បង្ហាញមុខមហាសេដ្ឋីជើងខ្លាំង ថៃ ១០រូប ខណៈទ្រព្យសម្បត្តិកើនឡើងមិនធម្មតា នាឆ្នាំ ២០២២

គេហទំព័រ Forbes Thailand បានបង្ហាញបញ្ជីឈ្មោះមហាសេដ្ឋីថៃនាឆ្នាំ ២០២២ ខណៈត្រកូលសេដ្ឋីខ្លះ នៅតែជាជើងខ្លាំងរាល់ៗឆ្នាំ សឹងថាគ្មានអ្នកណាវ៉ាដាច់ពួកគេឡើយ។

ខាងក្រោមនេះ ជាកំពូលមហាសេដ្ឋីជើងខ្លាំង១០រូប ដែលបង្ហាញវត្តមាននៅក្នុងប្រទេសថៃ ៖

ចំណាត់ថ្នាក់​លេខ​១ បងប្អូនត្រកូល Chearavanont

ក្រុមហ៊ុន CP Group គឺជាក្រុមហ៊ុនឯកជនដ៏ធំបំផុតរបស់ប្រទេសថៃ។ ចំណែកតម្លៃនៃ​អចលនទ្រព្យក្នុងឆ្នាំនេះ បានកើនឡើងខ្លាំង រហូតដល់ ២៦.៥ ពាន់លានដុល្លារឯណោះ។ យ៉ាងណាមិញ នៅប្រទេសថៃមិនទាន់មានមហាសេដ្ឋីរូបណា វ៉ាដាច់ត្រកូលគ្រួសារ Chearavanont នូវឡើយទេ។

ចំណាត់​ថ្នាក់​លេខ​២ Chalerm Yuwittaya និង​ក្រុម​គ្រួសារ

Chalerm Yoovidhya គឺជាអ្នកជំនួញមហាសេដ្ឋីថៃ និងជាអ្នកស្នងមរតករបស់ Red Bull ។ គិតត្រឹមឆ្នាំ ២០២១ ទស្សនាវដ្ដី Forbes ប៉ាន់ប្រមាណថា ទ្រព្យសម្បត្តិរបស់គាត់មានចំនួន ២.៦៤ ពាន់លានដុល្លារ ។

ចំណាត់​ថ្នាក់​លេខ​៣ Charoen Sirivadhanabhakdi

លោក Charoen Sirivadhanabhakdi គឺជាមហាសេដ្ឋីជំនួញ និងវិនិយោគិនថៃ។ លោកគឺជាស្ថាបនិកក្រុមហ៊ុន Thai Beverage និងជាប្រធានក្រុមហ៊ុន TCC Group និង Fraser and Neave, Ltd។ គិតត្រឹមឆ្នាំ២០២២ ទ្រព្យសម្បត្តិរបស់លោកកើនឡើងខ្លាំងរហូតដល់ ១១.២ ពាន់លានដុល្លារ ។

ចំណាត់​ថ្នាក់​លេខ៤ Sarat Ratanavadi

Sarath Ratanavadi ជាវិស្វករជនជាតិថៃ និងជាអ្នកជំនួញ។ លោកក៏ជាស្ថាបនិក និងជានាយកប្រតិបត្តិនៃក្រុមហ៊ុនថាមពលធំជាងគេទីបីរបស់ប្រទេសថៃគឺ Gulf Energy Development។ ងាកមក​មកទ្រព្យសម្បត្តិលោក មានចំនួន ១១ ពាន់លានដុល្លារ។

ចំណាត់ថ្នាក់លេខ ៥ គ្រួសារ Chirathivat

គ្រួសារ Chirathivat ជា​គ្រួសារ​ថៃ​ដែល​មាន​ដើម​កំណើត​ចិន។ គ្រួសារនេះត្រូវបានដឹកនាំដោយ Tiang Chirathivat ដែលបានធ្វើចំណាកស្រុកពី Hainan ហើយបានតាំងទីលំនៅនៅទីក្រុងបាងកកក្នុងឆ្នាំ ១៩២៧ ។ គាត់មានកូនចំនួន ២៦ នាក់ជាមួយនឹងប្រពន្ធ ៣ នាក់ដែលបណ្តាលឲ្យមានកូនចៅប្រហែល ២២០ នាក់ រហូតកើតទ្រព្យសម្បត្តិ ១.០៦ ពាន់លានដុល្លារ។

