គ្នាយើងភាគច្រើនប្រហែលជានឹកឃើញសត្វអណ្ដើកមុនគេ ផ្ទុយទៅវិញអណ្ដើកមិនមែនជាសត្វអាយុវែងជាងគេបង្អស់ទេវាជាប់ចំណាត់ថ្នាក់លេខ ១២ ឯណោះ ។ ខាងក្រោមនេះទើបជាសត្វដែលមានអាយុវែងជាងគេបំផុតនៅលើលោក ៖

១. លាសសមុទ្រ Quahog អាយុ ៥០០ ឆ្នាំឡើង

លាសនេះរស់នៅមហាសមុទ្រអាត្លង់ទិកខាងជើង មានឈ្មោះហៅក្រៅថា “មីង” ព្រោះវាកើតតាំងពីឆ្នាំ ១៤៩៩ រជ្ជកាលមីងនៃប្រទេសចិន ។ យោងតាមសារមន្ទីជាតិប្រទេស Wales ក្នុងចក្រភពអង់គ្លេសបានឲ្យដឹងថា កាលពីឆ្នាំ ២០០៦ គេធ្លាប់រកឃើញលាសមីងអាយុ ៥០៧ ឆ្នាំ ។

២. ផ្កាថ្មខ្មៅ អាយុ ៤ ពាន់ឆ្នាំឡើង

គេរកឃើញផ្កាថ្មខ្មៅ​​អាយុ​ ៤,២៦៥ ​ឆ្នាំ​នៅឆ្នេរសមុទ្រហាវ៉ៃ ប៉ុន្តែការរស់នៅរបស់វាជាលទ្ធផលនៃសហការជាក្រុម ។

៣. អេប៉ុងកញ្ចក់ អាយុ ១ ម៉ឺនឆ្នាំឡើង 

យោងតាមរដ្ឋបាលមហាសមុទ្រនិងបរិយាកាសជាតិ បានឲ្យដឹងថា ពពួកនេះច្រើនរស់នៅសមុទ្រទឹកជ្រៅ ហើយមានឆ្អឹងដូចកញ្ចក់ ។ ការសិក្សាឆ្នាំ ២០១២ បានបង្ហាញថាវាជាប្រភេទ Monorhaphis chuni មានអាយុប្រហែល ១១,០០០ ឆ្នាំ។

៤. ខ្ញែសមុទ្រ Turritopsis dohrnii ជីវិតអមតៈ

Turritopsis dohrnii ជាប្រភេទខ្ញែមិនចាស់ទៅតាមអាយុដូចភាវរស់ទូទៅទេ វាមានជីវិតអមតៈលើកលែងតែត្រូវសត្វស៊ី ។ 

៥. ហាយដ្រា (HYDRA) ជីវិតអមតៈ

ហាយដ្រាផ្គុំឡើងពីស្ទីមសែលដែលបន្តបំប្លែងខ្លួន ឬក្លូន ដូច្នេះវាមិនចេះចាស់នោះទេ ប៉ុន្តែវានឹងងាប់បើសិនមានជំងឺ ឬសត្វស៊ី ៕

ប្រែសម្រួល ៖ វារី

ចុចអាន ៖ មកដឹងពីរឿងគួរឲ្យចាប់អារម្មណ៍ ១១ ចំណុចពីខ្ញែរសមុទ្រ