KPT+

សញ្ញាដែលបង្ហាញថា មិត្តប្រុសកំពុងតែបោកប្រាស់អ្នក

បានផុស

៣ years មុន

នៅ

ថ្ងៃអង្គារ ៦ មេសា ២០២១

ដោយ

ជាបឋមសូមកុំមានការស្លន់ស្លោអ្វីដោយគ្មានហេតុផល។ ចូរពិនិត្យមើលគណនីបណ្ដាញសង្គមរបស់គាត់ ដោយប្រយ័ត្នប្រយែង ហើយសង្កេតគ្រប់សកម្មភាពដែលអ្នកគិតថា មិត្តប្រុសកំពុងតែបោកប្រាស់អ្នកពិតមែន។

ខាងក្រោមនេះ ជាសញ្ញាដែលមិត្តប្រុស កំពុងតែបោកប្រាស់អ្នក៖

១. មិនដែលផ្ញើសារបង្ហាញក្ដីនឹករលឹក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សស្រលាញ់គ្នា តែងផ្ញើសាបង្ហាញក្ដីនឹករលឹកដាក់គ្នាមិនខាន តែបើមិត្តប្រុសអ្នកមិនបានធ្វើបែបនេះដាក់អ្នកទេ។ មានន័យថា គាត់កំពុងតែរកលេសចង់នៅឲ្យឆ្ងាយពីអ្នក លើកលែងតែគាត់រវល់ជាប់បំពេញភារកិច្ច។

ប៉ុន្តែសូមសាកសួរដៃគូសិន មុននឹងអ្នកគ្រាន់តែស្មានថាគាត់ពិតជាបោកប្រាស់ពិតមែន។

២. តែងតែឱបអ្នកដោយគ្មានហេតុផលល្អមកពន្យល់

ពេលអ្នកខឹង គេតែងតែជ្រើសរើសយកវិធីលួងលោម ដោយការឱបដើម្បីឲ្យអ្នកចិត្តទន់មានក្ដីមេត្តាដល់គេវិញ។ នេះអាចមកពីគាត់ដឹងកំហុស ហើយជំនួសឲ្យការអោបបង្ហាញភាពស្អាតស្អំ តែមិនពន្យល់ហេតុផលអ្វីប្រាប់អ្នកសោះឡើយ។

៣. មិត្តប្រុសផ្លាស់ប្ដូរស្ទិលឬទម្លាប់តែងខ្លួន

ប្រសិនបើគាត់ធ្វើអ្វីមួយយ៉ាងផ្ចិតផ្ចង់ ជាមួយនឹងសក់ សំលៀកបំពាក់របស់គាត់ ប្រហែលជាគាត់ចង់ក្លាយជាមនុស្សសំខាន់ម្នាក់របស់អ្នកណា ឬប្រហែលជាគាត់កំពុងព្យាយាមធ្វើឲ្យអ្នកណាម្នាក់ចាប់អារម្មណ៍គាត់។

ដូចគ្នានេះផងដែរ បើភ្លាមៗគាត់ស្រាប់តែចាប់ផ្ដើមផ្លាស់ប្ដូរ ឬធ្វើអ្វីចម្លែក គាត់ប្រហែលជាកំពុងព្យាយាមចង់ទាក់ទាញចំណាប់អារម្មណ៍ពីអ្នកដទៃផ្សេងពីអ្នកហើយ។

៤. តែងតែនិយាយយកលេសមិនទៅដើរលេងជាមួយអ្នក

ជាដៃគូតែងមានការណាត់ជួបពិសេសសម្រាប់ភាគីទាំងសងខាង ប្រសិនបើអ្នកណាត់ជួបមិត្តប្រុស ហើយគាត់តែងតែប្រើលេសដោះសារ រហូតក្លាយជាទម្លាប់ វានឹងក្លាយជាហេតុផលមួយដ៏គួរឲ្យស្អប់ខ្ពើមមិនខាន។

៥. ដូរ Password ទាំងអស់

បើមិត្តប្រុសអ្នកផ្លាស់ប្ដូរលេខសម្ងាត់ គ្រឿងអេឡិចត្រូនិក ហើយតែងតែយកទូរស័ព្ទរបស់គាត់ទៅបន្ទប់ទឹក គាត់អាចនឹងលាក់អ្វីមួយមិនខាន។ ជាពិសេស ប្រសិនបើគាត់មិនដែលធ្វើដូចទម្លាប់ពីមុន ពេលនៅជាមួយអ្នក។

៦. មិត្តប្រុសប្រាប់អ្នកថាគាត់ចង់ឃើញមនុស្សផ្សេងទៀតក្រៅពីអ្នក

ប្រសិនបើគាត់និយាយឃ្លានេះទៅកាន់អ្នក មានន័យថា គាត់មានមនុស្សម្នាក់ទៀតក្នុងចិត្តរួចទៅហើយ។
ដូច្នេះកុំបាច់និយាយច្រើនជាមួយមនុស្សបែបនេះ គួរតែចាកចេញពេលនេះ ប្រសើរជាងឈឺចាប់យូរអង្វែង ដែលត្រូវគេបោកប្រាស់មករហូត៕

ប្រែសម្រួល៖ សាង ស្រីល័ក្ខ

ចុចអាន៖ធ្វើយ៉ាងណា ដើម្បីបញ្ឈប់អារម្មណ៍ដែលងាយនឹងធ្លាក់ក្នុងអន្លង់ស្នេហ៍មនុស្សភេទផ្ទុយ

ចុចអាន៖ចរិតតួឯកប្រុសក្នុងភាពយន្តភាគកូរ៉ ៤ រឿងឆ្លុះបញ្ចាំងតម្លៃនៃបុរសពិត