ចំណាត់ថ្នាក់​ទី​៦ Somphot Ahunai និងក្រុមគ្រួសារ

Energy Absolute ជាក្រុមហ៊ុនអគ្គិសនី បានសហការជាមួយសកលវិទ្យាល័យ Chulalongkorn ដើម្បីស្រាវជ្រាវការកែច្នៃឡើងវិញនៃថ្ម lithium-ion។ ទ្រព្យសម្បត្តិក្នុងឆ្នាំនេះបានកើនឡើងដល់ ៣.៩ ពាន់លានដុល្លារ។

ចំណាត់ថ្នាក់លេខ៧ Prasert Prasarttong-Osoth

Prasert Prasarttong-Osoth គឺជាពាណិជ្ជករមហាសេដ្ឋីថៃ ដែលមានដើមកំណើតចិន អតីតគ្រូពេទ្យវះកាត់ និងជាស្ថាបនិក និងជាម្ចាស់ក្រុមហ៊ុន Bangkok Dusit Medical Services ដែលជាក្រុមថែទាំសុខភាពឯកជនដ៏ធំបំផុតរបស់ថៃ និងជាម្ចាស់ក្រុមហ៊ុនអាកាសចរណ៍ក្នុងតំបន់គឺ Bangkok Airways ។ ទ្រព្យសម្បត្តិ ៣.១ ពាន់លានដុល្លារ។

ចំណាត់ថ្នាក់ទី៨ Vanich Chaiyawan

Vanich Chaiyawan គឺជាពាណិជ្ជករមហាសេដ្ឋីថៃ ដែលជាប្រធានក្រុមហ៊ុនធានារ៉ាប់រងអាយុជីវិតថៃ ជាក្រុមហ៊ុនធានារ៉ាប់រងអាយុជីវិតធំជាងគេទីពីរនៅក្នុងប្រទេស។ ទ្រព្យសម្បត្តិ ៣ពាន់លានដុល្លារ។

ចំណាត់ថ្នាក់លេខ៩​ Prajak Tangkharawakhun និងក្រុមគ្រួសារ

ក្រុមហ៊ុន Toa Chemical Industries Limited ត្រូវបានបង្កើតឡើងក្នុងឆ្នាំ១៩៨២។ អាជីវកម្មរបស់ក្រុមហ៊ុននេះរួមមានការផលិតថ្នាំលាប វ៉ារនីស ម្រ័ក្សណ៍ខ្មុក អេណាមែល និងផលិតផលសម្ព័ន្ធមិត្តផ្សេងទៀត។ ចំណែកទ្រព្យសម្បត្តិ មានចំនួន ២.៨ ពាន់លានដុល្លារ។

ចំណាត់ថ្នាក់លេខ​១០ គ្រួសារ Osathanugrah

ក្រុមហ៊ុនផលិតភេសជ្ជៈរបស់ប្រទេសថៃ ដូចជា M-150 មានតម្លៃអចលនទ្រព្យ ២.៧ ពាន់លានដុល្លារនៅក្នុងឆ្នាំ២០២២នេះ ៕

ប្រែសម្រួល៖ សាង ស្រីល័ក្ខ

ចុចអាន៖លោក ថាក់ស៊ីន ស៊ីណាវ៉ាត្រា ក្លាយជាមហាសេដ្ឋី មានជាងគេរបស់ ថៃ

ចុចអាន៖មេវិទ្យាស្ថានឱសថមួយរបស់ ឥណ្ឌា ក្លាយជាមហាសេដ្ឋីមានជាងគេបំផុត​ ក្នុងឆ្នាំ ២០២២