KPT+
វិធី ៧ របៀប ក្នុងការប្រើប្រាស់កាកកាហ្វេម្ដងទៀត
ជារៀងរាល់ព្រឹក បន្ទាប់ពីឆុងកាហ្វេទទួលទានរួច កាហ្វេដែលនៅសេសសល់ភាគច្រើនគេយកទៅបោះចោលជានិច្ច ។ កាកហ្វេផ្ដល់អត្ថប្រយោជន៍ច្រើនណាស់សម្រាប់យើង ដូច្នេះក្រៅពីយកទៅចោលអ្នកអាចយកវាទៅប្រើដូចជា ៖
១. កម្ចាត់ក្លិនអាក្រក់
ដាក់កាហ្វេដែលទើបតែឆុងរួចថ្មីៗនៅក្នុងបន្ទប់ បន្ទប់ទឹក និងរថយន្តជាដើម ។ ក្លិនកាហ្វេដ៏ឈ្ងុយនឹងយកឈ្នះក្លិនអាក្រក់ទាំងឡាយជាពិសេសជួយឲ្យអារម្មណ៍អ្នកហិតស្រស់ស្រាយផងដែរ ។
២. សម្អាតឧបករណ៍ផ្ទះបាយ
មុនប្រើយកកាកកាហ្វេលាយនឹងសាប៊ូក្នុងបរិមាណល្មមសឹមយកទៅប្រើដុសសម្ភារៈផ្ទះបាយ ប៉ុន្តែលើកលែងវត្ថុប្រហោងៗព្រោះកាហ្វេអាចធ្វើឲ្យប្រឡាក់ជាប់ពណ៌ ។
៣. ដាក់ក្នុងផើងផ្កា
ដីកាហ្វេគឺជាប្រភពអាសូតដ៏ល្អសម្រាប់ការធ្វើជីកំប៉ុស ជំនួយការដាំរុក្ខជាតិក្នុងបរិយាកាសខុសពីធម្មជាតិដូចជា ផើងធ្វើពីផ្លាស្ទិច និងសម្ភារៈសំយោគផ្សេងទៀតឲ្យលូតលាស់ល្អដូចដុះក្នុងធម្មជាតិ ។
៤. ធ្វើជាជីកំប៉ុស
កុំប្រើកាកកាហ្វេផ្ទាល់ទៅលើរុក្ខជាតិ មុននឹងប្រើជាជី យើងត្រូវទុកឲ្យរលួសសិន ។ មូលហេតុដែលមិនអាចប្រើភ្លាមបាននោះគឺដោយសារ “កំដៅមានក្នុងដំណើរការរលួយអាចបំផ្លាញឫសរុក្ខជាតិ” ។
៥. ការពារសត្វល្អិត
សមាសធាតុមួយចំនួនដែលមាននៅក្នុងកាហ្វេដូចជា ជាតិកាហ្វេអ៊ីន និងឌីទែប៉េនអាចមានជាតិពុលខ្ពស់ចំពោះសត្វល្អិត ។ ពួកវាមានប្រសិទ្ធភាពក្នុងការទប់ស្កាត់មូស រុយផ្លែឈើ និងសត្វល្អិតផ្សេងៗទៀត ។
៦. កម្ចាត់ចៃពីសត្វចិញ្ចឹម
បន្ទាប់ពីមុជទឹកដុសសាប៊ូហើយ អ្នកអាចយកកាកកាហ្វេមកត្រដុសនៅរោមសត្វចិញ្ចឹមដើម្បីបំបាត់ចៃរួចលាងទឹកចេញទុកឲ្យស្ងួតជាការស្រេច ។
៧. ខាត់ស្បែក
អ្នកត្រូវការគ្រឿងផ្សំដូចជា កាកកាហ្វេ អំបិលស្ប៉ា អំពិលទុំ ប្រេងស្បែក ទឹកដោះគោបន្តិច និងដាក់ក្រូចតាមចិត្តចង់ ។ កូរល្បាយឲ្យសព្វយកមកត្រដុសស្បែក ៥-១៥នាទី ចាំលាងទឹកចេញ នោះអ្នកនឹងទទួលបានស្បែកដ៏ទន់ភ្លឺរលោងពីធម្មជាតិដោយគ្មានការព្រួយបារម្មណ៍រឿងផលប៉ះពាល់ ៕
ប្រែសម្រួលដោយ ៖ វារី
ចុចអាន ៖ ចូលចិត្តផឹកកាហ្វេច្រើនពែងក្នុងមួយថ្ងៃ នឹងបង្កើនហានិភ័យនៃជំងឺវង្វេង
ចុចអាន ៖ កាហ្វេ និង តែបៃតង មួយណាមានជាតិកាហ្វេអ៊ីនតិច ហើយល្អដល់សុខភាព?
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