KPT+
សម្រង់សម្ដីលើកទឹកចិត្តទាំង១០ ពីតារាចម្រៀង Beyonce
Beyonce មានកេរ្តិ៍ឈ្មោះល្បីតាំងពីអំឡុងទសវត្សទី ៩០ ក្នុងនាមជាតារាចម្រៀងនាំមុខមួយរូបរបស់ពិភពលោក។
ក្រៅពីអាជីពជាអ្នកចម្រៀង ម្ចាស់បទ Halo ជាអ្នកនិពន្ធ តន្ត្រីការិនី និងក៏ជាអ្នកសម្ដែងដែលអាចរកចំណូលបានពីសិល្បៈផ្សេងៗ ហាងសម្លៀកបំពាក់ផ្ទាល់ខ្លួន ចំណូលពីការលក់អាល់ប៊ុមចម្រៀងរាប់លានកម្មសិទ្ធិបញ្ញានៅទូទាំងពិភពលោក និងការប្រគុំតន្ត្រីនានា រហូតជំរុញតារាស្រីវ័យ ៤០ ឆ្នាំរូបនេះ មានទ្រព្យសម្បត្តិប្រមាណជាង ៣០០ លានដុល្លារហើយ។
Beyonce ជាតារាសិល្បការិនីជនជាតិដើមអាហ្វ្រិកដ៏ល្បីល្បាញ និងមានឥទ្ធិពលមួយរូប ដែលសម្ដីរបស់នាងមួយចំនួនត្រូវបានគេយកទៅសិក្សារៀនសូត្រ។
ថ្ងៃនេះ KPT Plus សូមលើកយកសម្រង់ឃ្លាដែលលើកទឹកចិត្តទាំង ១០ មកជូនមិត្តអ្នកអានដូចខាងក្រោម៖
១. នៅពេលមនុស្សចេះស្រឡាញ់និងទទួលយកខ្លួនឯង ដឹងខ្លួនជានរណា គួរយកចិត្តទុកដាក់ជាមួយអ្នកណា និងតែងតែរៀនពីកំហុសរបស់ខ្លួន គេនោះនឹងឈប់ខ្វល់ថាអ្នកដទៃគិតអ្វីមកលើខ្លួនទៀតហើយ។
២. នៅពេលមនុស្សស្រីព្រងើយកន្តើយនឹងបុរសម្នាក់ មានន័យថា គេចាញ់នាង ប៉ុន្តែនៅពេលនាងសម្ដែងការចូលចិត្តទៅកាន់គេ ប្រុសៗទាំងនោះលែងចាប់អារម្មណ៍នាងទៀតហើយ។
៣. ថាមពល មានន័យថា សុភមង្គល ហើយ ថាមពលគឺជាការខិតខំនិងលះបង់។ ដូច្នេះដើម្បីទទួលបានសុភមង្គល ចាំបាច់ត្រូវខិតខំហើយលះបង់។
៤. ខ្ញុំតែងតែព្យាយាមធ្វើជាខ្លួនឯង!។ ខ្ញុំចាប់ផ្តើមឡើងលើឆាកច្រៀងតាំងពីខ្ញុំនៅក្មេង ហើយខ្ញុំពិតជាអាចបំបែកឧបសគ្គដែលរុំព័ទ្ធខ្លួនបានពិតមែន។
៥. ខ្ញុំតែងតែប្រើភាពអវិជ្ជមានដើម្បីជំរុញឲ្យមានការផ្លាស់ប្តូរទៅជាខ្ញុំដែលប្រសើរជាងមុន។
៦. ខ្ញុំស្រឡាញ់ការងាររបស់ខ្ញុំ ប៉ុន្តែលើសពីនោះទៀត ខ្ញុំពិតជាត្រូវការងារ។
៧. យើងទាំងអស់គ្នាមានក្ដីប្រាថ្នា ហើយគ្រប់គ្នាសុទ្ធតែមានចំណុចខ្លាំងដើម្បីសម្រេចប្រាថ្នារបស់ខ្លួន។
៨. យើងទាំងអស់គ្នាមានចន្លោះខ្វះខាតរៀងខ្លួន ព្រោះយើងជាមនុស្ស។ ហេតុនេះត្រូវផ្តោតទៅលើគុណសម្បត្ដិផ្សេងដែលខ្លួនមាន ជាជាងគិតលើរូបសម្រស់ខាងក្រៅ។
៩. មានពេលខ្លះគ្រប់គ្នាបរាជ័យ នោះជាការពិតមួយមិនអាចប្រកែក។
១០. ខ្ញុំយកចិត្តទុកដាក់បំផុតលើសិល្បៈ ព្រោះជាអ្វីដែលខ្ញុំចូលចិត្តធ្វើ។ ទោះធ្វើអ្វីក៏ដោយ ខ្ញុំតែងតែនាំយកចិត្តស្រឡាញ់ទៅជាមួយ ហើយអ្វីដែលខ្ញុំមិនជឿ ខ្ញុំរមែងបដិសេធវា៕
ប្រែសម្រួល៖ សន្យា
ប្រភព៖ Wealthy Gorilla
ចុចអាន៖ ខុសគ្នាច្បាស់ដូចថ្ងៃ រវាងផ្នត់គំនិត អ្នកក្រនិងអ្នកមាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង