KPT+
អាកប្បកិរិយា ៥ នេះហើយ ជាមូលហេតុធ្វើឲ្យគូស្នេហ៍ឈានទៅបែកបាក់គ្នា
លើលោកនេះ គ្មានគូស្នេហ៍ណាមិនឈ្លោះប្រកែកគ្នាទេ ហើយក៏មិនខុសពីពាក្យចាស់លោកពោលថា “ចានក្នុងរាវគង់ប៉ះទង្គិចគ្នា”។ ដូច្នេះហើយ ការឈ្លោះប្រកែកគ្នា ជារឿងធម្មតា សំខាន់គឺអ្នកទាំងពីរត្រូវចេះសម្របគ្នាទៅមក។ បើម្ខាងទៀតក្ដៅ ម្ខាងទៀតត្រូវតែត្រជាក់ដាច់ខាត ទើបអាចរស់នៅចុះសម្រុងគ្នាបាន។
យ៉ាងណាមិញ នៅពេលដែលអ្នកទាំងពីរទាស់សំដីគ្នា សូមចៀសវាងនូវអាកប្បកិរិយាដូចខាងក្រោមនេះ ដើម្បីរក្សាភាពសុខដុមរមនាក្នុងទំនាក់ទំនង ឲ្យកាន់តែយូរអង្វែងថែមទៀត។
១ មានចិត្តចង់ឈ្នះលើដៃគូ
ការជជែកវែកញែកត្រូវបានបង្កឡើងដោយភាពខុសគ្នានៃមតិ ហើយជាលទ្ធផលនៃការខ្វែងគំនិតគ្នា នឹងនាំឲ្យមានការឈ្លោះប្រកែកគ្នា។ ម្នាក់ៗចង់ការពារគោលការណ៍របស់ខ្លួន ហើយចង់ឈ្នះក្នុងការជជែកដេញដោល។ ទោះជាយ៉ាងណាក៏ដោយ បំណងប្រាថ្នាចង់ឈ្នះនេះ ពិតជាមានសក្តានុពលក្នុងការនាំមកនូវអារម្មណ៍មិនស្រួល។ នេះគឺដោយសារតែភាគីម្ខាង នឹងមានអារម្មណ៍ថាមិនពេញចិត្ត នៅពេលដែលពួកគេបន្តរងសម្ពាធ និងជ្រុងម្ខាង ដោយសារតែមតិរបស់ពួកគេខុស។ បញ្ហាចម្បង គួរតែរកដំណោះស្រាយ ជំនួសនៃការរកជម្លោះថ្មីដែលមិនគួរកើតឡើង។
២ ទំនោរទៅនឹងប្រតិកម្ម និងការវាយប្រហារ
ការឈ្លោះប្រកែកគ្នា ជាពិសេសជាមួយដៃគូ ក៏អាចបង្កនូវអារម្មណ៍អវិជ្ជមាន ដែលធ្វើឲ្យយើងមានទំនោរទៅជាប្រតិកម្ម។ ជាការពិត មិនមែនកម្រមានសភាវគតិដែលអូសទាញ និងបង្កើតឲ្យមានបំណងប្រាថ្នាវាយប្រហារលើគំនិតរបស់អ្នកដទៃ ដែលតាមពិត គឺជាដៃគូរបស់យើងនោះទេ។ ប្រសិនបើកើតឡើងមែន ចូរសម្រាក ហើយបោះជំហានមួយឡែកសិន ដើម្បីស្វែងយល់ពីបញ្ហា និងស្ថានភាពដែលកំពុងកើតឡើង។ ទន្ទឹមនោះ កុំយកអារម្មណ៍ទៅឆ្ងាយពីដៃគូពេក វាអាចជះឥទ្ធិពលដល់ការឃ្លាតឆ្ងាយពីទំនាក់ទំនងក៏ថាបាន។
៣ ស្ទាក់ស្ទើរក្នុងការព្យាយាមយល់ពីស្ថានភាពរបស់ដៃគូ
