Connect with us

KPT+

អត្ថប្រយោជន៍នឹកស្មានមិនដល់ពី ទឹកដោះស្ដេចឃ្មុំ

បានផុស

នៅ

ទឹកដោះស្ដេចឃ្មុំគឺជា សារធាតុខាប់ដែលផលិតដោយកម្មករឃ្មុំដើម្បីចិញ្ចឹមជីវិតស្ដេចស្រី និងកូនៗរបស់ពួកគេ ។ ភាគច្រើនមនុស្សយកទឹកដោះស្ដេចឃ្មុំចម្រាញ់ធ្វើជាអាហារបំប៉នសុខភាព ឬសម្រស់ ព្រោះវាមានអត្ថប្រយោជន៍ដល់ទៅ ១២ ចំណុចដូចខាងក្រោម ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ផ្ទុកសារធាតុចិញ្ចឹមច្រើនប្រភេទ

ក្នុងទឹកដោះស្ដេចឃ្មុំមានផ្ទុកជាតិទឹក កាបូអីដ្រាត ប្រូតេអ៊ីន ខ្លាញ់ វីតាមីន B និងដានជាតិរ៉ែ ដែលអាចជាហេតុផលជំនួយសុខភាពទាំងអស់ ។

២. ជួយប្រឆាំងអុកស៊ីតកម្ម និងប្រឆាំងការរលាក

ការសិក្សាមួយចំនួនបង្ហាញថា ទឹកដោះស្ដេចឃ្មុំមានឥទ្ធិពលប្រឆាំងអុកស៊ីតកម្ម និងប្រឆាំងនឹងការរលាក ប៉ុន្តែការស្រាវជ្រាវមិនទាន់ធំទូលំទូលាយនៅឡើយទេ ។

៣. កាត់បន្ថយជំងឺបេះដូងដោយមានឥទ្ធិពលទៅលើកម្រិតកូឡេស្តេរ៉ុល

ការស្រាវជ្រាវពីសត្វនិងមនុស្សខ្លះបង្ហាញថា អាហារបំប៉នទឹកដោះស្ដេចឃ្មុំអាចកាត់បន្ថយកូឡេស្តេរ៉ុលក្នុងសរសៃឈាម ។

៤. ព្យាបាលរបួស និងជួសជុលស្បែក

ការស្រាវជ្រាវមួយចំនួនចង្អុលបង្ហាញថា ទឹកដោះស្ដេចឃ្មុំអាចបង្កើនការផលិតប្រូតេអ៊ីនដែលជួយជួសជុលជាលិកា ។

៥. ប្រូតេអ៊ីនជាក់លាក់ជួយបន្ទាបសម្ពាធឈាម

ទោះជាមានការសិក្សាមួយចំនួនរកឃើញបែបនេះក៏ដោយ ការសិក្សាបន្ថែមនៅតែចាំបាច់ដដែល ។

៦. គ្រប់គ្រងជាតិស្ករក្នុងឈាមដោយកាត់បន្ថយភាពតានតឹងអុកស៊ីតកម្ម និងការរលាក

ការសិក្សាលើសត្វបានបញ្ជាក់ថា ទឹកដោះស្ដេចឃ្មុំជួយបង្កើនភាពប្រែប្រួលអាំងស៊ុយលីន និងគ្រប់គ្រងជាតិស្ករក្នុងឈាម ។

៧. ការប្រឆាំងអុកស៊ីតកម្មអាចគាំទ្រដល់មុខងារខួរក្បាល

ចំណុចនេះគេបានធ្វើការពិសោធន៍តែលើសត្វប៉ុណ្ណោះ ចំណែកមនុស្សវិញមិនមានព័ស្តុតាងច្បាស់លាស់ទេ ។

៨. បង្កើនទឹកភ្នែក និងជួយព្យាបាលភ្នែកស្ងួត

ទឹកដោះស្ដេចឃ្មុំជួយបង្កើនទឹកភ្នែកព្យាបាលអ្នកមានជំងឺភ្នែកស្ងួត យ៉ាងណាការសិក្សាទៅលើចំណុចនេះនឹងមានបន្តទៀត ។

៩. ការពារភាពចាស់ជាងវ័យ

ការសិក្សាចំពោះសម្រស់មិនទាន់បញ្ជាក់ ១០០ ភាគរយមែន ប៉ុន្តែអាហារបំប៉នជាច្រើនបានលក់ដាច់ហូរហែ ។

១០. ជួយទ្រទ្រង់ប្រព័ន្ធភាពស៊ាំ

ការសិក្សាទៅលើសត្វបានបង្ហាញឲ្យឃើញថា ទឹកដោះស្ដេចឃ្មុំអាចជួយបង្កើនប្រព័ន្ធភាពស៊ាំ ហើយការសិក្សាចំពោះមនុស្សមិនទាន់យកជាការបានទេ ។

១១. កាត់បន្ថយការធ្វើទុក្ខដោយសារ វិធីព្យាបាលជំងឺមហារីក

ការព្យាបាលជំងឺមហារីក បង្កឲ្យអ្នកជំងឺធ្វើទុក្ខពិបាកក្នុងរាងកាយ ទើបគេប្រើទឹកដោះស្ដេចឃ្មុំដើម្បីជួយសម្រួលការរងឥទ្ធិពល ។

១២. ល្អសម្រាប់ស្ត្រីទើបនឹងអស់រដូវ

មនុស្សជាច្រើនជឿជាក់ថា ទឹកដោះស្ដេចឃ្មុំជួយដល់ស្ត្រីអស់រដូវឲ្យមានសុខភាពល្អប្រក្រតី ខណៈការសិក្សាមិនទាន់អះអាងនៅឡើយ ។

ទឹកដោះស្ដេចឃ្មុំត្រូវគេដាក់កំហិតអោយប្រើចាប់ពី ៣០០-៦,០០០ មិល្លីក្រាមក្នុងមួយថ្ងៃ តាមពិតវាមិនមានគ្រោះថ្នាក់ឡើយបើទទួលទានលើសកម្រិត លើកលែងតែអ្នកប្រើមានប្រតិកម្មជាមួយសារធាតុអ្វីម្យ៉ាងពាក់ព័ន្ធនឹងឃ្មុំប៉ុណ្ណោះ ៕

ប្រែសម្រួល ៖ វារី

ចុចអាន ៖ អត្ថប្រយោជន៍ដ៏គួរឱ្យភ្ញាក់ផ្អើល ៦ យ៉ាង នៃសាប៊ូដុំទឹកដោះពពែ

ចុចអាន ៖ មកដឹងពីអត្ថប្រយោជន៍ដ៏ច្រើនសន្ធឹករបស់បាយអូទីន ឬវីតាមីន H

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម