KPT+

របៀបជ្រើសរើសអំណោយ ឲ្យមនុស្សពិសេសនាចុងឆ្នាំ

បានផុស

២ years មុន

នៅ

ថ្ងៃអង្គារ ២៧ ធ្នូ ២០២២

ដោយ

ពិធីបុណ្យតែងមកជាមួយអំណោយ ជាពិសេសនោះកាន់តែកៀនឆ្លងឆ្នាំថែមទៀត ហើយបញ្ហាធំមួយគឺ តើយើងនឹងទិញអ្វីជាអំណោយ ឲ្យអ្នកទទួលពេញចិត្ត? យើងចង់ផ្តល់អំណោយពិសេសដល់មនុស្សសំខាន់ ហើយចង់ឲ្យអ្នកទទួលពេញចិត្ត និងមានអារម្មណ៍ល្អ សូមសាកល្បងប្រើបច្ចេកទេសសាមញ្ញចំនួន៣ ក្នុងការជ្រើសរើសអំណោយដូចខាងក្រោម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ អត្ថន័យលើសពីតម្លៃ

យើងមានទំនោរគិតថា អំណោយថ្លៃ អ្នកទទួលនឹងចូលចិត្តវាកាន់តែច្រើន។ យើងប្រហែលជាគិតច្រើនពេកអំពីតម្លៃ។ ជាការពិតណាស់វាមិនមែនជាកំហុសទេ។ ប៉ុន្តែជាដំបូង សូមគិតអំពីអត្ថន័យដែលយើងចង់ផ្ដល់ដល់បុគ្គលនោះ ដូចជាសៀវភៅ ព្រោះយើងចង់ឲ្យគាត់មានទស្សនៈថ្មីលើជីវិត។ ប៊ិចសម្រាប់អ្នកដែលទើបតែចាប់ផ្ដើមធ្វើការ ផ្កាដែលមានអត្ថន័យផ្សេងៗគ្នា ព្រោះនៅទីបញ្ចប់ វានឹងមានតម្លៃមនោសញ្ចេតនាសម្រាប់អ្នកទទួលច្រើនជាងតម្លៃថ្លៃ។

២ ព្យាយាមជ្រើសរើសអំពីអ្វីដែលអ្នកដទៃចង់បាន

វាហាក់ដូចជាមិនគួរឲ្យភ្ញាក់ផ្អើលនោះទេ ប៉ុន្តែការសួរ និងពិភាក្សាអំពីអ្វីដែលអ្នកដទៃចង់បានជាអំណោយគឺពិតជាសំខាន់បំផុត។ ជាច្រើនដង អ្នកដែលបានទទួលវា ថែមទាំងចូលចិត្តវា ព្រោះគេមិននឹកស្មានថា យើងនឹងទិញអ្វីដែលគេនិយាយឬចង់បានមកជាយូរហើយ។

៣ ស្វែងរកអំណោយដែលផ្តល់បទពិសោធន៍ដល់អ្នកដទៃ

មិនថាអំនោយនោះជាសំបុត្រស្នាក់នៅកន្លែងប្លែកៗ, ទៅញ៉ាំអាហារឆ្ងាញ់ៗ , ភេសជ្ជៈដែលអាចសាកល្បងទទួលទានជាមួយគ្នា ធ្វើដំណើរទៅសួនសត្វ , ភោជនីយដ្ឋានលើដំបូលឬSkybar, អំណោយទាំងនោះសុទ្ធតែមានតម្លៃនិងបទពិសោធន៍ដល់ជីវិត។ ចូរចងចាំថា លុយផ្ដល់សុភមង្គលតិចជាងបទពិសោធន៍ថ្មី ព្យាយាមស្វែងរកអំណោយដែលផ្ដល់ឲ្យអ្នកដទៃនូវបទពិសោធន៍ក្រាស់ក្រែល ជាជាងទិញអំនោយឲ្យតែបាន។

ទោះយ៉ាងណាមិនថាអ្នកប្រគល់អំណោយនោះជាអ្វី សំខាន់បំផុតអំណោយដែលយើងចង់ជូនគេឬមនុស្សជាទីស្រលាញ់ត្រូវតែធ្វើវាអស់ពីចិត្ត។ កុំបារម្ភថាតម្លៃថ្លៃឬថោក សំខាន់គឺជាទឹកចិត្តយើងចំពោះអ្នកដែលយើងប្រគល់ឲ្យ៕

ប្រែសម្រួល៖ សាង ស្រីល័ក្ខ

ចុចអាន៖រឿងតុក្កតាឆ្កែ Courage មានប្រភពមកពីរឿងពិតគួរឲ្យខ្លាចនៅញូវម៉ិចស៉ិចកូ

Related Topics:អំណោយ