អាកប្បកិរិយាមួយនាំឲ្យមានការជជែកវែកញែក និងឈ្លោះប្រកែកគ្នាយ៉ាងយូរ គឺការស្ទាក់ស្ទើរស្វែងយល់ពីដៃគូរបស់អ្នក។ នៅក្នុងការជជែកពិភាក្សាដ៏ក្តៅគគុកនេះ ការគ្រប់គ្រងអារម្មណ៍ គឺជាគន្លឹះសំខាន់ដើម្បីអាចកាត់បន្ថយជម្លោះ និងស្វែងរកដំណោះស្រាយដ៏ល្អបំផុត។ ជំនួសឲ្យការបង្ហាញពីភាពអាត្មានិយមរបស់អ្នក វាជាការល្អក្នុងការចាប់ផ្ដើមព្យាយាមស្វែងយល់ពីសាវតាររបស់ដៃគូ និងរបៀបដែលគាត់/នាង ដំណើរការបញ្ហានេះឡើងមក។
៤ សង្ស័យដោយមិនចង់ស្តាប់ការពន្យល់
បញ្ហាដែលកើតឡើងរវាងគូស្វាមីភរិយា ជួនកាលមិនអាចបំបែកចេញពីការខ្វះការប្រាស្រ័យទាក់ទងបើកចំហ ដែលនាំឲ្យមានការសង្ស័យក្នុងរឿងជាច្រើន។ បន្ទាប់មក ការសង្ស័យនេះ អាចធ្វើឲ្យមានការជជែកវែកញែកតូចមួយ ហើយបញ្ហាកាន់តែទូលំទូលាយ។ ការសង្ស័យនឹងបិទបេះដូង និងចិត្តដើម្បីទទួលយកការពន្យល់។
៥ បង្ហាញចរិតជារាជបុត្រ ឬព្រះនាង មិនសុំទោសអ្នកណាមុន
ការបញ្ចប់នៃការជជែកពិភាក្សាគ្នា គួរតែនាំទៅរកការទទួលយកគ្នាទៅវិញទៅមក និងការអភ័យទោសឲ្យគ្នា។ ប៉ុន្តែមានគូស្នេហ៍ខ្លះ គឺមិនព្រមទម្លាក់ខ្លួនឲ្យទាបជាងម្ខាងៗ ដោយសារគិតថា ការសុំទោសឬឲ្យតម្លៃខ្លួនឯងទាបទៅម្ខាងទៀត នឹងមានអារម្មណ៍ថាអន់។ ពេលខ្លះភាពក្រអឺតក្រទមនេះ អាចជះឥទ្ធិពលដល់ទំនាក់ទំនងអ្នកទាំងពីរ រហូតឈានទៅបែកបាក់គ្នាដោយមូលហេតុមិនចុះសម្រុង។
តាមពិតទៅ ការឈ្លោះប្រកែកជាមួយដៃគូគឺជារឿងធម្មតាទៅហើយក្នុងសង្គមនេះ ប៉ុន្តែបើទោះជាវាធម្មតា អ្នកមិនអាចធ្វើឲ្យវាធម្មតាតាមសាច់រឿងបានទេ។ ប្រសិនបើអ្នកឬដៃគូបានធ្វើឲ្យមានអារម្មណ៍មិនស្រួលឡើងមក ត្រូវប្រញាប់ជជែកគ្នារកដំណោះស្រាយ កុំបណ្ដោយឲ្យភាពអាត្មានិយម និងភាពអំនួត កាន់តែមានអំណាចគ្រប់គ្រងលើចិត្ត ដោយមិនអើពើនឹងនៃទំនាក់ទំនងមួយនេះ។ ប្រយ័ត្នបាត់បង់គេ ទើបស្ដាយក្រោយហួសពេលមួយជីវិត៕
ប្រែសម្រួល៖ សាង ស្រីល័ក្ខ
ចុចអាន៖មូលហេតុ ៥ យ៉ាង មនុស្សសម័យនេះ ចង់នៅលីវច្រើនជាងមានគូ
ចុចអាន៖ហេតុផល ៥ យ៉ាង បង្ហាញថា អ្នកនិងដៃគូ មិនអាចសាងអនាគតរួមគ្នាបានទេ
-
ព័ត៌មានជាតិ២៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល