KPT+
ស្ត្រីពពោះគ្រប់ខែ ចេញពីការិយាល័យបោះឆ្នោត សម្រាលបានកូនស្រីមួយ
អ្នកស្រី ញ៉ ម៉ារី អាយុ ២៣ ឆ្នាំ មានផ្ទៃពោះជិតសម្រាល បានខិតខំព្យាយាមទៅបោះឆ្នោត ដើម្បីបំពេញកាតព្វកិច្ចជាពលរដ្ឋល្អ តបតាមព្រះរាជអំពាវនាវរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសេចក្តីអំពាវនាវរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី។
អ្នកស្រី ញ៉ ម៉ារី ដែលកំពុងពពោះជិតដល់ថ្ងៃខែសម្រាលកូន បានជួលរថយន្តត្រៀមសម្រាប់ទៅសម្រាលនៅមន្ទីរពេទ្យខេត្តកំពង់ឆ្នាំង ដោយមានឆន្ទៈជាពលរដ្ឋខ្មែរ។ អ្នកស្រី បានអញ្ជើញទៅចូលរួមការបោះឆ្នោតជ្រើសតាំងតំណាងរាស្រ្ត នីតិកាលទី៧ នៅការិយាល័យបោះឆ្នោត លេខ ០៣៦៤ នៅវិហារប្រវឹកពង នាវេលាម៉ោង ១០:៣០ នាទីព្រឹក ថ្ងៃទី២៣ ខែកក្កដា ឆ្នាំ២០២៣ ក្នុងឃុំសែប ស្រុកំពង់ត្រឡាច ខេត្តកំពង់ឆ្នាំង ដើម្បីជ្រើសរើសនូវមេដឹកនាំដែលខ្លួនស្រឡាញ់ពេញចិត្ត។
បន្ទាប់ពីធ្វើការបោះឆ្នោតរួច អ្នកស្រីបានធ្វើដំណើរទៅដល់មន្ទីរពេទ្យ ដោយសម្រាលបានកូនស្រីមួយ នៅវេលាម៉ោង ៣ និង៣០ នាទីរសៀល និងបានដាក់ឈ្មោះថា យូ សុះកក្កដា។ ប្តីអ្នកស្រីឈ្មោះ កុប យូសុះ អាយុ ២៣ឆ្នាំ ពួកគេមានទីលំនៅក្នុងភូមិប្រវឹកពង ឃុំសែប ស្រុកកំពង់ត្រឡាច ខេត្តកំពង់ឆ្នាំង។
ការទៅចូលរួមបោះឆ្នោតរបស់អ្នកស្រី ញ៉ ម៉ារី មិនមានការបង្ខិតបង្ខំ ញុះញង់ គំរាមកំហែងពីសំណាក់ក្រុមអ្នកនយោបាយណាមួយឡើយ ផ្ទុយទៅវិញទង្វើនេះបង្ហាញឱ្យឃើញថា ប្រជាពលរដ្ឋខ្មែរដែលមានអាយុគ្រប់ទៅបោះឆ្នោត និងមានឈ្មោះក្នុងបញ្ជីឈ្មោះបោះឆ្នោត ត្រូវតែបង្ហាញសិទ្ធិជ្រើសរើសតំណាងរបស់ខ្លួន ដើម្បីដឹកនាំអភិវឌ្ឍប្រទេសជាតិជានិរន្តរ៍៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត