អាជ្ញាធរជាតិអប្សរា បិទចរាចរណ៍ស្ពានហាលខាងលិចប្រាសាទអង្គរវត្ត ២ថ្ងៃ ដើម្បីប្រឡង«សំណេរអង្គរ» លើកទី៣

អាជ្ញាធរជាតិអប្សរា បិទការធ្វើចរាចរណ៍ជាបណ្តោះអាសន្ននៅស្ពានហាលខាងលិចប្រាសាទអង្គរវត្ត ចំនួន ២ថ្ងៃ គិតចាប់ពីថ្ងៃទី១៧ ដល់ ថ្ងៃទី១៨ ខែមករា ឆ្នាំ២០២៦។ នេះបើតាមសេចក្តីជូនដំណឹងរបស់អាជ្ញាធរជាតិអប្សរា នៅថ្ងៃទី១៦ ខែមករា ឆ្នាំ២០២៦។

បើតាមអាជ្ញាធរជាតិអប្ស ការបិទចរាចរណ៍ជាបណ្តោះអាសន្ននេះ ដើម្បីអនុញ្ញាតឱ្យក្រសួងអប់រំ យុវជន និងកីឡា ក្រសួងវប្បធម៌ និងវិចិត្រសិល្បៈ ក្រសួងទេសចរណ៍ និងស្ថាប័នពាក់ព័ន្ធរៀបចំការប្រឡងប្រជែងសរសេរតាមអាន «សំណេរអង្គរ» លើកទី៣ ក្នុងគោលបំណងចូលរួមចំណែកផ្សព្វផ្សាយ និងលើកកម្ពស់អក្សរសាស្ត្រខ្មែរ។

អាជ្ញាធរជាតិអប្សរា បានឱ្យដឹងទៀតថា ក្នុងអំឡុងពេលនៃការបិទចរាចរណ៍ ខាងលើនេះ ភ្ញៀវទេសចរជាតិ-អន្តរជាតិ ព្រមទាំងសាធារណជនទាំងអស់ អាចប្រើប្រាស់ស្ពានបណ្តែតទឹក ជាបណ្ដោះអាសន្ន សម្រាប់ការចេញ-ចូលទស្សនាប្រាសាទអង្គរវត្ត៕