អ្នកគាំទ្រសង្ស័យ Angelina Jolie សាក់ជេរអតីតស្វាមី

កំពូលតារាហូលីវូដ Angelina Jolie ទើបតែសាក់ម្រាមដៃកណ្ដាលថ្មី បណ្ដាលឲ្យអ្នកគាំទ្រទាយថា ជាពាក្យជេរ Brad Pitt អតីតស្វាមី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រីទទួលសេវាកម្មសាក់ដៃពី Mr K ដែលជាជាងសាក់ដ៏ល្បីនៅទីក្រុងញូវយ៉ក ។ Mr K បានចែករំលែករូបសាក់ដៃរបស់តារាស្រីវ័យ ៤៨ ឆ្នាំរូបនេះ នៅលើគណនី Instagram របស់ខ្លួន ប៉ុន្តែលាក់បាំងដោយដាក់ព្រិលៗ ។

ធ្វើបែបនេះបណ្ដាលឲ្យអ្នកគាំទ្រមួយចំនួនសង្ស័យថា ជាពាក្យជេរដែលសាក់លើដៃកណ្ដាលរបស់ Angelina ដើម្បីបង្ហាញទៅ Brad  ដែលជាគូស្នេហ៍ចាស់ ។

សូមរំលឹកថា អ្នកទាំងពីរបានស្រលាញ់គ្នាពីឆ្នាំ ២០០៥ រហូតរៀបការនៅឆ្នាំ ២០១៤ និងលែងលះវិញ ២ ឆ្នាំក្រោយ ។

ជាក់ស្ដែងអ្នកស្រី Angelina មានស្នាមសាក់ជាច្រើន រួមទាំងសាក់ដើម្បីផ្ដល់តម្លៃកិច្ចការសប្បុរសធម៌របស់នាង និងកូនៗជាដើម ។

លើសពីនេះគាត់ក៏ធ្លាប់សាក់តំណាងដល់អតីតគូស្នេហ៍ជាច្រើនទៀតដែរ រួមទាំងស្វាមីមុនគឺ Billy-Bob Thornton ។ បន្ទាប់ពីការលែងលះគ្នា Angelina បានលុបសាក់ និងប្ដេជ្ញាចិត្តមិនសាក់ឈ្មោះបុរសណាទៀតលើរាងកាយរបស់នាងទេ ។

យ៉ាងណាមិញ Angelina និង Brad ធ្លាប់សាក់រូបគូស្នេហ៍ជាច្រើន មុនការបែកបាក់គ្នានៅឆ្នាំ ២០១៦ ៕

ប្រែសម្រួល៖ វារី

ប្រភព៖ Pagesix

ចុចអាន៖ ដឹងទេ ឆ្នាំនេះ តារាហូលីវូដ Angelina Jolie មានទ្រព្យសម្បត្តិប៉ុន្មាន?