Connect with us

KPT+

ដឹងលម្អិត ថ្ងៃទទួលសញ្ញាបត្រ ម្ដាយឪពុកមកទទួលជំនួសកូន​ ជានិស្សិតឆ្នើម ក្មេងល្អក្នុងភូមិ

បានផុស

នៅ

“កូនអើយ គេមកទទួលទាំងអស់ បាត់តែកូនម៉ែ! កូនអើយ ម៉ែមកទទួលសញ្ញាបត្រឱ្យកូនហើយ! ម៉ែនឹងយកទៅធ្វើបុណ្យដាក់វាឱ្យកូន ធាអើយ…”។ នេះជាសម្ដី ម្ដាយដង្ហោយហៅវិញ្ញាណក្ខន្ធកូន ក្នុងថ្ងៃទទួលសញ្ញាបត្របរិញ្ញាបត្រ ខណៈកូនជានិស្សិសពូកែ ជាប់ចំណាត់ថ្នាក់លេខ១ ដែលត្រូវឡើងទទួលសញ្ញាបត្រផ្ទាល់ពីគណៈអធិបតី ប៉ុន្តែសាមីជនបានលាចាកលោកមុនបាត់ទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីចែក និងទទួលសញ្ញាបត្រនេះ ប្រារព្ធឡើងនៅ សាកលវិទ្យាល័យស្វាយរៀង នាថ្ងៃទី៣០ ខែមករា ឆ្នាំ២០២៣។ បណ្ដាញសង្គម បានបង្ហាញភាពក្ដុកក្ដួល និងចែករំលែកបន្តគ្នានូវរឿងគួរឱ្យអនិច្ចាមួយនេះ។ បន្ថែមពីខ្លឹមសារខ្លី​ពីម្ចាស់ Facebook ឈ្មោះ Sam Ath Houy ដែលមហាជនបានចែករំលែកបន្តគ្នានោះ “កម្ពុជាថ្មី” នឹងលម្អិតព័ត៌មាន ព្រមទាំងស្រាយចម្ងល់មហាជន ខណៈពេលដឹងការពិត ចិត្តកាន់តែសង្វេគ។

និយាយដោយសម្ដីអួលដើមកតែខំទប់ លោក នេត យ៉ឹងរដ្ឋា បានឱ្យ “កម្ពុជាថ្មី” ដឹងនៅរសៀលនេះថា លោកជាមិត្ត របស់ លោក ឆាន សន្ធា តាំងពីសាលាបឋម ដល់វិទ្យាល័យ លុះចូលសាកលវិទ្យាល័យ ទើបរៀនជំនាញផ្សេងគ្នា គឺ លោក សន្ធា រៀនគណិត ចំណែក លោកផ្ទាល់រៀនផ្នែកគ្រប់គ្រងទូទៅ។ លោក រដ្ឋា បានឱ្យដឹងបន្តថា លោក សន្ធា បានបាត់បង់ជីវិត ដោយសារខ្សែភ្លើងឆក់។

លោក នេត យ៉ឹងរដ្ឋា បញ្ជាក់ថា៖ “ឆក់នៅស្រុក ពេលសម្រាកពីការងារ។ [សន្ធា] បានទៅស្រុក ជួយជំនួសឱពុកទៅធ្វើសំណង់ផ្ទះគេ ទៅផ្សារដែក។ ទំនេរការងារ១ថ្ងៃ ក៏ទៅជួយ ហើយឱ្យឪពុកទៅធ្វើស្រូវនៅវាលស្រែ គាត់ទៅធ្វើតែម្នាក់ឯង ហើយឆក់ធ្លាក់ពីលើផ្ទះ”។

លោក នេត យ៉ឹងរដ្ឋា បានឱ្យដឹងថា នៅក្នុងភូមិអ្នកណាក៏ទទួលស្គាល់ថា លោក សន្ធា ជាមនុស្សស្លូតបូត ហើយស្គាល់ចាស់ទុំ មិនចេះដើរដូចគេ ឆ្លៀតពីពេលទំនេរការងារតែងជួយការងារឱពុកម្ដាយនៅផ្ទះ ហើយប្រឹងរៀនតាំងពីតូច។

លោក រដ្ឋា បញ្ជាក់បន្ថែមថា៖ “ដោយសារគាត់ជាកូនច្បង ការរៀនក៏ប្រឹងប្រែង ឯការងារក៏ចេះធ្វើច្រើន អ្វីក៏ចេះ ទាំងការងារស្រែចម្ការ រកត្រីសាច់ម្ហូបចេះទាំងអស់ ហើយឆ្លៀតបង្រៀនប្អូនៗទៀត”។

