Connect with us

KPT+

ផលប៉ះពាល់ ៣ ធំៗចំពោះកុមារអំឡុងបិទទ្វារសាលាក្នុងវិបត្តិកូវីដ-១៩

បានផុស

នៅ

រោគរាតត្បាតពាសពេញពិភពលោក បានបង្ខំឱ្យសាលារៀននានាត្រូវបិទទ្វារ ដើម្បីទប់ស្ងាត់ការឆ្លងរាលដាលកាន់តែធំទៅ។ ទន្ទឹមនឹងការបិទទ្វារសាលា សុវត្ថិភាពចំពោះក្មេង ត្រូវបានការពាប្រសើរឡើង ប៉ុន្តែសិស្សរាប់លាននាក់បាននិងរងផលប៉ះពាល់ទាំងលើជីវភាព សុខភាព ព្រមទាំងការអប់រំរបស់ពួកគេ។

ការបន្ដបិទសាលារៀនមានផលវិបាករយៈពេលវែងក្នុងកម្រិតធ្ងន់ធ្ងរលើទម្លាប់នៃការសិក្សា ជាពិសេសក្រុមកុមារពីគ្រួសារមានកម្រិតជីវភាពលំបាក។

តើការបិទសាលាអាចអាចរុញច្រាន​កុមារឱ្យរងផលប៉ះពាល់អ្វីខ្លះ?

១. ការប៉ះពាល់ចំពោះលទ្ធផលសិក្សា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការផ្អាកសាលារៀន នាំឱ្យកុមារត្រូវប្រឈមនឹងការរៀនតិចជាងមុន ហើយកុមារភាគច្រើនបានបាត់បង់ទម្លាប់នៃការរៀនសូត្រ។ ការរៀនតាមអនឡាញ អាចមានប្រសិទ្ធភាពតិចជាងការរៀនផ្ទាល់ ដោយសារសិស្សភាគច្រើនបាន​ចំណាយពេលលេងល្បែងតាមកុំព្យូទ័រឬស្មាតហ្វូនជាជាងផ្តោតលើសកម្មភាពរៀនសូត្រ ឬអានសៀវភៅ។

ក្នុងនោះកុមារកាន់តែមានអាយុតិច អាចទទួលរងផលប៉ះពាល់ជាអវិជ្ជមានកាន់តែខ្លាំង។

២. ផលប៉ះពាល់ចំពោះជីវភាព

កំលុងវិបត្តិនេះ កុមារមកពីគ្រួសារដែលជួបការលំបាកខ្លាំង មានលទ្ធភាពប្រើប្រាស់តិចតួចស្ដួចស្ដើងលើប្រព័ន្ធឌីជីថលទាំងបញ្ហាថវិកា និងបញ្ហាបច្ចេកទេស។ ​

កុមារមកពីគ្រួសារក្រីក្រនឹងមិនមានលទ្ធភាពប្រើប្រាស់ប្រព័ន្ធអ៊ិនធរណិត ដោយអាចទទួលរងនូវផលប៉ះពាល់ធ្លាក់ចុះប្រាក់ចំណូល ដោយសារការចំណាយទិញស្មាតហ្វូនឬឧបករណ៍អេឡិចត្រូនិក រួមទាំងសេវាអ៊ិនធរណិត ដែលចាំបាច់ក្នុងការរៀនពីចម្ងាយ។

ប្រឈមនឹងកូវីដ-១៩ ឪពុកម្តាយពីគ្រួសារដែលមានធនធានច្រើនអាចជួយមើលថែទាំកូនៗរបស់ពួកគេ អំឡុងពេលបិទសាលា។ ផ្ទុយទៅវិញ រឿងនេះនឹងប្រឈមការលំបាកខ្លាំងសម្រាប់គ្រួសារក្រីក្រ។

៣. ផលប៉ះពាល់ចំពោះឪពុកម្ដាយឬអាណាព្យាបាល

អំឡុងសាលាបិទទ្វារ អាណាព្យាបាលរបស់កុមារ ជាពិសេសម្តាយ ត្រូវប្រឈមការលំបាកទាំងការមើលថែរក្សាកូនផង និងតម្រូវការធ្វើការងារខ្លួនឯងផង។ អាណាព្យាបាលត្រូវចំណាយពេលច្រើនជាងមុនជាមួយកូនៗ ក៏ដូចជាញែកពេលសម្រាប់បង្រៀនពួកគេបន្ថែម។ ចំពោះគ្រួសារជីវភាពលំបាក ហើយមិនចេះប្រើបច្ចេកវិទ្យាទៀត​ តើក្មេងៗនឹងទទួលបានការអប់រំល្អដែរទេ? នេះជាចំណោទបញ្ហាធំមួយ ដែលវីរុសកូវីដ-១៩ កំពុងវាយប្រហារកុមារ អំឡុងបិទសាលា ជាពិសេសក្មេងនៅតាមជនបទ៕

ប្រែសម្រួល៖ សន្យា

ចុចអាន៖ តើកុមារមានលក្ខណៈពិសេសអ្វី បានជាប្រឈមនឹងកូវីដតិចជាងមនុស្សចាស់?

ចុចអាន៖ កុមាររាប់លាននាក់ទូទាំងពិភពលោក ត្រូវរងទុក្ខដោយសារតែកូវីដ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២០ នាទី មុន

យុវជនជាង ៤ រយនាក់ កំពុងសិក្សាជំនាញវគ្គខ្លី នៅវិទ្យាស្ថានពហុបច្ចេកទេស​ភូមិភាគតេជោសែនតាកែវ

ព័ត៌មានអន្ដរជាតិ២៦ នាទី មុន

តៃវ៉ាន់ រកឃើញសត្វកន្លាតប្រភេទថ្មី ជាប់ចំណាត់ថ្នាក់ធំជាងគេបង្អស់

ព័ត៌មានជាតិ១ ម៉ោង មុន

លោក ស៊្រុន ពៅ៖ ជ្រូកចាប់ផ្តើមឡើងថ្លៃ តែមិនទាន់ដល់ថ្លៃដើមផលិតដែលអ្នកចិញ្ចឹមអាចចំណេញ

ព័ត៌មានជាតិ២ ម៉ោង មុន

ឯកឧត្ដម ហ៊ុន ម៉ានី ចុះពិនិត្យដំណើរការតាក់តែងវិញ្ញាសាសម្រាប់ប្រឡងប្រជែង​ជ្រើសរើសគ្រូបង្រៀនឯកទេសអប់រំកាយ និងកីឡា

ព័ត៌មានអន្ដរជាតិ២ ម៉ោង មុន

គ្រូបង្រៀន​នៅថៃ ពិន័យសិស្ស​៣៦នាក់​ ដោយប្រើម្ចុលចាក់​​មាត់​ ខណៈក្មេងមានវ័យត្រឹម​៧ឆ្នាំ​

Sokha Hotels

ព័ត៌មានពេញនិយម