ព័ត៌មានជាតិ

អភិបាលខណ្ឌ ៧ មករា បន្តចុះសួរសុខទុក្ខ នាំអំណោយ និងថវិកា ជូនទាហានកំពុងសម្រាកនៅមន្ទីរពេទ្យ

បានផុស

៦ ខែ មុន

នៅ

ថ្ងៃព្រហស្បតិ៍ ៨ មករា ២០២៦

ដោយ

រដ្ឋបាលខណ្ឌ ៧ មករា បានចុះសំណេះសំណាលសួរសុខទុក្ខ និងបាននាំនូវអំណោយ រួមទាំងថវិកា ជូនដល់ទាហានចំនួន ៣ នាក់ ដែលកំពុងសម្រាកព្យាបាលនៅមន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ៧ ខែមករា ឆ្នាំ ២០២៦ រដ្ឋបាលខណ្ឌ ៧ មករា លោក សោម សុវណ្ណ ប្រធានក្រុមប្រឹក្សាខណ្ឌ ៧ មករា និង លោក ថេង សុថុល អភិបាល នៃគណៈអភិបាលខណ្ឌ ៧ មករា បានដឹកនាំមន្ត្រីក្រោមឱវាទ អញ្ជើញចុះសំណេះសំណាលសួរសុខទុក្ខទាហានចំនួន ៣ នាក់ រងរបួសក្នុងសង្គ្រាមឈ្លានពានពីប្រទេសថៃ កំពុងសម្រាកព្យាបាលនៅមន្ទីរពេទ្យព្រះកេតុមាលា រាជធានីភ្នំពេញ។

នាឱកាសនោះដែរ លោក ថេង សុថុល បានឲ្យដឹងថា វីរកងទ័ពទាំង ៣ នាក់ គឺនៅកងពលតូចអន្តរាគមន៍លេខ ៣៩៣ ឈរជើងការពារតំបន់មុំបី ស្ថិតក្នុងភូមិរុងរឿងមួយ ឃុំទឹកក្រហម ស្រុកជាំក្សាន្ត ខេត្តព្រះវិហារ ដែលជាសម្ព័ន្ធមេត្រីភាពជាមួយរដ្ឋបាលខណ្ឌ ៧ មករា បានរងរបួសក្នុងសង្គ្រាមឈ្លានពានពីប្រទេសថៃមកលើដែនអធិបតេយ្យរបស់ប្រទេសកម្ពុជា។

អភិបាលខណ្ឌ ៧ មករា បានបញ្ជាក់ថា លោកមានក្តីអាណិតអាសូរយ៉ាងខ្លាំងដល់កងទ័ពកម្ពុជាដែលបានលះបង់កម្លាំងកាយចិត្តបំពេញការងារដោយបេះដូង និងឆន្ទៈខ្ពស់ និងគោរពជូនពរដល់វីរយុទ្ធជនគ្រប់រូបដែលកំពុងសម្រាកព្យាបាលទាំងអស់គ្នា សូមឆាប់បានធូរសះស្បើយឡើងវិញផងដែរ៕

អត្ថបទ ៖ សុភា