KPT+

ទីសក្ការៈបូជា និងប្រាសាទកំពូលទាំង ៤ នៅ ជប៉ុន មានជណ្ដើរឡើងចោតខ្ពស់ជាងគេ

បានផុស

៤ years មុន

នៅ

ថ្ងៃសុក្រ ១០ ធ្នូ ២០២១

ដោយ

សាង ស្រីល័ក្ខ

នៅ ប្រទេសជប៉ុន សំបូរទៅ ដោយប្រសាទនិងកន្លែងទីសក្ការៈបូជាជាច្រើន សូម្បីតែនៅ ទីក្រុងក៏ដោយ។

ខាងក្រោមនេះ ជាទីសក្ការៈបូជា និងប្រាសាទកំពូលទាំង ៤ មានជណ្ដើរឡើងចោតខ្ពស់ជាងគេ នៅ ជប៉ុនដែលគួរដឹង។

១ ប្រាសាទ Shaka-in (៣,៣៣៣ ជំហាន)

ប្រាសាទ Shaka-in គឺជាប្រាសាទនិកាយ Tendai នៅ ក្នុងទីក្រុង Yatsushiro ខេត្ត Kumamoto ក្រៅ ពីជាប្រាសាទលេខ ១ មានជណ្ដើរថ្មខ្ពស់ជាងគេ ក្នុងប្រទេសជប៉ុន ប្រាសាទ Shaka-in គឺជាប្រាសាទចាស់ដែលមានប្រវត្តិជាង ១,២០០ឆ្នាំ ហើយត្រូវបានចុះបញ្ជីជាសម្បត្តិវប្បធម៌ របស់ជប៉ុន។ វាក៏ជានិមិត្តសញ្ញានៃការរស់ឡើងវិញ របស់ប្រទេសផងដែរ។

ប្រាសាទនេះ ត្រូវបានកសាងឡើងក្នុងឆ្នាំ គ. សឆ្នាំ ១៩៨០ ហើយត្រូវបានបញ្ចប់នៅ ឆ្នាំ ១៩៨៨ ចំណុចលេចធ្លោនៃប្រាសាទ គឺជណ្តើរថ្មដែលសាងសង់ដោយថ្មមកពីទូទាំងប្រទេសជប៉ុន រួមទាំងថ្មមកពីជុំវិញពិភពលោកដូចជាប្រទេសចិន កូរ៉េខាងត្បូង ឥណ្ឌា ប្រេស៊ីល អាហ្វ្រិកខាងត្បូង និងសហរដ្ឋអាមេរិក។ ធ្វើឲ្យវាមើលទៅដូចជាជណ្ដើរថ្មខ្ពស់បំផុត វាក៏បង្ហាញពីមិត្តភាព និងទំនាក់ទំនងអន្តរជាតិផងដែរ។

២ ទីសក្ការៈបូជា Dewa Sanzan (២,៤៤៦ ជំហាន)

ទីសក្ការៈបូជា Dewa Sanzan គឺជាទីសក្ការៈបូជានៅ ក្នុងខេត្ត Yamagata ហើយជាកន្លែងដែលមានភ្ញៀវទេសចរច្រើនទៅ បន់ស្រន់ ឈ្មោះ Dewa Sanzan គឺជាឈ្មោះរួមសម្រាប់ភ្នំបីគឺ Gassan , Haguro និង Yudono ។ ភ្នំ Gassang តំណាងឲ្យជីវិតអតីតកាល ភ្នំ Haguro តំណាងឲ្យជីវិតបច្ចុប្បន្ន ហើយភ្នំ Yudono តំណាងឲ្យជីវិត។

សម្រាប់ទីសក្ការៈបូជា Dewa Sanzan មានកាំជណ្តើរ ២៤៤៦ គឺជាទីសក្ការៈបូជាដែលមានទីតាំងនៅលើភ្នំ Haguro ។ ជណ្ដើរថ្មនៅទីនោះ ធ្លាប់ជាជណ្តើរថ្មដែលខ្ពស់ជាងគេក្នុងប្រទេសជប៉ុន។ រហូតមកដល់សព្វថ្ងៃនេះ វានៅតែជាប់ចំណាត់ថ្នាក់ក្នុងចំណោមទីសក្ការៈបូជា ដែលមានជំហានខ្ពស់បំផុតនៅក្នុងប្រទេសជប៉ុន។ វាត្រូវបានគេនិយាយថាធម្មយាត្រាទៅ កាន់ Dewasanzan នេះគឺជាដំណើរដែលអនុញ្ញាតឲ្យយើងរកឃើញខ្លួនឯងថ្មី។

៣ ទីសក្ការបូជា Koto Hiraku (១,៣៦៨ជំហាន)

ទីសក្ការៈបូជា Koto Hiraku មានទីតាំងនៅលើភ្នំ Sozu ក្នុងខេត្ត Kagawa ហើយត្រូវបានគេស្គាល់ផងដែរថាជា “Kompi Rasan” ដោយចេតិយនេះ ប្រសិនបើអ្នកឡើងជណ្ដើរទៅ ជំហានទី ៧៨៥ អ្នកនឹងឃើញចេតិយសំខាន់ៗផ្សេងទៀត ហើយប្រសិនបើអ្នកឡើងដល់ ១,៣៦៨ ជំហាន អ្នកនឹងទៅ ដល់អគារទីសក្ការៈនៅ ខាងក្រោយ។

៤ ទីសក្ការៈបូជា Fushimi Inari (១,២៧៦ ជំហាន)

ទីសក្ការៈបូជា Fushimi Inari របស់ទីក្រុងក្យូតូ មានកាំជណ្តើរថ្មសរុបចំនួន ១,២៧៦ ។ ទីសក្ការៈបូជានេះ គឺជាទីសក្ការៈបូជារបស់ Inari ដែលជាព្រះនៃកសិកម្ម វាមានទីតាំងនៅ Fushimi Ward នៃ Kyoto ក៏ជាគោលដៅទេសចរណ៍ដ៏ពេញនិយម នៅ ប្រទេសជប៉ុនដែរ៕

ប្រែសម្រួល៖ សាង ស្រីល័ក្ខ

ចុចអាន៖ធ្លាប់ឆ្ងល់ដែរទេ? ហេតុអ្វី ប្រាសាទ ឬទីសក្ការៈបូជា ជប៉ុន តែងសាងសង់ជណ្ដើរឡើងចោតខ្ពស់ៗ