KPT+

ទោះមិនទាន់មានគូ តែយើងអាចនៅ «លីវ» យ៉ាងរីករាយតាមរបៀបទាំងនេះ

បានផុស

៣ years មុន

នៅ

ថ្ងៃពុធ ១៧ កុម្ភៈ ២០២១

ដោយ

នរណាថា អ្នក Single គឺឯកោ? នរណាថា ការនៅ Single យូរ ជារឿងមិនល្អ? តាមពិត អ្នក Single គឺមានពេលវេលាច្រើនសម្រាប់ខ្លួនឯង និងថែមទាំងអាចធ្វើអ្វីក៏បាន ដោយមិនចាំបាច់តាមយកចិត្តយកថ្លើមនរណាទៀត។

ទោះបីពេលនេះយើងមិនទាន់រកឃើញអ្នកយល់ចិត្តធ្វើជាដៃគូជីវិតក៏ដោយ តែយើងក៏អាចរស់នៅតាមរបៀបខ្លួនឯងបានយ៉ាងមានក្ដីសុខដែរ។

១. ថែទាំខ្លួន និងធ្វើរឿងល្អ៖ ទោះមិនមានអ្នកណាស្រឡាញ់ក៏ដោយ យើងមិនត្រូវភ្លេច ស្រឡាញ់ខ្លួនឯងទេ ហើយត្រូវបន្តធ្វើរឿងល្អៗជានិច្ច។ ញ៉ាំអាហារសុខភាព ធ្វើលំហាត់ប្រាណ និងគេងឲ្យបានគ្រប់គ្រាន់ សុទ្ធតែជារឿងធ្វើឲ្យខ្លួនឯងមានសុខភាពល្អហើយសប្បាយរីករាយ។ ធ្វើខ្លួនឲ្យល្អគ្រប់ពេល ដោយមិនឈឺក្បាលនឹងរឿងអ្នកដទៃ មិនយករឿងអំពល់ចិត្តមករំខានជីវិត សុទ្ធតែជាទង្វើដែលអ្នកដទៃឃើញហើយក៏ប្រាថ្នាចង់បានដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. ធ្វើអ្វីតែម្នាក់ឯងក៏បាន៖ មានបុរសនារី Single មួយចំនួនមិនសូវហ៊ានធ្វើអ្វី ឬទៅណាមកណាតែម្នាក់ឯងណាស់ ព្រោះខ្លាចកាន់តែឯកាលើសដើម។ ប៉ុន្តែយើងអាចធ្វើទាំងនេះរឿងបាន ព្រោះយើងកំពុងបញ្ជាក់ថា ខ្លួនឯងក្លាហានជាងមុន រឹងមាំជាងមុន និងគិតគូបានល្អជាងមុន។ មនុស្សគ្រប់គ្នានឹងមើលមកយើងជាមនុស្សពូកែ មិនរញ៉េរញ៉ៃច្រើនដោយសារយើងអាចធ្វើរឿងជាច្រើនម្នាក់ឯង ដោយមិនបាច់រង់ចាំទាល់តែមានគ្នា ទើបធ្វើវាបាននោះឡើយ។

៣. យកបេះដូងទៅធ្វើការ៖ ចំណាយពេលឲ្យបានច្រើនលើការងារ ហើយបំពេញឲ្យបានម៉ត់ចត់ និងមានទំនួលខុសត្រូវខ្ពស់។ នៅពេលយើងធ្វើការអ្វីមួយសម្រេចព្រមទាំងមានលទ្ធផលល្អ វាជារឿងមួយជោគជ័យបំផុត ហើយវាក៏ជាថាមពលផ្លូវចិត្តមួយ ធ្វើឲ្យយើងកាន់តែមានតម្លៃក្នុងក្រសែភ្នែកមិត្តរួមការងារ ព្រមទាំងចៅហ្វាយនាយផងដែរ។

៤. ដើរលេងជាមួយមិត្តភក្ដិ៖ អត់សង្សារអត់មានបញ្ហានោះទេ តែបើគ្មានមិត្តភក្ដិទើបជាបញ្ហា។ ហេតុនេះក្រៅពីឲ្យពេលវេលាសម្រាប់ខ្លួនឯង និងគ្រួសារហើយ យើងក៏គួរឆ្លៀតពេលដើរលេងលំហែរជាមួយមិត្តភក្តិខ្លះៗដែរ។ បបួលមិត្តភក្កិដែល Single ដូចគ្នា ហើយស្លៀកពាក់ឈុតដូចគ្នា ទៅកន្លែងណាដែលចង់ទៅបំផុត ថតរូបស្អាតៗ វានឹងធ្វើឲ្យយើងកាន់តែសប្បាយរីករាយ។

៥. កុំរស់ត្រាប់តាមអ្នកដទៃ ៖ រស់នៅជាខ្លួនឯង កុំលាក់ចរិត ហើយខំត្រាប់តាមអ្នកដទៃទាំងមានសម្ពាធផ្លូវចិត្តឲ្យសោះ។ បើយើងគិតថាធ្វើអ្វីល្អ មិនបង្ករបញ្ហាដល់មនុស្សជុំវិញខ្លួន ធ្វើរឿងនោះទៅ កុំខ្លាចគេថាបែបនេះបែបនោះ រហូតលែងជាខ្លួនឯងទៀត។ នៅពេលយើងរស់នៅជាខ្លួនយើង យើងធ្វើអ្វីក៏នឹងមិនឆ្គង មិនបាច់ខំប្រឹងសម្ដែង ព្រោះបានធ្វើអ្វីដែលជាចរិតពិត និងធ្វើតាមអ្វីដែលយើងស្រឡាញ់។ មនុស្សជុំវិញនឹងងាយស្រួលសម្របខ្លួនជាមួយយើង ព្រោះយើងមិន Fake ឲ្យតែល្អមើលចំពោះមុខគេនោះទេ៕