KPT+
ទំនាក់ទំនងស្នេហាមិនកុហកគ្នា នាំមកនូវជីវិតដ៏មានគុណភាព
ការស្ទង់មតិលើប្រជាជនអាមេរិកជាង ២០.០០០ នាក់ដែលមានអាយុចាប់ពី ១៨ ឆ្នាំឡើងទៅនិង ជប៉ុន១០០០០នាក់ ចាប់ពី៣០ឆ្នាំឡើងទៅ ទិន្នន័យបង្ហាញថា៤៣ ភាគរយយល់ថាទំនាក់ទំនងស្នេហារបស់ពួកគេលេងសើចនិងគ្មានតម្លៃ ៧៧ភាគរយទៀត យល់ថា ជីវិតមានន័យយ៉ាងណាក៏ទៅមិនរួចពេលដែលជីវិតឯកជនសាបឈឹងមិនមានអត្ថន័យ។
តួលេខទាំងនេះមិនបានកុហកទេគឺកំពុងប្រាប់ថា មនុស្សម្នាក់ៗបានតស៊ូក្នុងការស្វែងរកដៃគូល្អ ដែលគេពិតជាយកចិត្តទុកដាក់ហើយគេចង់មានអ្នកនោះមិនថាពេលលំបាកឬស្រណុកនៃជីវិត ។
ចង់មានទំនាក់ទំនងល្អមួយ ឬជីវិតរៀបការល្អមួយទាមទារ៖
១ អាជីពនិងវិជ្ជាជីវៈច្បាស់លាស់
មនុស្សច្រឡំថាពេលគ្រួសារនាំមុខគេបោះចោលអាជីពតាមដំណើរ។ ត្រូវដឹងថាពេលយើងក្លាយជាមនុស្សអន់ខ្សោយផ្នែកវិជ្ជាជីវៈ គ្មានអ្នកណាចង់បោះជំហានទៅមុខក្នុងជីវិតបន្តជាដៃគូយើងទេ មិនថាស្រីឬប្រុសឡើយតម្លៃយើងគឺស្ថិតលើវិជ្ជាជីវៈ។ ត្បិតតែការងារមិនធានាថានឹងរកមកឲ្យយើងនូវទំនាក់ទំនងស្នេហារឹងមាំមួយបាន តែបើគ្មានវា ពោលគ្មានការងារ គ្មានវិជ្ជាជីវៈ ទំនាក់ទំនងយើងធានាថាសូន្យដូចគ្នា។
២ មានភាពស្មោះត្រង់
មនុស្សដែលចាប់គូអាពាហ៍ពិពាហ៍ព្រោះសម្លឹងប្រយោជន៍ថ្ងៃណាមួយនឹងបណ្តោយជីវិតឲ្យធ្លាក់រណ្តៅ ព្រោះថា ក្នុងលោកនេះ ភាពក្លែងក្លាយជាអពមង្គល។ ភាពស្មោះត្រង់ស្មោះត្រង់លើកកម្ពស់ភាពបើកចំហ ផ្តល់អំណាចដល់យើង និងជួយយើងឲ្យមានភាពស៊ីសង្វាក់គ្នាក្នុងរបៀប ដែលអាចបង្ហាញការពិតបាន។
៣ កុំលោភលន់
មនុស្សមានដៃគូច្រើនឬ ចង់បានលទ្ធផលលើសគេឯងតែងតែចង់បានជាតួឯកឬលេខមួយ លើកំពូលតារាង គឺមិនដែលមានទំនាក់ទំនងល្អឡើយមិនថាក្នុងសង្គម ឬរឿងស្នេហា។ មនុស្សដែលមានគំនិតធម្មតាៗ ចំណង់សាមញ្ញៗ មានភាគរយទទួលបានចំណងស្នេហារឹងមាំជាងមនុស្សអួតអាងនិងលោភលន់។ ច្បាស់ណាស់មហិច្ឆតាគឺល្អសម្រាប់ការលើកទឹកចិត្តមនុស្សឲ្យចេះតស៊ូ និងលះបង់ បើគ្មានមហិច្ឆិតាទេអ្នកណាក៏នឹងមិនចាប់ផ្តើមអាជីវកម្មផ្ទាល់ខ្លួនឬសំរេចគោលដៅជីវិតវែងឆ្ងាយទាំងអស់។ ប៉ុន្តែមហិច្ឆតាដែលលើសអាចបង្កគ្រោះថ្នាក់ផប្រឈមនឹងការក្រហល់ក្រហាយ រឹងចចេសនិងសូម្បីតែអាយុខ្លីព្រោះមិនដែលមានសុខុមាលភាពអ្វីនឹងគេ។
៤ ចេះចែករំលែក
មនុស្សចិត្តជួរកំណាញ់នឹងនៅឯកោម្នាក់ឯង កុំថាឡើយមានជីវិតទំនាក់ទំនងល្អ សូម្បីទទួលបានការគោរពឲ្យតម្លៃក្នុងសង្គមក៏គ្មានផង។ ការចែករំលែកក៏ជួយបង្កើតការជឿទុកចិត្តដែលជាតម្រូវការសម្រាប់សុវត្ថិភាពនិងសុភមង្គល។ នៅពេលយើងចែករំលែកអារម្មណ៍ល្អ ចែកចំណេះដឹង ចែកទ្រព្យសម្បត្តិទំនាក់ទំនងនៃការទុកចិត្តភាគច្រើនហូរត្រឡប់មកវិញហើយជួយឲ្យយើងមានអារម្មណ៍ថាមានសុវត្ថិភាពនិងរីករាយ៕
ប្រែសម្រួល៖ សុភា
ប្រភព ៖StarMind
ចុចអាន៖ទង្វើសាមញ្ញៗ ៤ យ៉ាងនេះអាចប្រយុទ្ធប្រឆាំងនឹងភាពតានតឹងផ្លូវចិត្ត
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន