ព័ត៌មានជាតិ

ក្រុមមន្ត្រីសុខាភិបាល បន្តចុះបង្រៀនអំពីការថែទាំសុខភាព និងអនាម័យ ដល់ពលរដ្ឋភៀសសឹកតាមជំរំសុវត្ថិភាព

បានផុស

៦ ខែ មុន

នៅ

ថ្ងៃចន្ទ ៥ មករា ២០២៦

ដោយ

ក្រុមគ្រូពេទ្យ និងបុគ្គលិកសុខាភិបាល បាននិងកំពុងបន្តចុះបង្រៀនអំពីការថែទាំសុខភាព និងអនាម័យខ្លួនប្រាណដល់ប្រជាពលរដ្ឋភៀសសឹកនៅតាមជំរំសុវត្ថិភាព ដើម្បីបង្ការការឆ្លងជំងឺនានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមក្រសួងសុខាភិបាល បានឱ្យដឹងថា បច្ចុប្បន្ន ក្រុមគ្រូពេទ្យ មន្ត្រី និងបុគ្គលិកសុខាភិបាល នៅមណ្ឌលសុវត្ថិភាព កំពុងបំពេញភារកិច្ចរបស់ខ្លួនយ៉ាងខ្ជាប់ខ្ជួន និងយកចិត្តទុកដាក់បំផុត ក្នុងការបម្រើសេវាសុខាភិបាលជូនប្រជាពលរដ្ឋ។ ក្នុងនោះដែរ មន្ត្រី និងបុគ្គលិកសុខាភិបាល បានធ្វើការផ្សព្វផ្សាយអប់រំសុខភាព អនាម័យ ហូបស្អាត ផឹកស្អាតដល់ប្រជាពលរដ្ឋ ជាពិសេសជនភៀសសឹកនៅទីទួលសុវត្ថិភាព និងបន្តយកចិត្តទុកដាក់ក្នុងការថែទាំ ព្យាបាល និងលើកកម្ពស់សុខុមាលភាព ដល់ពលរដ្ឋនៅគ្រប់ទីកន្លែង។

ក្នុងអំឡុងពេលយុទ្ធនាការអប់រំនេះដែរ មន្ត្រីសុខាភិបាល បានណែនាំ បង្រៀន អំពីការថែទាំសុខភាព និងអនាម័យខ្លួនប្រាណ ដល់ប្រជាពលរដ្ឋ ក្នុងការបង្ការឆ្លងជំងឺនានា។

យោងតាមក្រសួងមហាផ្ទៃ គិតចាប់ពីម៉ោង ១ រសៀល ដល់ម៉ោង ៦ ល្ងាច ថ្ងៃទី ៤ ខែមករា ឆ្នាំ ២០២៦ មានជនភៀសសឹកចំនួន ២៥.៤០៧ នាក់បន្ថែមទៀត បានបន្តវិលទៅលំនៅឋានវិញ។ ដូច្នេះក្នុងចំណោមជនភៀសសឹកសរុបជាង ៦ សែន ៤ ម៉ឺននាក់ មាន ២៤២.២៦៧ នាក់ ក្នុងនោះ ស្រី្ត ១២៧.៨៨៦ នាក់ និងកុមារ ៧៨.៩០៧ នាក់ បន្តស្នាក់នៅជំរំ៕

អត្ថបទ ៖ សំអឿន