KPT+

រឿងអប់រំ “កុំមើលងាយនរណាម្នាក់” បង្កប់អត្ថន័យចាក់ដោត

បានផុស

២ years មុន

នៅ

ថ្ងៃពុធ ១៤ កុម្ភៈ ២០២៤

ដោយ

បុរសក្រីក្រម្នាក់បានស្រលាញ់នារីដែលជាកូនអ្នកមានស្តុកស្តម្ភម្នាក់ ហើយគាត់ក៏បានសម្រេចចិត្តសារភាពទៅកាន់នារីម្នាក់នោះ ។ បន្ទាប់មកនារីដែលជាកូនអ្នកមាននិយាយថា “សូមស្តាប់ណា ប្រាក់ខែរបស់លោកមួយខែៗមិនស្មើនឹងការចំណាយរាល់ថ្ងៃរបស់ខ្ញុំមួយថ្ងៃផងតើឲ្យខ្ញុំទៅស្រលាញ់លោកម៉េចនឹងកើតទៅ?” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសនោះបន្តថា ខ្ញុំមិនដែលស្មានសោះ អ្នកនាងគិតបែបនេះទេ អ៊ីចឹងសូមចាត់ទុកថា ខ្ញុំមិនបាននិយាយអ្វីទៅចុះ ហើយជូនពរអ្នកនាងរៀបការជាមួយនរណាម្នាក់ដែលស័ក្តិសមនឹងអ្នកនាង ។ ទោះជាយ៉ាងណាក៏ដោយ ក៏បុរសម្នាក់នោះមិនអាចបំភ្លេចនាងដោយងាយៗបានដែរ ។

១០ ឆ្នាំក្រោយមក ពួកគេទាំង ២ ក៏បានជួបគ្នានៅផ្សារទំនើបមួយកន្លែង ។ នារីកូនអ្នកមានក៏និយាយម្តងទៀតថា “យ៉ាងម៉េចហើយ តើលោកសុខសប្បាយទេ? ឥលូវនេះខ្ញុំបានរៀបការរួចហើយ ហើយថា លោកដឹងទេប្តីរបស់ខ្ញុំរកចំណូលបានប៉ុន្មានក្នុងមួយខែ? គឺគាត់រកបានដល់ទៅ ១៥,៧០០ ដុល្លារឯណោះក្នុងមួយខែ ។ តើលោកជឿទេ ហើយគាត់ជាមនុស្សប្រុសម្នាក់ដែលឆ្លាតណាស់” ។

ភ្នែករបស់បុរសក្រីក្រដក់ទៅដោយទឹកភ្នែក បន្ទាប់ពីបានឮសំដីរបស់នារីម្នាក់នោះ។ ប៉ុន្មាននាទីក្រោយមក ប្តីរបស់នាងក៏បានមកដល់ហើយមុនពេលដែលនាងបម្រុងនឹងណែនាំប្តីរបស់នាងទៅបុរសក្រីក្រនោះ ប្តីរបស់នាងក៏បានឃើញបុរសនោះមុន ហើយក៏និយាយទីកាន់គាត់ថា៖ “អូ លោកមកទីនេះដែរឬ” ។

បន្ទាប់មក គាត់ក៏បាននិយាយទៅកាន់ប្រពន្ធគាត់ថា៖ “នេះជាចៅហ្វាយរបស់បង ហើយបងជាមនុស្សម្នាក់ដែលកំពុងធ្វើការឲ្យគាត់ទៅលើគម្រោង ១០០ លានរបស់គាត់។ ហើយអូនដឹងទេ គាត់នៅលីវនៅឡើយទេ ព្រោះនៅចាំនារីដែលគាត់ស្រលាញ់ មិនដឹងថានារីដែលបានគាត់ជាស្វាមីមានសំណាងប៉ុណ្ណាទេ!” ។ នារីម្នាក់នោះហាក់ដូចជារន្ធត់ខ្លាំង ហើយមិនអាចនិយាយអ្វីបានទាំងអស់។

គំនិតអប់រំក្នុងរឿង៖ ជីវិតខ្លីណាស់ហើយវាប្រៀបបានដូចជាកញ្ចក់មួយ។ អ្នកអាចមើលឃើញតែអ្វីដែលវាបង្ហាញតែប៉ុណ្ណោះ ដូច្នេះហើយសូមកុំឆាប់មានអំណួតលើខ្លួនឯង ហើយមើលងាយលើនរណាម្នាក់ ដោយគ្រាន់តែឃើញស្ថានភាពបច្ចុប្បន្នរបស់គេ ។ អ្វីៗគ្រប់យ៉ាងអាចផ្លាស់ប្តូរដូចជា អាកាសធាតុដូច្នោះដែរ ។ សូមកុំប្រមាថមើលងាយនរណាម្នាក់ ព្រោះថាគេមានរឿងរ៉ាវក្នុងជីវិតខុសៗគ្នា៕

ដោយ៖ មាន រតនា

Related Topics:រឿងអប់រំ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា