស់ជាឈឺ មានអារម្មណ៍ថាមិនស្រួលខ្លួន ហើយបែរជាដើរលេងលែងកើតវិញ។ ហេតុនេះហើយ បើយើងចេះតិចនិកមើលថែសុខភាពបានល្អ ទោះដើរលេងច្រើនថ្ងៃ ច្រើនកន្លែងក៏សុខភាពមិនចុះខ្សោយដែរ។
១.គេងឲ្យបានគ្រប់គ្រាន់
អ្នកណាក៏ដូចអ្នកណា ឲ្យតែពេលបានទៅដើរលេង ដឹងតែសប្បាយចិត្តពេក រហូតខ្លះគេងមិនលក់ក៏មាន។ ការគេងមិនបានគ្រប់គ្រាន់អាចធ្វើឲ្យយើងញ៉ាំច្រើន វិលមុខ និងអាចប៉ះពាល់ដល់អារម្មណ៍បាន។ ពេលយប់មុនដើរ យើងគួរគេងឲ្យបាន ៦-៩ម៉ោង ឬបើគេងមិនបានច្រើនពេលយប់ យើងអាចសម្រាកនៅតាមផ្លូវជំនួសក៏បាន។
២.ញ៉ាំអាហារពេលព្រឹកល្អ
ពេលធ្វើដំណើរតាមផ្លូវទៅដល់គោលដៅ យើងមិនសូវខ្វាយខ្វល់នឹងអាហារដែលយើងញ៉ាំទេ ភាគច្រើនគិតថា ញ៉ាំអីក៏បានឲ្យឆ្អែតៗពោះទៅ ជាពិសេសអាហារពេលព្រឹក។ តែយើងត្រូវដឹងថា អាហារពេលព្រឹកជាអាហារសំខាន់ជាងគេក្នុងមួយថ្ងៃៗ ហេតុនេះ គួរញ៉ាំអាហារពេលព្រឹកល្អៗ ជួយផ្ដល់ថាមពល ដើម្បីកុំឲ្យយើងឆាប់អស់កម្លាំងតាមផ្លូវ។
៣.ញ៉ាំទឹកឲ្យបានច្រើន
យើងគួរញ៉ាំទឹកឲ្យបានច្រើន ឬបើអាចគួរតែញ៉ាំថ្នាំវីតាមីនបំប៉នបន្ថែម ជាពិសេសសម្រាប់គ្នាយើងណាដែលត្រូវជិះយន្តហោះ ឬឡានមានមនុស្សច្រើន។ យកល្អ ញ៉ាំទឹក និងពពួកវីតាមីន C ដើម្បីជួយការពារខ្លួនពីជំងឺមួយចំនួនដែលអាចបំផ្លាញថ្ងៃសប្បាយរបស់យើង។
៤.ធ្វើចលនារាងកាយឲ្យបានច្រើន
មានគ្នាយើងខ្លះ ពេលទៅដើរលេងម្ដងៗមិនសូវជាធ្វើចលនារាងកាយ បញ្ចេញជាតិពុលចេញក្នុងខ្លួនទេ។ ម៉្យាងវិញ ពេលទៅដើរលេង ពិបាកហាត់ប្រាណទៀត ប៉ុន្តែយើងអាចបញ្ចេញញើសបន្តិចបន្តួច ដោយការដើរមើលទេសភាព ពេលសម្រាកបាយថ្ងៃត្រង់ ឬប្រើអាងហែលទឹក កន្លែងហាត់ប្រាណ ឬដើរពេលព្រឹកព្រលឹមក៏បាន។
៥.គ្រប់គ្រងស្ត្រេស
ជួនកាល ពេលដើរលេងឃើញមនុស្សច្រើនពេក អាចធ្វើឲ្យអារម្មណ៍បែរជាធុញ កើតស្ត្រេសវិញ។ ដូចនេះ បើកើតស្ត្រេសពេលដើរលេង យើងអាចរកកន្លែងស្ងាត់ៗ មិនសូវសម្បូរមនុស្ស ឬអាចធ្វើសមាធិ ឬមួយយូហ្កាពេលព្រឹកព្រលឹម ដើម្បីរំសាយអារម្មណ៍ក៏ល្អ។
បន្ថែមពីលើនេះ ពេលយើងទៅដើរលេង មិនត្រូវភ្លេចលាងដៃជាមួយសាប៊ូ ឬជែលឲ្យបានញឹកញាប់ រក្សាគម្លាតពីមនុស្សដទៃ ពាក់ម៉ាស់ឲ្យបានត្រឹមត្រូវ និងមានការប្រុងប្រយ័ត្នខ្ពស់ចំពោះការឆ្លង ជំងឺកូវីដ-១៩៕
-
សេដ្ឋកិច្ច១ សប្តាហ៍ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
សេដ្ឋកិច្ច៤ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ១ សប្តាហ៍ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម១ សប្តាហ៍ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ១ សប្តាហ៍ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល
-
ជីវិតកម្សាន្ដ៣ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
នយោបាយ៣ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