KPT+
បៀបរកលុយខ្ទង់លានដុល្លាររបស់ YouTuber ស្រីដ៏ល្បីនៃប្រទេសចិន
នាង Liziqi ជា YouTuber របស់ប្រទេសចិន និងជាសេដ្ឋីនីវ័យក្មេង ដែលមានអ្នកចុច Subscribe រហូតដល់ ១៣.៧ លាននាក់នៅជុំវិញពិភពលោក គិតត្រឹមខែធ្នូ ឆ្នាំ ២០២០។
Liziqi ជាកូនអ្នកស្រែម្នាក់ និងបានបោះបង់ការសិក្សាកាលពីកំឡុងឆ្នាំ ២០១២ ព្រោះត្រូវមើលថែជីដូនឈឺ។ នាងខំតស៊ូធ្វើការខ្លាំងណាស់ ដើម្បីចិញ្ចឹមខ្លួនឯង និងគ្រួសារ ដែលគិតមកត្រឹម ២០២០ នេះ នាងក៏បានក្លាយជាសេដ្ឋីនីនៅប្រទេសចិន ក្នុងត្រឹមវ័យ ៣០ ឆ្នាំ។
ដោយសារភាពឈ្លាសវៃ Liziqi បានចាប់ផ្ដើមបើកហាងលក់ទំនិញតាមអនឡាញ ដែលពេលនោះ នាងរកលុយបានខ្ទង់ពាន់ដុល្លាររៀងរាល់ខែ ព្រោះទំនិញលក់ដាច់ខ្លាំង។ Liziqi ជាមនុស្សដែលស្រឡាញ់ វប្បធម៍ និង បេតិកភណ្ឌរបស់ជនជាតិខ្លួន ទើបកាលពីឆ្នាំ ២០១៥ នាងសម្រេចចិត្តធ្វើវីដេអូបង្ហោះចូល YouTube ទោះបីប្រទេសចិនជាប្រទេសដែលហាមឃាត់មិនឲ្យប្រើប្រាស់បណ្ដាញសង្គម YouTube ក៏ដោយ។
YouTuber រូបនេះ បង្កើត Content វីដេអូប្លែកពីគេដោយចាប់ផ្ដើមធ្វើវីដេអូបែបអ្នកស្រុកជនបទ ស្រុកស្រែចម្ការ ពីបុរាណកាល និងបង្ហាញពីវប្បធម៌ ប្រពៃណីរបស់ចិន។ វីដេអូរបស់នាងមានមនុស្សជាច្រើនស្រឡាញ់គាំទ្រ និងកោតសរសើរពីទេពកោសល្យច្នៃប្រឌិតដ៏ប្លែកនេះ។ វីដេអូរបស់ Liziqi កាន់តែល្អឡើងជាលំដាប់ ក្នុងនោះវីដេអូខ្លះចំណាយពេលថតរហូតដល់ ១ ឆ្នាំទើបចប់ ដើម្បីផលិតចេញមកបានល្អឥតខ្ចោះ។
Liziqi ជាប់ឈ្មោះជាបុគ្គលមានឥទ្ធិពលទី ២ នៅប្រទេសចិនលើបណ្ដាញសង្គម ដែល Weibo របស់នាងមានអ្នកគាំទ្រជាង ៥៣ លាននាក់ រីឯនៅលើ YouTube មានជាង ១០លាននាក់ ទោះការចាប់ផ្ដើមដំបូងនាងបានប្រើ VPN ក៏ដោយ។
វីដេអូរបស់សេដ្ឋីនីវ័យក្មេងរូបនេះរួមមាន ការចម្អិនអាហារ ការឡើងលើភ្នំ ការដើរបេះបន្លែ ការប៉ាក់ ការជ្រលក់ក្រណាត់ពណ៌ ធ្វើគ្រឿងសង្ហារឹម ធ្វើសម្លៀកបំពាក់ និងមានបង្ហាញពីរបៀបធ្វើអ្វីផ្សេងៗច្រើនទៀត។ វីដេអូទាំងនេះ ជាការបំផុសគំនិតដល់មនុស្សលើពិភពលោក ពីរបៀបរស់នៅដែលនាងបានបង្កើតឧបករណ៍ប្រើប្រាស់ដោយខ្លួនឯងស្ទើតែទាំងអស់ ។
បន្ថែមលើចំណូលពីហាងលក់អនឡាញ Liziqi បានចំណូលមកពី YouTube ផ្ទាល់តែម្ដង ដោយសារមានអ្នកចូលមើលវីដេអូរបស់នាងរាប់លានដងឯណោះ ហើយបច្ចុប្បន្ននាងមានទ្រព្យសម្បត្តិសរុបជាង ២៣ លានដុល្លារ៕
ប្រែសម្រួល៖ សន្យា
ចុចអាន៖ ស្អាតហើយពូកែទៀត! មកដឹងជីវិតពិតរបស់ Youtuber ចិនល្បីឈ្មោះ Li Ziqi
ចុចអាន៖ បង្ហាញគន្លឹះរកលុយពី YouTuber ល្បីៗដែលមានទ្រព្យច្រើនបំផុតលើពិភពលោក
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង