Connect with us

KPT+

ផលិតករបារាំង-ខ្មែរ ទទួលពានរង្វាន់មាស ភាពយន្តល្អបំផុត ពីមហោស្រពភាពយន្តអន្ដរជាតិ

បានផុស

នៅ

ផលិតករ​ភាព​យន្ត​កូន​កាត់ ​បារាំង-​ខ្មែរ លោក ​ជូ ដាវី ទទួល​បាន​ពាន​រង្វាន់​មាស​ជា ​”ភាព​យន្ត​ល្អ​បំផុត” ពី​មហោ​ស្រព​ភាព​យន្ត​អន្ដរ​ជាតិ​ទីក្រុង​អាថែន ​ប្រទេស​ក្រិក​ លើក​ទី​២៨​ ដោយភាពយន្តនោះមានចំណងជើងថា “ត្រឡប់​ទៅ​សេអ៊ូល” ឬ Return to Seoul ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជូ​ ដាវី បាន​លើកឡើង​ថា ​ភាព​យន្ត​នេះ ​បាន​គំនិត​ពី​ប្រវត្តិ​ជីវិត​ពិត​របស់​មិត្ត​ភក្តិ​របស់​លោក​ម្នាក់ ដែល​ជា​ជន​ជាតិ​បារាំង​មាន​ដើម​កំណើត​មក​ពីប្រទេស​កូរ៉េ​ខាង​ត្បូង។ មិត្ត​ភក្តិ​របស់​លោក បាន​នាំ​លោក​ទៅ​ជួប​ជា​មួយ​ឪពុក​បង្កើត​របស់​នាង​​ជា​ជន​ជាតិ​កូរ៉េ​ នៅឆ្នាំ​ ២០១១​។ ការ​ជួប​ជុំ​គ្នា​រវាង​មិត្ត​ភក្តិ​របស់​លោក ដាវី ជា​មួយ​ឪពុក​បង្កើត​ជា​លើក​ដំបូង​នោះ បានដិត​ជាប់​នៅ​ក្នុង​​ចិត្ត​របស់​លោក។ លោកចាប់ផ្ដើម ផលិត​ភាព​យន្ត​រឿង “ត្រឡប់​ទៅ​សេអ៊ូល” នៅចុង​​ឆ្នាំ​ ២០២១ នៅ​ប្រទេស​កូរ៉េ​ខាង​ត្បូង និង​រ៉ូម៉ានី ដោយ​ប្រើ​ពេល​ថត​សរុប​ចំនួន​ ៦ ​សប្ដាហ៍​។

​​រឿង “ត្រឡប់ទៅសេអ៊ូល” មាន​សាច់​រឿង​តំណាល​អំពី​នារី​ដើម​កំណើត​ជន​ជាតិ​កូរ៉េ​ ឈ្មោះ Freddie ដែល​ត្រូវ​ឪពុក​ម្ដាយ​របស់​ខ្លួន​យក​ទៅ​ដាក់​នៅ​មជ្ឈ​មណ្ឌល​កុមារ​កំព្រា ហើយ​ក្រោយ​មក​ត្រូវ​គ្រួសារ​ជន​ជាតិ​បារាំង​យក​ទៅ​ចិញ្ចឹម​បី​បាច់​នៅ​ប្រទេស​បារាំង ​តាំង​ពី​តូច​រហូត​ដល់​ធំ​ដឹងក្ដី​។ នៅ​ក្នុង​វ័យ​ ២៥ ​ឆ្នាំ នារី​ជន​ជាតិ​បារាំង​ដើម​កំណើត​កូរ៉េ​រូប​នេះ បាន​ត្រឡប់​ទៅ​កាន់​ទីក្រុង​សេអ៊ូល​ជា​លើក​ដំបូង ហើយ​សម្រេច​ចិត្ត​ស្វែង​រក​ឪពុក​ម្ដាយ​បង្កើត​របស់​ខ្លួន​។ នៅ​ក្នុង​ដំណើរ​ស្វែង​រក​ឪពុក​ម្ដាយ​បង្កើត​របស់​ខ្លួននេះ តួ​អង្គ​ឯក​ស្រី​បាន​ជួប​ប្រទះ​នូវ​រឿង​រ៉ាវ​ជា​ច្រើន​ ហើយ​រឿង​រ៉ាវ​ទាំង​អស់​នោះ បាន​ផ្លាស់​ប្ដូរ​នាង​ស្ទើរ​តែ​ទាំង​ស្រុង​។

នៅ​ក្នុង​ពិធី​ប្រកាស​ពាន​រង្វាន់​នៅ​ថ្ងៃ​ទី​៨ ខែ​តុលា ឆ្នាំ​២០២២​ នៅ​ទីក្រុង​អាថែន លើក​ទី​២៨​ ​គណៈ​កម្មការ​នៃ​មហោ​ស្រព​ភាព​យន្ត​អន្ដរ​ជាតិ​ ​បាន​ថ្លែងថា ភាព​យន្ត​ “ត្រឡប់​ទៅ​សេអ៊ូល” ​បាន​ឆ្លុះ​បញ្ចាំង​ពី​ទំនាក់​ទំនង​រវាង​ម្ដាយ ​និង​កូន​ដែល​មាន​ភាព​ស្ថិត​ស្ថេរ​ជា​រៀង​រហូត​ ខុស​ពី​​ជីវិត​ដែល​មាន​លក្ខណៈ​​ផុយ​ស្រួយ​បំផុត​ ហើយ​ចេះ​តែ​ផ្លាស់​ប្ដូរ​គ្រប់​ពេល​វេលា​ទាំង​អស់។ បច្ចុប្បន្ន​នេះ ភាព​យន្ត​នេះ កំពុង​​ចាក់​បញ្ចាំង​នៅ​តាម​មហោ​ស្រព​ភាព​យន្ត​ជា​ច្រើន​នៅ​ទូទាំង​ពិភពលោក​ ហើយ​លោក ​ជូ ដាវី ក៏​នឹង​ធ្វើ​ដំណើរ​ទៅ​កាន់​មហោស្រព​ទាំង​នោះ ​ដើម្បី​ធ្វើ​បទ​បង្ហាញ​​ផង​ដែរ។

​គួរបញ្ជាក់ថា លោក ជូ ដាវី កើតនៅឆ្នាំ១៩៨៣ និង​ធំ​ដឹង​ក្ដី​នៅ​ប្រទេស​បារាំង ដោយមានជីតា ជាផលិតករភាពយន្ត និងចាងហ្វាងផលិតកម្ម “វណ្ណចន្ទ ភាពយន្ត”។ លោក ជូ ដាវី បានត្រឡប់មករស់នៅកម្ពុជា នៅឆ្នាំ២០០៩។ មុនផលិតរឿង “ត្រឡប់ទៅសេអ៊ូល” លោក ជូ ដាវី បានផលិតភាពយន្តខ្នាតវែងខ្មែរដែលទទួលការគាំទ្រទាំងមហោស្រពថ្នាក់ជាតិ និងថ្នាក់អន្តរជាតិ ដូចជារឿង “ដំណេកមាស” និយាយពីយុគមាសនៃវិស័យភាពយន្តខ្មែរ ព្រមទាំងបង្ហាញបទពិសោធន៍ផលិតភាពយន្តរបស់ផលិតករខ្មែរជើងចាស់ដែលរួចជីវិតពីសម័យ ប៉ុល ពត និងរឿង “កោះពេជ្រ” និយាយពី យុវវ័យ​​ និងសង្គម​ខ្មែរ​សម័យ​បច្ចុប្បន្ន​ ជីវិត​យុវវ័យ​​ស្រុក​ស្រែ ចាក​ចេញ​ពីស្រុក​កំណើត មក​ធ្វើ​ជា​កម្មករ​សំណង់​នៅទីក្រុង នៅ​កោះពេជ្រ៕

អត្ថបទ​៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ៥៨ នាទី មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ១ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ១ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ១ ម៉ោង មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

Sokha Hotels

ព័ត៌មានពេញនិយម