លោក រដ្ឋា បានឱ្យដឹងថា មុនបាត់បង់ជីវិត លោក សន្ធា បានខំស្រាវជ្រាវមេរៀនដើម្បីចូលប្រឡងការងារក្របខណ្ឌមន្ត្រីរាជការ។ លោកក៏ខំរៀនត្រៀមចូលសិក្សាថ្នាក់អនុបណ្ឌិតជាបន្ត ព្រោះលោកចង់រៀនដល់ថ្នាក់បណ្ឌិត ដើម្បីជួយលើកស្ទួយជីវភាពកិត្តិយសគ្រួសារ និងចូលរួមអភិវឌ្ឍប្រទេសជាតិ។

តាម គណនី Facebook ឈ្មោះ Sam Thavy បានរៀបរាប់ថា៖ វាជាអារម្មណ៍ខ្លោចផ្សារសោកសង្រែងបំផុតប្រសិនបើអ្នកទាំងអស់គ្នានៅក្នុងហេតុការណ៍មួយនេះ គឺនៅពេលដែលឪពុកម្តាយ និស្សិត និងជាយុវជនស្ម័គ្រចិត្តអង្គរសង្រាន្តឈរជើងនៅគោលដៅលានជល់ដំរី មកទទួលសញ្ញាបត្ររបស់កូនប្រុសជាទីស្រឡាញ់។ ជានិស្សិតដែលរៀនពូកែចំណាត់ថ្នាក់លេខ១ ថ្នាក់គណិតវិទ្យា ស្លូតបូត តស៊ូរៀនសូត្រទោះបីជីវភាពលំបាកយ៉ាងណាក្តី។ ជាតិនេះសន្ធាអាយុខ្លីចាកចេញទៅដោយបន្សល់ទុកនូវអំពើល្អជាច្រើន ជាតិក្រោយសូមប្អូនអាយុវែង។ ថ្នាក់ដឹកនាំ លោកគ្រូអ្នកគ្រូ គ្រប់គ្នាស្រក់ទឹកភ្នែក ខ្ញុំនឹកគ្រប់អនុស្សាវរីយ៍ដែលដឹកនាំ និងរួមការងារជាមួយ សន្ធា មិនថាការងារសង្ក្រាន្ត ឬការងារនៅសាកលវិទ្យាល័យស្វាយរៀង។ ធាអើយ…”។

គួរបញ្ជាក់ថា លោក ឆាន សន្ធា បានបាត់បង់ជីវិតកាលពីថ្ងៃទី៣១ ខែសីហា ឆ្នាំ២០២១។ ឪពុកម្ដាយ ជាកសិករ ហើយ ឪពុក ខំធ្វើជាងសំណង់បន្ថែមទៀត ដើម្បីរកចំណូលទប់ភាពខ្វះខាត និងទំនុកបម្រុងកូនទាំង ៦នាក់។ ទីលំនៅ ភូមិចន្រ្ទា ឃុំចន្ទ្រា ស្រុកចន្ទ្រា ខេត្តស្វាយរៀង៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

វប្បធម៌ ជំនឿ៦ នាទី មុន

រដ្ឋមន្ត្រីវប្បធម៌ ស្នើទប់ស្កាត់ការធ្វើឱ្យខូចទ្រង់ទ្រាយដើមលើបេតិកភណ្ឌ

ជីវិតកម្សាន្ដ១៦ នាទី មុន

ទំព័រហ្វេកប៊ុកហ្វេក Aum ប្រតិកម្មទៅអ្នកបង្កើតព័ត៌មានថា​ នាងមិនពេញចិត្តនឹងមនុស្សហៅថាម្តាយ

ព័ត៌មានជាតិ១៦ នាទី មុន

​តម្លៃផ្លែមៀន​ប៉ៃលិន ​បន្តមានហាងឆេងល្អ​ ២ ឆ្នាំ ជាប់គ្នា ក្រោយទទួលបានការអនុញ្ញាតនាំទៅចិន

សន្តិសុខសង្គម២៨ នាទី មុន

បុរសវ័យ៦៤ឆ្នាំ កាប់ប្រហារបុរសវ័យ៨២ឆ្នាំរបួសធ្ងន់ ដោយសារស្នេហាត្រីកោណ

ព័ត៌មានជាតិ៤០ នាទី មុន

ដើមឆ្នាំនេះ ភ្ញៀវអន្តរជាតិជាមធ្យមប្រមាណ ៣០០ នាក់ បានចេញ-ចូល ផ្សារបុរាណទួលទំពូង ក្នុងមួយថ្ងៃៗ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម