តិចនិក ៥ យ៉ាង ជួយឲ្យស្បែករលោងដូចនារី កូរ៉េ

ការប្រើប្រាស់ផលិតផលតាមគេតាមឯងមិនមែនជាការសម្រេចចិត្តដ៏ត្រឹមត្រូវនោះទេ អ្នកគួរដឹងពីស្បែកមុខឲ្យច្បាស់ជាមុនសិន ចាំជ្រើសរើសផលិតផល។ តិចនិក ៥ យ៉ាងនេះ នឹងជួយអ្នកសម្រេចគោលបំណងក្នុងរយៈពេលតែមួយខែតែប៉ុណ្ណោះ៖

១. ការសម្អាតមុខពីរតង់

វាជារឿងចាំបាច់សម្រាប់អ្នកប្រើប្រាស់ផលិតផលថែទាំស្បែក ផលិតផលដែលប្រើសម្រាប់លាងពីរតង់នោះអាចជាក្រមួន ប្រេង ឬទឹកជូតគ្រឿងសម្អាង ជៀសវាងប្រើប្រាស់ ប្រេងដូង និងក្រមួនលាបមាត់ព្រោះពួកនោះវាពិបាកសម្អាត មិនរលាយតាមទឹក និងបង្កឲ្យស្ទះរន្ធរោម។

២. ផ្ដល់សំណើមលើស្បែក

ចំណុចនេះជារឿងមិនអាចគេចវេសបាន មិនថាពេលត្រជាក់ឬក្ដៅសុទ្ធតែត្រូវការផ្ដល់សំណើមគ្រប់ពេល ទោះបីជាអ្នកមានមុខខ្លាញ់យ៉ាងណាក៏ដោយ ការផ្ដល់សំណើមនៅតែជារឿងចាំបាច់ដដែល។

៣. ប្រើប្រាស់សេរ៉ូមបន្ថែម

ពេលព្រឹកយើងណែនាំអ្នកឲ្យប្រើប្រាស់ជាសេរ៉ូម វីតាមីនស៊ី ឬ Niacinamide សម្រាប់អ្នកមុខខ្សោយ ចំណែកឯពេលយប់វិញយើងណែនាំអ្នកឲ្យប្រើប្រាស់សេរ៉ូម ឬ គ្រីមមានជាតិ Retinol ប៉ុន្តែសម្រាប់វ័យ ២០ឆ្នាំឡើង។

៤. ជម្រុះកោសិកាឲ្យទៀងទាត់

ការជម្រុះកោសិកាស្បែកមុខត្រឹមត្រូវមិនធ្វើឲ្យមុខស្ដើងដូចពាក្យចចាមរ៉ាមនោះទេ ផ្ទុយទៅវិញវានឹងជួយអ្នកឲ្យមានស្បែកមុខទន់ ភ្លឺថ្លា រលាស់ មិនងាយចាស់ទៅតាមវ័យ។

៥. ការពារកម្ដៅថ្ងៃ

វិធីការពារកម្ដៅថ្ងៃមានច្រើនជម្រើសណាស់រួមមាន ឡេ គ្រីម ក្រមួន និងស្ព្រេយ៍ អ្នកមិនគួររំលងវាសូម្បីតែមួយថ្ងៃ។ ជាពិសេសការប្រើប្រាស់ផលិតផលការពារត្រូវតែមានពេលវេលាលាបសារឡើងវិញ មិនគួរលាបពេលព្រឹកទុកដល់យប់ជាដាច់ខាត៕

អត្ថបទ៖ វារី

ចុចអាន៖គ្រាន់តែគេងពេលយប់ ក៏ជួយស្បែកឲ្យស្រស់ស្អាត ក្មេងជាងវ័យ បើដឹងល្បិចទាំង ៦ នេះ