KPT+
ឃុំខ្លួនក្នុងភាពឯកាហួសហេតុពេក អាចវិវត្តជាជំងឺផ្លូវចិត្តធ្ងន់ធ្ងរបាន
អារម្មណ៍កណ្ដោចកណ្ដែង នរណាក៏ធ្លាប់ជួបប្រទះ តែប្រភេទនៃភាពឯកោមានកម្រិតខុសគ្នា។ កាលណាសង្កេតឃើញ សញ្ញាទាំង ៥ ដូចខាងក្រោមនេះ នោះបង្ហាញថាអ្នកកំពុងស្ថិតក្នុងភាពឯកាខ្លាំងបំផុតហើយ!
១. គ្មានអារម្មណ៍លេងសើច
ក្លាយជាមនុស្សដែលតក់ម៉ក់ទុយមុយ លែងចង់លេងសើចជាមួយអ្នកណា ហើយសូម្បីតែមើលរឿងកំប្លែងក៏មិនខ្ចីសើចផង។ ក្នុងខ្លួនចេះតែកើតអារម្មណ៍ស្រងេះស្រងោច ទោះបីពេលខ្លះត្រូវសើច ក៏សើចហាក់បង្ខំខ្លួនដែរ។
២. មិនចង់ញ៉ាំអ្វីទាំងអស់
រាងកាយរមែងត្រូវការអាហារដើម្បីចម្អែត ប៉ុន្តែនៅពេលម្ចាស់សាមីចាប់ផ្ដើមចាក់សោរខ្លួនឯងក្នុងភាពឯកោ មាត់ចេះតែប្រឆាំងជាមួយក្រពះមិនចង់ទទួលអ្វីចូលពោះសោះ។ ជួនកាលញ៉ាំអាហារទាំងមិនមានចំណង់ ញ៉ាំឲ្យតែបានញ៉ាំ មិនដឹងរសជាតិនៅឯណាឯណីទេ។
៣. មិនរំភើបនឹងរឿងរ៉ាវនានា
កុំថាឡើយ រឿងតូចឬធំប៉ុនភ្នំក៏ដោយ បែរជាគ្មានអារម្មណ៍រំជួលទាំងអស់។ ក្នុងចិត្តដូចជាទទេស្អាត ចង់មានអ្នកណាសើច ក៏សើចតែគេទៅ ហើយទោះមានអ្នកណាយំក៏មិនខ្វល់ដែរ។
៤. មិនចាប់អារម្មណ៍សូម្បីមនុស្សជាទីស្រឡាញ់
នេះជាដំណាក់កាលមួយពិបាកស្រោចស្រង់ ព្រោះសូម្បីមនុស្សដែលខ្លួនស្រឡាញ់ខ្លាំង ក៏លែងចង់ខ្វល់ជាមួយដែរ។ និយាយអ្វីជាមួយក៏ធ្វើធម្មតាៗ ទាំងក្នុងចិត្តឯកាសឹងស្លាប់ តែបែរមិនចាប់អារម្មណ៍នៅពេលមានការលើកចិត្តម្ដងៗ។
៥. ឃុំខ្លួននៅក្នុងបន្ទប់ងងឹតនិងស្ងាត់
យប់មិនទាន់ បិទទ្វារបិទបង្អួច ពន្លត់ភ្លើង នៅតែម្នាក់ឯង។ ពេលថ្ងៃក៏មិនចង់ចេញក្រៅ សំងំតែក្នុងបន្ទប់ស្ងាត់ ជួនពេលខ្លះចូលទៅសំកុកក្នុងបន្ទប់ទឹកយូរម៉ោងតែឯង។ ទូរសព្ទក៏មិនចង់និយាយ សៀវភៅក៏មិនចង់អាន វីដេអូអីក៏ធុញទ្រាន់ ចង់រំសាយអារម្មណ៍តែលតោល តែក៏មិនដឹងថា ធ្វើអ្វីឲ្យខ្លួនឯងសប្បាយចិត្ត។ និយាយទៅខ្លួនឯង មិនយល់ពីខ្លួនឯង គ្រាន់តែដឹងធុញៗម៉េចមិនដឹង។
តើគួរដោះស្រាយបែបណា ទើបជាវិធីល្អ? ស្ថានភាពបែបនេះ មិនត្រឹមតែចាត់ចូលការឃុំខ្លួនក្នុងភាពឯកាប៉ុណ្ណោះទេ តែអ្នកកំពុងឈានដល់ដំណាក់កាលរោគសញ្ញាជំងឺធ្លាក់ទឹកចិត្ត។ អ្នកជំនាញចិត្តសាស្ត្រណែនាំឲ្យទៅជួបប្រឹក្សាជាមួយគ្រូពេទ្យផ្លូវចិត្តដើម្បីសុំយោបល់។ មួយវិញទៀត បើដឹងថាខ្លួន កំពុងឯកោត្រូវចូលរួមជាមួយសង្គមឲ្យបានច្រើន រឹតតែតែលតោលប៉ុនណា រឹតតែមានចំណងជាមួយមិត្តឲ្យកាន់ច្រើនទ្វេរដងដូចគ្នា៕
ប្រែសម្រួល៖ សន្យា
ប្រភព៖ Healthline
ចុចអាន៖ វិធីជួយស្វាមី ឬភរិយាយើងដែលកំពុងកើត Depression ធ្ងន់ធ្ងរ
ចុចអាន៖ រៀបចំមិនត្រឹមត្រូវ ផ្ទះនឹងក្លាយជាកន្លែងបង្កជំងឺធ្លាក់ទឹកចិត្ត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត