អាជ្ញាធរខេត្តស្វាយរៀង ចុះសួរសុខទុក្ខវិរកងទ័ពដែលរងបួសពិការភ្នែក ពេលប្រយុទ្ធជាមួយទាហានថៃ

នៅថ្ងៃទី៣០ ខែមករា ឆ្នាំ២០២៦ លោក ម៉ែន វិបុល ប្រធានក្រុមប្រឹក្សាខេត្ត និងលោក ប៉េង ពោធិ៍សា អភិបាលខេត្ត បានអញ្ជើញមកចុះសួរសុខទុក្ខវិរកងទ័ពឈ្មោះ បេ សុផាត ដែលរងបួសពិការភ្នែកទាំងពីរក្នុងពេលប្រយុទ្ធមួយទាហានថៃ ស្ថិតនៅទិសប្រាសាទព្រះវិហារកន្លងទៅ ហេីយបានសង្គ្រោះ សម្រាកព្យាបាលនៅមន្ទីរពេទ្យអង្គឌួង និងបន្តទៅព្យាបាលនៅប្រទេសឥណ្ឌា បច្ចុប្បន្នលោកកំពុងសម្រាកព្យាបាលនៅផ្ទះស្ថិតនៅភូមិទៃយា ឃុំធ្លក ស្រុកស្វាយជ្រំ ខេត្តស្វាយរៀង។

លោកអភិបាលខេត្ត បានសម្តែងនូវការកោតសរសើរបំផុតចំគំរូវីរៈភាពក្នុងការបេញបេសកម្មដ៏ឧត្តុង្គឧត្តម ដើម្បីការពារដែនអធិបតេយ្យភាព និងបូរណភាពទឹកដីពីការឈ្លានពានរបស់ថៃ ដើម្បីការពារជាតិមាតុភូមិ ក្នុងបុព្វហេតុ ថែរក្សាសុខសន្តិភាពជូនប្រជាជនកម្ពុជា ប្រចាំការទិសប្រាសាទព្រះវិហារបានជូនពរជ័យដល់វីរកងទ័ព បេ សុផាត ឆាប់ជាសះស្បេីយពីរបួស ជាពិសេសភ្នែកម្ខាងដែលក្រុមគ្រូពេទ្យឥណ្ឌាកំពុងតាមដានព្យាបាល និងទៅម្តងទៀតរយៈពេល៣ខែក្រោយ។

នៅក្នុងពិធីចុះសួរសុខទុក្ខនេះដែរ អភិបាលខេត្ត រួមទាំងប្រធានក្រុមប្រឹក្សាខេត្ត និងសហការីបាននាំមកនូវថវិកាចំនួន ៥លានរៀល និង២០០ដុល្លារ ព្រមទាំងគ្រឿងឧបភោគបរិភោគមួយចំនួនទៀតផងដែររួមមាន៖ ទឹកត្រី១០យួរ,ទឹកសុីអុីវ២កេសនិង២យួរ,អង្ករ១០បេ ,ភេសជ្ជ: ៥កេស និងមី១០កេស៕

ដោយ៖ភក្ដី